Tenda Majeshini: Angela Kizigha (Mbunge) anapata wapi audacity ya kutapeli/kuibia Jeshi la Polisi/Serikali zama hizi?

[BIN BOR]

The question is who is REALLY behind her?

Baby wake

 

[Chakaza]

Baby wake

Who is her baby? Kitwanga? Kama ni huyo sinema itaishia kama ya Lugumi. Kitwanga ni kama Bashite wana mbeleko ya chuma.
Mzee baba anatupiga usanii tuu, kama ule wa mchawi kulia sana kwenye msiba

 

[east36]

Yaani yule mpumbavu angejua ni afadhali angekaa kimya tu, kuliko kurefusha mdomo kama nguruwe ambayo inalia njaa.

Unamaanisha yule anayetaka kuvua nguo?

Waziri wetu sidhani kama alikua anayajua haya yote...

Ila atayajuaje wakati kwenye kitabu anachotembea nacho hayapo...


Cc: mahondaw

Hiyo bado sio sababu au ni sababu dhaifu sana, sisi tunasubiri atekeleze maneno yake au amuombe radhi musa kwa kumuita muongo na kumchafua bungeni.

 

[Alvajumaa]

Nchi hii wengine wanafanya kama shamba la bibi,

 

[misasa]

Atakuwa na watu nyuma sio bure

Navyojua wanawake waoga sana kwenye masuala kama haya,ukichukulia pesa nyingi sana halafu kaenda kupiga jeshi la polisi hayupo pekee yake naamini

 

[magu2016]

Magufuli hana uwezo wa kupinga ufisadi , hajawahi kuwa nao na wala hatokuja kuthubutu kuwa nao .

Njama zote dhidi ya CAG , hizi zinazopangwa na Ndugai ni njama zake

Wewe dada naona kila siku lazima umuote Rais Maguful!!!! Karibu utapata mimba!

 

[magu2016]

Magufuli fisadi papa ana tofauti gani na huyo mama Magufuli wa kufungwa tu wewe kila wizi unahamiShia vote 20 harafu unaseme anakemea wizi dah ccm zao la ma shetani wezi wote

Halafu unajina bayaaa!!

 

[enelisamwakapala]

Muda wa lugola kuvua nguo umekaribia

Hatuna haja yakuona kibamia chake

 

[Kennedy]

🤔🤔
Atanyimwa Hewa Huyo

 

[Keyser Söze]

Habari za uchunguzi ua upembuzi kama hizi ndio zinazotakiwa! Big up kwa gazeti la jamhuri!

 

[kbosho]

Mwigulu huwa zile tai za Bendeza za Tanzania, huwa ni urembo tu kama shanga

 

[Ngushi]

Duh Angela Kizigha fisadi sana hv aiseeeee...!! I believe 100% Mh. Rais wangu atamtia adabu kabisa huyu fisadi..!!

Tangu lini jpm anachukia ufisadi unaofanywa na ccm wenzake?
Nakwambia huyo mama ataendelea kudunda tu mtaani

 

[Jumong S]

Sasa hapa ndo huwa tunawapima viongozi shupavu!

Ngoja tumuone anko JPM anachezaje hili saga!

 

[kurlzawa]

Huyo mrembo ivyo alafu anatapeli watu what a shame

 

[businesslink]

bump....

 

[May Day]

Huyo mrembo ivyo alafu anatapeli watu what a shame

Sio ungehoji kama ataadhibiwa kweli huyu?

 

[HORSE POWER]

Hii inashangaza sana.Wizi wa kutisha unafanyika na vyombo vya usalama vipo.Na ninaanza kuamini kabisa kwamba kuna 'parallel government' hapa kwetu ambayo ina nguvu kuliko Serikali halali.

 

[Escrowseal1]

Juzi wizara iliitwa kansa watu wakarusha mateke ila kati ya wizara zisizojitambua na hazijui maana ya awamu ya tano ni hii wizara . Mi siipendi ki ufupi

 

[fredy18]

Duuuuuuh

 

[Irenga]

Nilidhani zama hizi za Magufuli watu sote watakuwa wamenyooka na hasa ndani ya CCM

Lakini wapi!

Je tunaweza kujua who is behind this project (Angela Kizigha)?

