Spika Ndugai: TAMISEMI inaniudhi sana; kwanini inapora Madaraka ya Halmashauri?

[Interest]

Dodoma. Spika wa Bunge, Job Ndugai amepinga mpango wa Serikali wa kuwapangia vituo vya kazi moja kwa moja walimu wanaoajiriwa, akihoji ni kwanini inapoka madaraka ya Halmashauri.

Ndugai ametoa kauli hiyo leo Jumamosi Desemba 23, 2017 ikiwa ni siku moja baada Waziri wa Nchi, Ofisi ya Rais TAMISEMI, Selemani Jafo kutangaza majina ya walimu 3,033 waliopangiwa vituo vya kazi.

Katika kikao cha kamati ya ushauri ya Mkoa wa Dodoma leo, Spika Ndugai amehoji TAMISEMI ni nani hata aweze kujua ikama ya walimu shuleni. Amesema wamekuwa wakijaza walimu maeneo yasiyo na mahitaji.

"Hili jambo linakera, yaani kila mahali sasa ni TAMISEMI hadi napata shaka sasa, hivi hii zana ya D by D (ugatuaji wa madaraka) ina maana haijatafsiriwa vyema au ndiyo kupoka madaraka kwa wengine," alihoji Ndugai.

Spika ametoa mfano wa Shule ya Banyibanyi wilayani Kongwa ambayo amesema ina wanafunzi wanaoingia kidato cha tatu lakini hawajawahi kusoma masomo ya sayansi hata siku moja.

"Lakini juzi hapa mmepanga walimu na nilipita tena hapo hakuna hata mwalimu. Hawajasoma hesabu, fizikia, baiolojia, kemia na jiografia; nauliza tena wanasema Tamisemi, hivi hao walisoma wapi na ninyi mmesoma shule zipi," alihoji.

Ndugai amewatupia mzigo wabunge wa Mkoa wa Dodoma amesema wanatakiwa kuupinga mpango huo bungeni wakati yeye akiongoza vikao vya Bunge.

Pia, amepinga mpango wa utoaji fedha kwa vikundi amesema umepitwa na wakati kwa kuwa zinaliwa bure.

Amesema hakuna umuhimu wa kusema watu waunde vikundi ndipo wapewe fedha au uwezeshwaji, badala yake waangaliwe mtu mmoja mmoja ambao wanakuwa na uwezo wa kuzalisha na kisha wafuatiliwe.

Mbunge wa Mtera, Livingstone Lusinde na Meya wa Manispaa ya Dodoma, Profesa Davis Mwamfupe kwa nyakati tofauti waliunga mkono hoja ya kutopeleka fedha kwa vikundi.

Lusinde amesema kumekuwa na utitiri wa vikundi baada ya kusikia kuna fedha wakati uwezo wa uzalishaji haupo.

"Namuunga mkono Spika katika hili, tunaunganisha watu hata wasiokuwa na mbinu za uzalishaji, naomba tuachane na vikundi havina tija kwa kuwa wanagawana fedha tu," amesema Lusinde.

Profesa Mwamfupe amesema Serikali inagawa vibaya rasilimali fedha kwa kauli ya kasungura kadogo tugawane lakini zinaishia kutoleta tija.

Akijibu hoja hizo, Mkuu wa Mkoa wa Dodoma, Dk Binilith Mahenge amewaagiza wakurugenzi wa wilaya kuangalia ikama ya walimu na kuwatawanya mara moja.

Kuhusu fedha za vikundi kwa vijana na akina mama amesema jambo hilo liko kisheria. Amesema hakuna ubaya kuwasaidia watu mmoja mmoja ambao wanajiweza katika uzalishaji.

 

[Tandam4]

Mkuki mtamu kwa nguruwe,kwa binadamu.......vipi yeye anavyotuudhi mamilioni ya watanzania?

 

[FRESHMAN]

shida halmashauri ikipewa madaraka inapanga kwa rushwa... za ngono na hela

 

[HIMARS]

Bado kidogo wataelewa tu

 

[MWANDENDEULE]

Kumbe zimo

 

[Shuleless]

Sheria ya TAKWIMU haimhusu huyu!?!?

 

[Lucky Star]

Kwa hilo la walimu namuunga mkono moja kwa moja. Hili la pili naunga mkono kwa kutoa maoni yangu kuwa,utaratibu huo pia unahitaji umakini zaidi katika kujiridhisha kuhisu vigezo vya mtu mmoja mmoja.

Hii ni kuepusha upendeleo hasa kwa wenye uwezo zaidi na ushawishi kupoka haki za wenye uwezo mdogo kukopesheka.
Vinginevyo nia yake iko njema

 

[Midumare Ngatuni Iwato]

Nadhani waziri watamisemi yupo sahihi sana,,Tamisemi hawawezi kupanga bila kupata taarifa sahihi kutoka Mfano kwa RAS,
Mh Jaffo nakuunga mkono sana,,nakuombea sana Kijana mwenzangu pambana sana waonyeshe kuwa wewe unaweza
Tambua mabadiliko yanakuja na vikwanzo vingi sana,,

 

[Tajirimsomi]

Kidogo aseme I wish i could be minister

 

[MKWEPA KODI]

Tunaposema muhimili uliojichimbia chini unafanya mambo kienyeji hasikii sasa yamemkumba kwenye eneo lake la uwakilishi ndiyo akili zimeanza kumrudia

 

[Erick Kalemela]

Walimu wakipangwa moja kwa moja itaondoa malalamiko ya Rushwa

 

[kwembe87]

Ndugai nae ni porojo tu hana jipya kaminya sana demokrasia bungeni hatumpendi

 

[popoma]

Akili zake zimeanza kumrudia taratibu

 

[Matonya Mazengo]

shida halmashauri ikipewa madaraka inapanga kwa rushwa... za ngono na hela

Je unao ushahidi? Usiongee kwa mambo usiokuwa na ushahidi, ukipigwa pingu hapo utaanza kulalama.

