Timu ya benki ya uwekezaji Ulaya(EIB Global) kutembelea Tanzania, kukutana na Rais Samia na viongozi waandamizi. Ni mkopeshaji mkuu EU

Kundi la maafisa wa juu kutoka Benki ya Uwekezaji ya Ulaya, likiongozwa na Makamu wa Rais Thomas Östros, linatembelea Tanzania kuongeza uwekezaji wao nchini.

Wakati wa ziara hiyo, watakutana na Rais Samia Suluhu Hassan, Rais wa Zanzibar, Dkt. Hussein Mwinyi, na maafisa wengine wa serikali waandamizi.

Watajadili miradi ya sasa ya EIB nchini Tanzania, ikiwemo maboresho na upanuzi wa viwanja vya ndege vya Bukoba, Kigoma, Tabora, Shinyanga, na Sumbawanga.

Benki ya Uwekezaji ya Ulaya inamilikiwa na wanachama 27 wa Umoja wa Ulaya. Ni moja ya taasisi kubwa za kifedha kimataifa duniani na moja ya watoa fedha wakubwa kwa ajili ya mabadiliko ya tabia nchi.

Pia, soma=> Serikali ya Rais Samia ilivyoirejesha Benki ya Uwekezaji ya Umoja wa Ulaya (EIB) nchini