Ufafanuzi: Kuvunjwa Halmashauri ya Jiji la Dar kuipandisha hadhi Halmashauri ya Manispaa ya Ilala kuwa Jiji

[Petro E. Mselewa]

Tangu Rais Dr. John Pombe Magufuli kuvunja Halmashauri ya Jiji la Dar es Salaam na kuipandisha hadhi Halmashauri ya Manispaa ya Ilala kuwa Jiji la Dar es Salaam, kumekuwa na mijadala kemkem kuhusu jambo hilo runingani, redioni na hata mitandaoni. Mjadala hasa unajikita katika kuelewa kilichofanyika jana. Wapo wanaosema kuwa kwasasa Mamlaka tu ya lililokuwa Jiji la Dar es Salaam ndiyo yaliyowekwa chini ya Ilala na jiji liko vilevile na pale pale.

Wapo wanaosema kuwa kwasasa Ilala ndiyo jiji na wengine ni Manispaa ndani ya Jiji la Dar es Salaam. Katika kuelewa jambo hili kuna mambo ya kuyafahamu. Mosi, kabla ya jana, Dar es Salaam kama mkoa ulikuwa na Halmashauri za Manispaa tano: Ilala, Kinondoni, Ubungo, Temeke na Kigamboni. Halafu, kulikuwa na Halmashauri ya Jiji la Dar es Salaam ambalo kinadharia lilijumuisha Manispaa zote hizo.

Pili, hadhi ya juu kabisa ya kihalmashauri ni Jiji. Tatu, jana likavunjwa lililokuwa Jiji la Dar es Salaam (kwa maaa ya kuondolewa kwa iliyokuwa Halmashauri ya Jiji la Dar es Salaam). Zikabaki Halmashauri za Manispaa tano. Moja ya Manispaa hizo-ya Ilala ikapandishwa hadhi kuwa Halmashauri ya Jiji na 'kubatizwa' jina la Dar es Salaam. Sasa kuna Halmashauri ya Jiji la Dar es Salaam ambayo kimsingi ni iliyokuwa Hamlmashauri ya Manispaa ya Ilala.

Ndiyo kusema, Jiji la Dar es Salaam kwasasa ni sehemu yote ya Wilaya ya Ilala na si vinginevyo. Wilaya za Kinondoni, Temeke, Ubungo na Kigamboni si sehemu ya jiji la Dar es Salaam. Hizo zimebaki kuwa Halmashauri za Manispaa. Katika kueleweka zaidi, Halmashauri ya Jiji la Dar es Salaam ya sasa imepakana na Halmashauri za Manispaa za Kinondoni, Temeke, Ubungo na Kigamboni. Kwahiyo, mtu wa Ubungo, Temeke, Kinondoni na Kigamboni hayupo ndani ya Jiji la Dar es Salaam.

 

[kidadari]

Ahaaa sawa, je manufaa yake ji yapi?

 

[Nyawayikulwaluchagula]

Asante kwa ufafanuzi.

 

[Petro E. Mselewa]

Ahaaa sawa...je manufaa yake ji yapi?

Moja ya manufaa yake ni kulifanya Jiji la Dar es Salaam kuwa na sehemu yake mahsusi ya kiutawala tofauti na ilivyokuwa awali. Awali, jiji la Dar es Salaam ni kama lilikuwa likielea kuhusu eneo hasa la kiutawala.

 

[Nuraty J]

Kuna faida gani aswa.

 

[nyumbamungu]

Kidogo kwa mbaaaaaaaaaali!

 

[Andres]

Na kuhusu faida zake unaweza kutusaidia maelezo mkuu?

 

[pakaywatek]

Ikulu ya magogoni siyo Dar

 

[Petro E. Mselewa]

kuna faida gani aswa

Mosi, kuwa na eneo mahsusi la kiutawala la Jiji la Dar es Salaam kama Halmashauri. Pili, kuondoa matumizi yasiyo ya lazima ya Madiwani waliokuwa wakishiriki vikao vya lililokuwa Jiji huku wao wakitokea na kushiriki kwenye Halmashauri zao.

Kiukweli, yalikuwa matumizi mabaya ya fedha kwa kuzingatia kuwa Halmashauri ya Jiji iliyovunjwa haikuwa na vyanzo vya mapato.

