REV KISOLO
JF-Expert Member
- Jul 13, 2014
- 235
- 145
T
PCCB kabisa!? Hawa si ni sehemu ya wapigaji tu!Moja ya mbinu ambazo hutumika na 'wawekezaji' wenye nia ovu ni kuandaa safari za nje ya nchi za 'kuwaelimisha' wafanya maamuzi wa nchi husika.
Safari hizi huambatana na ukarimu wa hali ya juu kwenye mahoteli ya kisasa na utalii wa maeneo mbalimbali ya kuvutia kwenye hizo nchi.
Pamoja na hayo, viongozi hupewa 'zawadi' binafsi za aina mbalimbali kama vile fedha, kompyuta mpakato, simu na kadhalika.
Sasa basi, kwa mujibu wa sheria ya maadili ya viongozi wa umma kifungu cha 12 kifungu kidogo cha 2 (a & b), kiongozi yeyote apokeapo zawadi yenye thamani inayozidi kiasi cha shilingi laki mbili anawajibika kufanya yafuatayo:
a) kuweka wazi kwa mamlaka husika kuwa alipokea hiyo zawadi
b) kuiwasilisha hiyo zawadi kwa 'acounting officer' anayehusika na ofisi yake ambaye ndiye ataamua matumizi ya zawadi hiyo.
Viongozi wote nchini ikiwa na pamoja na wabunge, mawaziri, wakuu wa taasisi n.k wanakula kiapo cha maadili kwa viongozi wa umma ambacho msingi wake ni sheria hiyo.
Kwa upande wa watumishi wa umma, wao hupaswa kuandikisha na kukabidhi zawadi inayozidi thamani ya shilingi elfu hamsini. Na wao pia hula kiapo cha maadili kwa watumishi wa umma.
Sheria hizi zilitungwa mahususi kwakua serikali inatambua mbinu mbalimbali zinazotumiwa na wafanyabishara katika kuwahadaa viongozi wa nchi, hii imewekwa ili kuepusha kiongozi kushawishiwa kufanya maamuzi baada ya kupewa rushwa iliyovikwa koti la 'zawadi'.
PCCB wachunguzeni haraka delegation yote iliyokwenda na mama Dubai ikiwa ni pamoja na wabunge, kama walipokea 'zawadi' na kama walizikabidhi hizo zawadi kwa mamlaka husika.
Hizi ni nyakati za giza kwa taifa, kila mmoja anapaswa kuwa mzalendo bila kuyumba.