Na hao ma Godfathers wake wataendelea kumlinda mpaka lini? Sitaki kuamini kuwa Mheshimiwa Rais ata vumilia mafisadi kama huyu mama.

Nashauri kama hiyo kampuni yake itapatikana na hatia, then serikali iipige faini kubwa na pia waongeze riba kwenye hiyo faini (kupoteza muda na wizi etc) na bila kusahau gharama za pesa zote na wakimaliza na hiyo kampuni waende kwa huyu mheshimiwa ambaye kakubali kuwa kampuni ni yake hivyo kama mkurugenzi mali zake zichukuliwe kulipia gharama zote

Na bila kusahau kwa kuwa yeye ni mkurugenzi akipatikana na hatia then awe banned kuwa mkurugenzi wa kampuni yoyote ile Tanzania (sheria naamini inasema hivyo, but i stand to be corrected)
PCCB naamini wako kazini

Hapo chini ni habari za huyu Mbunge in 2017.

Ripoti ya CAG in 2019 nato pia inatuhumu hii kampuni yake

___________________________________________________________________________________


Mchezo wa wanasiasa kutumia kampuni za mfukoni kunyofoa rasilimali za umma bado unaendelea, baada ya JAMHURI kubaini kuwa mmoja wa wabunge wamejipatia zaidi ya Sh bilioni 40 kwa njia ya udanganyifu.

Kibaya zaidi na bila woga, waliokabidhiwa dhamana ya kulinda mali za umma ndiyo waliogeuka ‘mbwa mwitu’ na kutumia nyadhifa zao kunyofoa kila kinachopita mbele yao.

“Huwezi kuamini. Rais [John] Magufuli anapozungumza wapiga dili si watu wadogo wadogo wa mtaani, bali ni wakubwa. Baadhi ya Polisi wanashirikiana na wabunge ‘kuliibia’ Taifa, wakati wao walipaswa kukamata wabadhirifu,” anasema mtoa habari wa JAMHURI ndani ya Jeshi la Polisi kwa masikitiko.

Wakati mwaka uliopita nchi ilishuhudia mtikisiko mkubwa kutokana na Kampuni ya Lugumi Enterprises, kujipatia kwa njia ya udanganyifu Sh bilioni 37 kwa ajili ya kufunga vifaa vya kutambua alama za vidole katika wilaya 108 nchini, kampuni hiyo ilifunga vifaa katika wilaya 12 tu na kati ya hizo wilaya nane pekee ndiko vilikokuwa vikifanya kazi na ikalipwa Sh bilioni 34, zamu hii kashfa inayorindima ni ya sare, kofia na makoti ya mvua ndani ya Jeshi la Polisi.

Katika hali ya kustaajabisha, Kampuni ya Daissy General Traders imepewa zabuni za mabilioni bila kuwasilisha kofia, sare na makoti ya mvua, na sasa uchunguzi wa JAMHURI umebaini kuwa inamilikiwa na Mbunge wa Bunge la Afrika Mashariki, Angela Kizigha.

Katika nyaraka ambazo JAMHURI imeziona, kwa kipindi cha mwaka mmoja na nusu Daissy General Traders ilipewa zabuni ya sare za Jeshi la Polisi yenye thamani ya zaidi ya Sh bilioni 40.

Mchezo wa kulinyofoa Jeshi la Polisi ulianza Juni 19, 2014 wakati joto la uchaguzi lilipoanza kupanda, ambapo Wizara ya Mambo ya Ndani iliipatia Daissy zabuni namba ME.014/PF/2013/2014/G/34-Lot 11 yenye thamani ya Sh 21,463,750,000. Zabuni hii ilikuwa ni kwa ajili ya sare za polisi na mavazi mengine.

Mchezo huu ulienda kwa ‘raketi’ ya hali ya juu, kwani wakati watunza bohari wa polisi wakionesha kuwa nguo na vifaa vinavyotajwa chini ya mikataba mbalimbali vililetwa, uhalisia wakubwa hawa walikuwa wanagonga mihuri makaratasi na kurekodi “bidhaa hewa”.

