TANROADS: Barabara ya Mzunguko wa Nje ya Dodoma (Outer Ring Road) haijakamilika rasmi, inatumika kwa dharura

[Roving Journalist]

Barabara ya Mzunguko wa Nje ya Dodoma (Outer Ring Road) inayozungumziwa bado haijakamilika rasmi, na matumizi yake kwa sasa yameruhusiwa kwa dharura kufuatia changamoto iliyojitokeza katikati ya Jiji la Dodoma , hususan kufungwa baadhi ya njia kutokana na matengenezo ya miundombinu ya maji ya DUWASA.

Hayo ni maelezo ya Wakala wa Barabara Tanzania (TANROADS) baada ya hoja iliyotolewa na Mwananchi kupitia Jukwaa la JamiiForums.com aliyehoji barabara hiyo kutowekewa sehemu za magari kusimama ikitokea kuna dharura ili kutoziba magari mengine kupita.

Maelezo zaidi ya TANROADS:
Ni muhimu kuelewa kuwa barabara hii imebuniwa kwa viwango vya kisasa vya Expressway (high-speed controlled access road), ambapo lengo kuu ni kuruhusu magari kusafiri kwa kasi na usalama zaidi bila kusimama ovyo barabarani.

Baada ya kukamilika, barabara hii itakuwa na miundombinu muhimu ikiwemo:

Maeneo maalum ya dharura (Truck Lay-bys) kwa magari yenye matatizo

Vituo vya mapumziko (Road Side Stations - RSS) kwa madereva na watumiaji wengine wa barabara.

Sehemu za kugeuzia magari (U-turns) zilizopangwa kitaalamu kila km 3-5.

Barabara za huduma (service roads) kwa ajili ya shughuli za maeneo jirani na biashara.

Hata hivyo, miundombinu hii yote inawekwa kwa umakini mkubwa ili kulinda dhana ya barabara ya mwendo kasi (expressway), ambapo kusimama ovyo barabarani hakuruhusiwi.

Kuhusu hoja ya kuondoa kerbstones, ni vyema kufahamu kuwa:

Kuondoa miundombinu hiyo kutasababisha magari kuingia ovyo barabarani, kuongeza ajali na kuharibu kingo za barabara na kupunguza ubora na hadhi ya barabara kuwa ya kawaida badala ya expressway.

TANROADS inaendelea kukamilisha kazi zilizobaki, na tunaomba wananchi na watumiaji wa barabara hii wawe na uvumilivu katika kipindi hiki cha mpito.

Lengo letu ni kuhakikisha tunakuwa na barabara salama, ya kisasa na yenye kukidhi mahitaji ya sasa na ya baadaye ya usafiri nchini.

Madai yalivyokuwa: DOKEZO - Responded - Barabara ya kupunguza foleni Dodoma ni mpya lakini imejengwa kizamani, hakuna sehemu ya gari kupaki kwa dharura

 

[Mad Max]

Ndio official iyo.