 

[Matonya Mazengo]

Ndugai nae ni porojo tu hana jipya kaminya sana demokrasia bungeni hatumpendi

Sema wewe ndo humpendi lakini wengi tunamkubali kwa sana.

 

[Dundo_Boy]

Nadhani waziri watamisemi yupo sahihi sana,,Tamisemi hawawezi kupanga bila kupata taarifa sahihi kutoka Mfano kwa RAS,
Mh Jaffo nakuunga mkono sana,,nakuombea sana Kijana mwenzangu pambana sana waonyeshe kuwa wewe unaweza
Tambua mabadiliko yanakuja na vikwanzo vingi sana,,

Kweli kabisa, naamini kijana amefanya vyema. Vituo vya kazi hajatoka navyo mfukoni....watulie wafikiri kwa makini, km walitoa taarifa ambazo si sahihi basi wanahitaji watumbuliwe haraka kwa kuidanganya tamisemi

 

[balimar]

A void in voiceless.

 

[Allybalowab]

Sema wewe ndo humpendi lakini wengi tunamkubali kwa sana.

Hata mm wapi sim

 

[libeva]

Dodoma. Spika wa Bunge, Job Ndugai amepinga mpango wa Serikali wa kuwapangia vituo vya kazi moja kwa moja walimu wanaoajiriwa, akihoji ni kwa nini inapoka madaraka ya halmashauri.

Ndugai ametoa kauli hiyo leo Jumamosi Desemba 23,2017 ikiwa ni siku moja baada Waziri wa Nchi, Ofisi ya Rais Tamisemi Selemani Jafo kutangaza majina ya walimu 3,033 waliopangiwa vituo vya kazi.

Katika kikao cha kamati ya ushauri ya Mkoa wa Dodoma leo, Spika Ndugai amehoji Tamisemi ni nani hata aweze kujua ikama ya walimu shuleni. Amesema wamekuwa wakijaza walimu maeneo yasiyo na mahitaji.

"Hili jambo linakera, yaani kila mahali sasa ni Tamisemi hadi napata shaka sasa, hivi hii zana ya D by D (ugatuaji wa madaraka) ina maana haijatafsiriwa vyema au ndiyo kupoka madaraka kwa wengine," alihoji Ndugai.

Spika ametoa mfano wa Shule ya Banyibanyi wilayani Kongwa ambayo amesema ina wanafunzi wanaoingia kidato cha tatu lakini hawajawahi kusoma masomo ya sayansi hata siku moja.

"Lakini juzi hapa mmepanga walimu na nilipita tena hapo hakuna hata mwalimu. Hawajasoma hesabu, fizikia, baiolojia, kemia na jiografia; nauliza tena wanasema Tamisemi, hivi hao walisoma wapi na ninyi mmesoma shule zipi," alihoji.

Ndugai amewatupia mzigo wabunge wa Mkoa wa Dodoma amesema wanatakiwa kuupinga mpango huo bungeni wakati yeye akiongoza vikao vya Bunge.

Pia, amepinga mpango wa utoaji fedha kwa vikundi amesema umepitwa na wakati kwa kuwa zinaliwa bure.

Amesema hakuna umuhimu wa kusema watu waunde vikundi ndipo wapewe fedha au uwezeshwaji, badala yake waangaliwe mtu mmoja mmoja ambao wanakuwa na uwezo wa kuzalisha na kisha wafuatiliwe.

Mbunge wa Mtera, Livingstone Lusinde na Meya wa Manispaa ya Dodoma, Profesa Davis Mwamfupe kwa nyakati tofauti waliunga mkono hoja ya kutopeleka fedha kwa vikundi.

Lusinde amesema kumekuwa na utitiri wa vikundi baada ya kusikia kuna fedha wakati uwezo wa uzalishaji haupo.

"Namuunga mkono Spika katika hili, tunaunganisha watu hata wasiokuwa na mbinu za uzalishaji, naomba tuachane na vikundi havina tija kwa kuwa wanagawana fedha tu," amesema Lusinde.

Profesa Mwamfupe amesema Serikali inagawa vibaya rasilimali fedha kwa kauli ya kasungura kadogo tugawane lakini zinaishia kutoleta tija.

Akijibu hoja hizo, Mkuu wa Mkoa wa Dodoma, Dk Binilith Mahenge amewaagiza wakurugenzi wa wilaya kuangalia ikama ya walimu na kuwatawanya mara moja.

Kuhusu fedha za vikundi kwa vijana na akina mama amesema jambo hilo liko kisheria. Amesema hakuna ubaya kuwasaidia watu mmoja mmoja ambao wanajiweza katika uzalishaji.

Halmashauri zinarundika walimu mijini kwenye uhitaji wa walimu unakuta kuna walimu 3 tu shule nzima.

 

[Benjamini Netanyahu]

Mbona bosi wake amepoka madaraka ya bunge na mahakama na hasemi chochote, aache unafiki kila mbuzi hula kwa urefu wa kamba yake.