Mimi nina uzoefu wa matrekta kwa miaka minne sasa. Watanzania wengi ukiwauliza matrekta watakuambia massey ferguson(mf), john deere, ford, fiat na new holland maana ndizo walizozoea kuziona barabarani karibia kila siku.
Trekta karibia zote huwa zinafanya kazi ngumu sikushauri ununue iliyotumika hata kama bado inavutia kwa sura labda tu kama huna uwezo wa kununua mpya. Na kama unanua iliyotumika, ikague sana maana matatizo mengi ya trekta hayapo kwenye matairi au body yake, yapo kwenye mfumo wa hydraulic, fuel pump hasa mambo ya ndani ambayo si rahisi kuyaona kwa kuangalia hadi utakapoanza kutumia shamba ndo utaona tatizo.
Mf ni trekta ambazo zimekuwepo Tz kwa muda mrefu hivyo upatikanaji wa vipuri ni rahisi sana kuliko trekta zote na ni trekta imara pia.
Sasa tuangalie hayo matrekta mengine, tuanze na john deere (jd). Jd ni trekta ambalo ni gharama sana kwenye matunzo na matumizi ulaji wake wa mafuta ni juu kidogo maana unalimia gia namba 1 tu. Hata hayo yanayotokea India ni hivyo hivyo tu japo si imara sana.
Farmtrack (ft). Nimeshamiliki na bado namiliki hili tena toleo la kisasa kabisa (heritage series lenye horse power 75 lenye mfumo wa umeme kwa karibia kila kitu). Matatizo yake makubwa kwa muda wote ni fuse kuungua labda na hydrauliv pipe kupasuka ambavyo ni vitu vinapatikana kwa urahisi sana.
Ford. Hili kumiliki jipya ni gharama sana na kulitunza ni gharama pia na vipuri ni adimu kuvipata.
New holland. Bei nafuu, spare nyingi. Rahisi kulitunza pia.
Fiat na kubota. Haya yote ni gharama kweli kweli kwenye kila kitu.
Swaraja. Ni bei nafuu kila kitu, ila hayana nguvu. Labda kama shamba lako lina asili ya mchanga basi swaraj litakufaa.
Lovol(la kichina hili). Fuel pump ni mtihani mkubwa sana kwa hili na linakula mafuta sana. Lita 20 unapiga eka 1 ujiandae sana kama utanunua hili au lolote la kichina. Mawazo yanaweza kukua hapa.
Tafe. Hili halina tofauti na massey ferguson hata vipuri vinaingiliana kwa kiasi kikubwa sana.
Kama unanua trekta nakushauri nunua jipya lenye horsepower kuanzia 60 kwenda juu. Na kwa ushauri wangu massey ferguson (japo jipya la horse power 60, 2wd ni kama 45ml). New holland na farmtrack yanafaa hayo. Mimi namiliki hayo hayo matatu. Trekta ni kama gari tu usipozingatia service utaliweka juu ya tofali au utauza kama chuma chakavu. Na kazi ya kulima ni ngumu mno kwani mashamba mengi ya watanzania ni machafu yamejaa mawe na visiki vya kila namna kwahiyo trekta kuharibika ni jambo la kawaida sana labda kama unalimia shamba lako tu ndo utafaidi. Vile vile dereva mzuri anaejali chombo atakusaidia pia kufanya trekta lidumu.
Sent using
Jamii Forums mobile app
