HOJA Tunaomba LATRA kutoa rasmi waraka wa nauli mpya ili Waajiri wafanye mabadiliko katika malipo ya Watumishi

HOJA Tunaomba LATRA kutoa rasmi waraka wa nauli mpya ili Waajiri wafanye mabadiliko katika malipo ya Watumishi

Hoja ya Mdau inayopendekeza maboresho au mabadiliko ndani ya jamii, inayotakiwa kuangakiwa kwa mapana na Mamlaka husika
A

Anonymous

Guest
Kumekuwa na ongezeko la nauli za mabasi ya mikoani katika miaka ya hivi karibuni, lakini hadi sasa LATRA haijaweka hadharani waraka au PDF mpya ya viwango vya nauli. Hati inayopatikana kwa urahisi ni ile ya mwaka 2023.

Kutokana na hali hiyo, waajiri wengi wanaendelea kutumia viwango vya nauli vya mwaka 2023 katika malipo ya likizo ya mwaka (annual leave), jambo linalosababisha watumishi kupata malipo yasiyoendana na gharama halisi za usafiri zilizopo sasa.

Pindi watumishi wanapohoji tofauti hiyo, hupewa majibu kwamba LATRA haijatoa waraka rasmi unaoonyesha viwango vipya vya nauli za mabasi ya mikoani, hivyo hakuna nyaraka zinazoweza kutumika kuthibitisha mabadiliko hayo.

Tunaiomba LATRA kutoa ufafanuzi kuhusu suala hili na kuweka wazi viwango vya sasa vya nauli kwa njia rasmi na inayopatikana kwa urahisi. Je, kuna changamoto gani inayozuia kutolewa kwa waraka mpya wa nauli wakati mabadiliko ya bei yamekuwepo kwa muda mrefu?

Hatua hiyo itasaidia kuondoa mkanganyiko uliopo na kuhakikisha watumishi na wananchi kwa ujumla wanapata stahiki zao kwa kuzingatia viwango halisi vya nauli vinavyotumika sasa.
 
Duuh poleni watumishi umma, watumieni na viongozi wenu wa pressurize latra na serikali kupitia wizara uchukuzi, kumbe hata kupanda Kwa nauli za daladala haikutangazwa, ila tuliona tu wanamtishia kugoma wenye Vyombo vya Usafiri...
Lakini huenda serikali inaogopa kuibuka MFUMUKO WA BEI zaidi wakitangaza hadharani mfno miaka Ile wakitangazaga nyongeza za mishahara kipindi Cha mei mosi au bajeti mpya serikali, wafanyabiashara wanachukulia fursa wanapandisha baadhi Bei za bidhaa kiholela wanajua Hela mnayo
 
Back
Top Bottom