 

[Petro E. Mselewa]

Ikulu ya magogoni siyo dar

Iko Wilaya ya Ilala na hivyo ni ndani ya Jiji la Dar es Salaam

 

[Petro E. Mselewa]

Na kuhusu faida zake unaweza kutusaidia maelezo mkuu?

Nimedokeza kwenye maelezo yangu nambari 9

 

[kidadari]

Moja ya manufaa yake ni kulifanya Jiji la Dar es Salaam kuwa na sehemu yake mahsusi ya kiutawala tofauti na ilivyokuwa awali. Awali, jiji la Dar es Salaam ni kama lilikuwa likielea kuhusu eneo hasa la kiutawala.

Kiuhalisia hapa hujataja faida.

Kuelewa kulikua na madhara gani kiuendeshaji ana kiuchimi? Maana ilikuwepo toka mwanzo na kasi ya ukuaji ilikua juu pia.

 

[Perfectz]

Kitambo sana mkuu sijakuona vipi teuzi hujapata bado?

 

[Petro E. Mselewa]

Kiuhalisia hapa hujataja faida.
Kuelewa kulikua na madhara gani kiuendeshaji ana kiuchimi? Maana ilikuwepo toka mwanzo na kasi ya ukuaji ilikua juu pia

Halmashauri kuwa na eneo mahsusi ni faida. Kabla ya jana, Halmashauri ya Jiji la Dar es Salaam ni kama ilikuwa ikielea huku mamlaka yalikuwa kwa kila Manispaa na maeneo yake

 

[Petro E. Mselewa]

KITAMBO SANA MKUU SIJAKUONA VIPI TEUZI HUJAPATA BADO??

Bado nasikilizia....si unajua Serikali haijai?

 

[Perfectz]

Bado nasikilizia....si unajua Serikali haijai?

HAHAHAA KWELI KAKA NAKUOMBEA PIA MAANA UNAJITAHIDI SANA KUWAREMBA HAWA WATAWALA WETU

 

[VAPS]

Vipi kuhusu miradi ya maendeleo iliyokuwa ikiratibiwa na Jiji la Dar awali, ambapo wadau walizingatia ukubwa eneo na idadi watu?

 

[Stanley Mitchell II]

Mosi, kuwa na eneo mahsusi la kiutawala la Jiji la Dar es Salaam kama Halmashauri. Pili, kuondoa matumizi yasiyo ya lazima ya Madiwani waliokuwa wakishiriki vikao vya lililokuwa Jiji huku wao wakitokea na kushiriki kwenye Halmashauri zao. Kiukweli, yalikuwa matumizi mabaya ya fedha kwa kuzingatia kuwa Halmashauri ya Jiji iliyovunjwa haikuwa na vyanzo vya mapato.

Jiji halikua na vyanzo vya mapato kivipi wakati Ubungo Stand ya Mkoa ilikua chini ya Jiji? Zile 300 za kuingia ndani sio vyanzo?

Parking za kati kati ya Jiji zilikua zipo chini ya nani?

 

[Petro E. Mselewa]

HAHAHAA KWELI KAKA NAKUOMBEA PIA MAANA UNAJITAHIDI SANA KUWAREMBA HAWA WATAWALA WETU

Asante kwa maombi yako na naendelea kujitahidi kutenda..

 

[britanicca]

Pamoja na maelezo mengi ila umewaingiza chaka wasomaji wa Makala hii

Jiji la Dar es Salaam liko pale pale kimajukumu, kieneo na kiutaratibu was watu kutambulisha Maeneo yao,
Mkoa wa Dar es Salaam Ni jiji, ila kwenye masuala ya maulaji yao ndo wamepunguza, Cha msingi rejea maelezo yako yapange upya

Nanukuu

"Jiji la Dar es Salaam litaendelea kuwepo lakini tutachukua eneo fulani nafikiri Ilala inafaa kuwa jiji, ndio katikati ya jiji la Dar es Salaam, wewe Ubungo utasubiri kwanza kwasababu hata barabara bado hazijatengenezwa tengenezwa lakini nafanya haya ndugu zangu kwa kuangalia matumizi mazuri ya fedha zetu". Mwiso wa Nukuu