Shirikisho la Mpira wa Miguu Tanzania(TFF) limetoa wito kwa viongozi wote nchini kuacha kutoa kauli zinaweza kuchochea vurugu katika mpira wa miguu.
Kauli hiyo imekuja baada ya TFF kusikitishwa na kauli ya Waziri wa Kilimo, Hussein Bashe ambaye alisema waamuzi wa mechi ya Simba na Yanga iliyochezwa Julai 3 walidhibitiwa.
Bashe alisema waamuzi wangekuwa hawajadhibitiwa wangetoa adhabu ya penati dhidi ya Yanga. Kauli hiyo imeonekana kuchochea vurugu badala ya amani kutoka kwa kiongozi huyo.