Inawezekana mimi ndio simuelewi. anataka mazungumzo ya amani hapo Ukraine vipi kule Gaza hataki amani?
Kujaribu kulinganisha suala la Ukraine na Gaza ni sawa kabisa na kuilinganisha Urusi na Hamas, jambo ambalo ni kosa kubwa.
Ingawa wote wanadai kupigania maslahi ya nchi zao au ardhi yao, mbinu yao ni tofauti.
Kabla ya tukio la Februari 22 la SMO Ukreni, Urusi ilimpatia Zelenskyy nafasi ya kuchagua njia ya amani au vita.
Zelenskyy, kwa kushupazwa shingo na wafadhili wake, akaamua yeye mwenyewe kuwatumbukiza raia wake kwenye machinjio.
Angeamua kujivika ujasiri alionao sasa wa kubishana na Trump hadharani, akakaa meza moja ya mazungumzo na Putin wakati ule, basi hakika leo historia ya Ukreni ingekuwa tofauti sana!
Tukio la kuhuzunisha sana walilofanya Hamas Oktoba 7 halikuwapa Israeli nafasi ya kuchagua kati ya vita au maridhiano.
Huenda hii ni kutokana na historia ya huko nyuma, uwezo wao na mtazamo, lakini wala hilo si hoja hapa.
Russia alionesha ustaarabu na kujitambua na kujali sana uhai kwa kitendo chake cha kusisitiza suala la amani kwa njia ya mazungumzo ya pamoja.
Kwa mazingira haya, ni dhahiri Gaza ilipokelewa jinsi ileile Hamas walivyoingia Israeli - kwa mauaji ya kikatili tena bila kujali uhai wowote!
Nadhani Netanyau na Israeli kwa ujumla wanaamini kwamba Hamas wanaelewa lugha moja tu ya matumizi ya nguvu.
Kwa upande mwingine, Urusi ni utawala unaojaribu kulinda maslahi yake pamoja na usalama na heshima na ushawishi wake kwa pamoja.
Urusi inajiona kama kiongozi duniani. Hadhi yake ni muhimu sana.
Hamas hujiona kama mhanga. Uhai wake ndio kipaumbele kwa vile ndio uko hatarini zaidi kutoweka.
Jambo la tatu muhimu linalokazia kwa nini pengine Trump haoneshi msimamo wake wa amani Gaza kama ule wa Ukreni ni malengo makuu ya vita.
Ni kama vile Hamas na Gaza walishaamua kwamba haiwezekani kamwe katu wao kuwepo ilhali Waisraeli nao wakiwepo.
Kwao coexistence yao pamoja na wana wa Yakobo ni anasa ghali mno wasiyoweza kuimudu.
Mtazamo huu unawaachia uchaguzi mmoja tu wa kubuni kila njia wawezayo ili kupambana na Mzayuni hadi tone la mwisho - ama zangu, ama zake!
Wazo la nne nilionalo hapa pia ni kwamba Trump anaonekana kupamudu zaidi Mashariki ya Kati kuliko Ukreni, ambapo anamudu upande mmoja tu wa Zelenskyy.
Trump ana njia nyingi za kumdhibiti Israeli na Hamas, kwa sababu ya uwezo alionao juu yao.
Hata hivyo, Ukreni ndiye pekee anayeweza kufokewa na Trump.
Kwa hesabu za jamaa, hawezi kabisa kumchokonoa sana Putin kwa vile ni dubu - ingawa ni mtulivu, anayejitambua sana.
Haiwezekani kumtishia Urusi bomu ukadhani atanywea na kuchutama.
Lakini Zelenskyy yeye?
Kwa nini hakuwa na wawakilishi kwenye ule mkutano wa awali Saudia uliokuwa ukiihusu nchi yake?
Kwa nini Trump ampigie simu Putin, halafu Zelenskyy akaishia tu kupewa taarifa baadaye kuhusu dondoo za mazungumzo husika?
Kwa nini Trump amtishie kwamba mkataba wa madini adimu utasainiwa ama pamoja naye au pasipo yeye?
Kwa nini baada ya ule mtikasi wa kulumbana Ikulu Marekani, Zelenskyy akatakiwa kuomba radhi hadharani, na akafanya hivyo kweli?
Hii yote ni kutuambia kwamba Zelenskyy kwa Trump anatishika na kushikika.
Hiki ni kinyago walichokichonga Marekani wenyewe; wala hakiwezi kuwatisha.
Kwa mtazamo wa Trump, na ndio ukweli wenyewe, Zelenskyy ^hana karata,^ maana yake hana chake hapo.
Kwa ufupi, Trump anaelewa malengo yake (amani) na pia anajua njia zipi feasible atumie ili kuyafikia kwa gharama ndogo.
Trump anaelewa fika mipaka yake pia. Ni mara ngapi akizungumzia kuikabili Urusi, suala la VV3 linaibuka mara zote?
Kwa hiyo kuishambulia Hamas ndiyo njia ya amani?
Bila kuhalalisha ubaya wowote, ila kwa mtu mkatili asiyetambua amani kwa njia ya mazungumzo ya pamoja na hatimaye maridhiano, basi matumizi ya nguvu kidogo yatasaidia kumkumbusha hilo.
Ni baada ya kipondo kizito cha miaka 3 ndipo Ukreni akili zimemkaa na kutambua vizuri zaidi umuhimu wa suluhu kwa njia ya mazungumzo.