Mei 30, 2015 Wizara ya Mambo ya Ndani ilipoipatia Daissy zabuni namba ME.014/PF/2013/2014/G/3I-Lot 1 yenye thamani ya Sh 716,614. Zabuni hii ilikuwa ya sare na nguo za matukio.

Juni 12, 2015 Jeshi la Polisi lilitoa hati ya mahitaji (Call-Off Order) Na. MOHA/PF/2014/2015/338 zabuni ME.014/PF/2014/2015/G/31-Lot 1 yenye thamani ya Sh 3,524,570,234. Kama zabuni iliyotangulia, hata hii ilitajwa kuwa zabuni ya sare na vifaa visaidizi vya matukio. Zabuni zote zilizofuata zilitajwa kununua vifaa vinavyofanana.

Juni 15, 2015 Jeshi la Polisi lilitoa hati ya mahitaji (Call-Off Order) Na. MOHA/PF/2014/2015/337 zabuni ME.014/PF/2014/2015/G/31-Lot 1 yenye thamani ya Sh 3,524,570,234.

Novemba 4, 2015 Jeshi la Polisi lilitoa hati ya mahitaji (Call-Off Order) Na. MOHA/PF/2015/2016/108 zabuni ME.014/PF/2015/2016/G/30-Lot 2 yenye thamani ya Sh 22,918,880,600.

Novemba 2, 2015 Wizara ya Mambo ya Ndani iliipatia Daissy zabuni namba ME.014/PF/2015/2016/G/30-Lot 2 yenye thamani ya Sh 716,614.

Oktoba 1, 2015 Daissy ilipata zabuni namba ME.014/PF/2013/2014/G/30-Lot 2 yenye thamani ya Sh 532,631.

Katika hali ya kushangaza, Kampuni ya Daissy ilikuwa ikisambaza sare za Jeshi la Polisi kwa mchanganuo kwa gharama ya kutisha;

1. Kofia Nyeusi (Beret Cap Black) 1 Sh 74,340

2. Kofia Nyekundu (Beret Cap Red) 1 Sh 77,880

3. Reflective Jackets 1 Sh 79,060

4. Koti la mvua (Coat Waterproof R/F) 1 Sh 80,691

5. Lanyard Single Cord R/F 1 Sh 25,960

6. Lanyard Double Cord Officers 1 Sh 29,500

7. Mkanda (Belt Stable Coloured) 1 Sh 64,900

8. Coat Waterproof White Traffic 1 Sh 100,300

Katika nyaraka hizo, Daissy imebainisha kuwa sare hizo imekuwa ikizichukua China.

Kampuni ya Daissy General Traders inajieleza kuwa na Ofisi Wilaya ya Ilala Mtaa wa Swahili na Uhuru ambayo ilipatiwa leseni ya biashara Julai 21, 2015 namba 01033836 na namba ya ushuru wa mapato 103-758-122.

Katika nyaraka hizo, maafisa wa ghala kuu la Polisi wamethibitisha kupokea sare kutoka Daissy.

“Vifaa vimekaguliwa na Kamati na kuridhika kuwa vina ubora unaoridhisha na vinafaa kwa matumizi yaliyokusudiwa,” inasema sehemu ya taarifa ya Kamati ya Ukaguzi na Mapokezi ya vifaa Ghala Kuu la Polisi Dar es Salaam.

“Kampuni hii hata risiti zake zimekuwa na utata mkubwa. Kwa kutumia tu akili ya kawaida unabaini ujanja ujanja uliofanyika katika kuzitoa maana ilikuwa shida kutoa risiti za malipo ambayo amekuwa akiyapokea,” anasema mtoa taarifa wetu.

Risiti ya mashine (EFD) yenye namba ya mlipa kodi 103758122 iliyotolewa na kampuni ya Daissy kwa Jeshi la Polisi ya Agosti 14, 2014 saa 10: 56 (16:56) yenye namba 0002/000026 inaonesha alilipwa Sh bilioni 4.

Risiti nyingine ya tarehe hiyo hiyo ilitolewa saa 11:44 (17:44), ikiwa namba 0207/001824 kupitia Namba ya Mlipa Kodi (TIN) 103758122 yenye thamani ya Sh bilioni 3.

