Kwa anayefuatilia kinachoendelea DRC, hasa katika mkoa wa Goma, atakuwa anajiuliza:
Liko wapi lile jeshi jasiri la JWTZ ambalo mwaka 2012-2013 liliwafurusha waasi wa M23 na kuwafanya wasambaratike kabisa?
Kwa mshangao mkubwa, baada ya uchaguzi wa DRC na kuingia madarakani kwa Félix Tshisekedi, waasi wale wale wa M23 wameibuka tena kwa nguvu mpya, wakiwa na uwezo wa kuteka Goma na sasa wakielekea Bukavu. Inaonekana lengo lao ni kuimega DRC, lakini kosa ni la nani?
- Je, ni Tshisekedi mwenyewe, ambaye kwa sera zake ameshindwa kuimarisha ulinzi wa nchi yake?
- Au ni MONUSCO, ambalo lilifuta vikosi vya kulinda amani kuwa chini ya Chapter 6 badala ya Chapter 7, hivyo kulifanya JWTZ na walinda amani wengine kuwa wasio na mamlaka ya kupambana na waasi moja kwa moja?
Kwa Nini Tanzania Inaonekana Inampiga Tshisekedi Darubini?
Ukiangalia historia, Tanzania imekuwa mshirika wa karibu wa marais wawili wa DRC:
- Laurent-Désiré Kabila, ambaye alikombolewa kwa msaada wa Tanzania.
- Joseph Kabila, ambaye pia alifaidika na uhusiano wa karibu kati ya Tanzania na DRC.
Lakini kwa Tshisekedi, hali inaonekana tofauti. Serikali ya Tanzania inaonekana kumsaidia kwa
"machale machale"—yaani, si kwa nguvu kama ilivyokuwa kwa Kabila na Kabila. Kwa nini?
- Je, ni kwa sababu hakuwa sehemu ya mfumo wa ushawishi wa Tanzania?
- Au ni kwa sababu alipotwaa madaraka, alikimbilia kushirikiana zaidi na Kenya badala ya Tanzania?
- Au alidhani waasi wa M23 wangebakia kule kule Goma, bila kujua kuwa nguvu zao zinatoka Kigali na Kampala?
Tanzania inajua kinachoendelea. Watu wetu wa
intelligentsia wamekusanya taarifa zote. Lakini inaonekana
Tanzania imeamua kuwapotezea kwa sasa—kwa sababu nzuri tu.
Je, JWTZ Itaendelea Kukaushia au Itaingilia Kati?
Historia inaonesha kuwa Tanzania si nchi inayopenda kuona mataifa jirani yanameguka vipande vipande. Tuliwaunga mkono sana Wacongo bila masharti, tukiwapa muda wa kujijenga. Lakini wao wakaleta dharau.
Sasa swali kubwa ni:
Tshisekedi atajinasua vipi?
- Atapiga magoti kwa Tanzania na kuomba msaada?
- Atazidi kung’ang’ania kwa Kenya na wengine, huku waasi wakiendelea kuikata DRC vipande vipande?
Muda utaamua. Lakini kwa sasa, JWTZ linaendelea na
"hamsini zake", likiwa linajua vizuri kwanini halijarudi vitani kama ilivyofanya mwaka 2012-2013.
Sababu tunayo, tena inajitosheleza!