“Kampuni hii ikichunguzwa itakutwa na mambo ya ajabu, kwani wapo baadhi ya watu wapo nyuma yake. Pia ni moja ya kampuni ambazo zimekuwa ni pasua kichwa baada ya kupata zabuni, maana malipo yakichelewa inakuwa kazi haswaa. Watu wanasumbuliwa mpaka alipwe kwani simu zinapigwa kutoka kila mahali,” anasema mtoa taarifa mwingine.

Julai mwaka jana, wakati anawaapisha Manaibu Kamishna wa Polisi (DCP) na Makamishna Wasaidizi Waandamizi (SACP) wa Jeshi hilo, Rais Magufuli alisema amepata taarifa za rushwa ndani ya Jeshi la Polisi inayokadiriwa kuwa kati ya Sh bilioni 60 ambazo zililipwa kuwanunulia nguo na vifaa vingine askari polisi tangu mwaka 2015, lakini hazijanunuliwa.

Akizungumza na JAMHURI, Katibu Mkuu, Wizara ya Mambo ya Ndani ya Nchi, Meja Jenerali Projest Rwegasira, amesema hajui nani mmliki wa kampuni ya Daissy kwani ameanza kazi wizarani hapo Januari, mwaka jana.

Alipoelezwa kuwa mmiliki ni mbunge wa Afrika Mashariki, akasema hawezi kuzungumzia umiliki wa kampuni kwani yeye si Mamlaka ya Usajili wa Biashara na Leseni (BRELA).

“Kwanza mtu huyo unayemzungumzia simjui. Mimi nimeanza kazi Januari, 2016. Mimi sio BRELA na wizara yangu haina haja ya kuyajua hayo. Hebu niache nipumzike leo ni siku ya mapumziko, na kama unataka kumjua mwenye kampuni hiyo nenda BRELA,” amesema Meja Jenerali Rwegasira.

Katika mahojiano na JAMHURI, Angela Kizigha alikiri kuwa mmiliki wa Kampuni ya Daissy na kwamba hakuna kifungu cha sheria kinachomzuia kuwa na kampuni wala kupata zabuni hizo.

Kiziga ameiambia JAMHURI kuwa yeye ni Mtanzania kama walivyo wengine, hivyo haoni kama ni dhambi kwake kumiliki kampuni hiyo, kwani anazo haki kama wengine.

“Hicho unachokiuliza sioni kama kuna habari yoyote. Kama ni suala la kampuni hakuna mahali nimekiuka sheria na taratibu, hivyo unaweza kuandika unavyotaka,” amesema Kizigha.

Wiki iliyopita, Katibu Mkuu Wizara ya Mambo ya Ndani ya Nchi, Meja Jenerali Rwegasira, amenukuliwa na gazeti la Nipashe akisema kuwa kampuni ya Daissy ni kampuni hewa na kwamba wameshindwa kubaini zilipo ofisi zake.

Amesema pamoja na kufuatilia anwani ya kampuni hiyo, wameshindwa kuipata kwani hakukuwa na ofisi hizo katika mtaa wa Swahili, jambo ambalo limewalazimu kukabidhi kazi hiyo kwa Taasisi ya Kuzuia na Kupambana na Rushwa (TAKUKURU) kwa uchunguzi zaidi.

Alinukuliwa akisema kuna uwezekano kwamba kuna watu walipeana zabuni hiyo na kampuni ambayo ni ya mfukoni na kwamba suala hilo lipo mkononi mwa Takukuru.

Msemaji wa Takukuru, Mussa Msalaba, yeye amesema uchunguzi juu ya suala hilo unaendelea na taarifa itatolewa mara tu utakapokamilika.

Polisi, mbunge washiriki 'wizi' | Gazeti la Jamhuri

Mchezo wa wanasiasa kutumia kampuni za mfukoni kunyofoa rasilimali za umma bado unaendelea, baada ya JAMHURI kubaini kuwa mmoja wa wabunge wamejipatia zaidi ya Sh bilioni 40 kwa njia ya udanganyifu. Kibaya zaidi na bila woga, waliokabidhiwa dhamana ya kulinda mali za umma ndiyo waliogeuka 'mbwa...

www.jamhurimedia.co.tz

Muda wako unahesabika Ndugu Godmother!