UTEKELEZAJI wa Ilani ya Uchaguzi ya Chama cha Mpinduzi (CCM) unaofanywa na Rais John Pombe Magufuli umekuwa kilio kwa vyama vya upinzani, hususan Chadema na CUF.
Kubwaga manyanga kwa wabunge na madiwani wa vyama hivyo wakiunga mkono jitihada za Rais Magufuli ni ishara tosha kwamba, Serikali ya Awamu ya Tano imefanikiwa kutatua kero za wananchi zilizokuwa zikipigiwa kelele na wapinzani, hivyo wameona hawana namna nyingine zaidi ya kuhamia CCM ili kuonga mkono jitihada hizo.
Hali hiyo inafuatia Mbunge wa Liwale kupitia CUF, Zuberi Kuchauka, naye kutangaza kujiuzulu uanachama wa chama hicho pamoja na kujivua ubunge na kuhamia CCM kuendelea kuunga jitihada za Rais Magufuli.
Kuchauka alitangaza uamuzi huo jijini Dar es Salaam leo na kupokewa na Katibu Mkuu wa CCM, Dkt. Bashiru Ally Kakuru, kwenye Ofisi Ndogo za chama Mtaa wa Lumumba.
Akizungumza na waandishi wa habari, Dkt. Bashiru alisema kwamba, utendaji wa Rais Magufuli ndiyo kichocheo kikubwa cha wapinzani kuhamia CCM, kwani wanaona hakuna kilichobakia kwao kuendelea kukipigia kelele.
Kuchauka alitaja sababu za migogoro ya ndani ya CUF na siasa za makundi kwa ujumla kwamba ndizo zilizomlazimu kurudi CCM.
"Nimechoshwa na siasa za makundi na migogoro ndani ya CUF, nilishindwa kufanya kazi vizuri, yaani kuna wakati mwingine unakwenda jimboni kufanya shughuli za siasa, halafu wananchi wanakuuliza; Wewe CUF Lipumba au Maalim? Sasa nikaona nashindwa kufanya kazi zangu vizuri," alisema.
Alisema utendaji kazi wa Rais Magufuli umevutia kufanya naye kazi kwa karibu, kwani kwa kipindi kifupi cha miaka mitatu ameweza kutekeleza sera ambazo wapinzani walikuwa wakizipigia kelele.
"Raisi Magufuli amenivutia pia utendaji wake wa kazi, sisi wapinzani tulikuwa tukipigia kelele rushwa, ufisadi, Rais Magufuli ameweza kuyasimamia kikamilifu mpaka kuanzisha mahakama za mafisadi, sasa nibaki upinzani natafuta nini?" alihoji.
Kuchauka amekuwa mbunge wa tano wa upinzani kubwaga manyanga na kujiunga na CCM katika kipindi cha takriban miaka miwili na nusu ya awamu ya tano.
Mtiririko mzima wa matukio ya wabunge wa upinzani kubwaga manyanga na kujinga na CCM ni kama ifuatavyo:
Desemba 2, 2017: Aliyekuwa Mbunge wa Jimbo la Kinondoni kupitia CUF, Maulid Mtulia, aliamua kujiuzulu uanachama na hatimaye kujiunga na CCM.
Mtulia mwenyewe alisema: "Mimi Maulid Said Abdallah Mtulia, Mbunge wa Jimbo la Kinondoni kwa tiketi ya Civic United Front – (CUF) Chama cha Wananchi kwa hiari yangu nimeamua kujiuzulu uanachama wa CUF na kujiuzulu nafasi zangu zote za uongozi nilizokuwa nashikilia. Nimefanya uamuzi huu leo tarehe 02/12/2017 kwa utashi wangu na bila shinikizo la mtu yeyote.
"Sababu za kufanya hivi ni kutokana na uzoefu nilioupata kwa miaka miwili ya ubunge wangu ambapo nimebaini kuwa Serikali ya Chama cha Mapinduzi (CCM) ambacho ni chama tawala inafanya kazi kubwa ya kutekeleza Ilani na imefanya vizuri katika mambo mengi ambayo sisi upinzani tuliahidi kuyatekeleza.
"Kwa kuwa nia yangu ni kuwatumikia wananchi, sioni sababu ya kuendelea kuwa upinzani na badala yake nimeona ni vema niungane na juhudi za Serikali kwa kumuunga mkono Mheshimiwa Rais wa Jamhuri ya Muungano wa Tanzania Dkt. John Pombe Magufuli katika kuwaletea wananchi maendeleo na kukabiliana na kero mbalimbali.
"Nawashukuru wananchi wa Jimbo la Kinondoni kwa kunipa dhamana ya ubunge katika uchaguzi mkuu uliopita na nawaahidi kuwa nipo tayari kuendelea kushirikiana nanyi katika maendeleo nikiwa katika uwanja mwingine wa siasa ambao ni Chama Cha Mapinduzi.
"Pia nawaomba wananchi na viongozi wengine ambao wanatambua mchango wa Rais Magufuli na Serikali yake kutosita kuungana nae katika kazi za kuitumikia nchini badala ya kuwa wapinzani," alisema Mtulia ambaye sasa ni mbunge wa jimbo hilo kupitia CCM.
Desemba 14, 2017: Mbunge wa Jimbo la Siha, Godwin Aloyce Mollel (Chadema) alijivua wadhifa huo na kuhamia CCM.
Dkt. Mollel, ambaye alirejea tena bungeni kwa tiketi ya CCM, naye aliandika katika taarifa yake: “Nimeona nia ya dhati ya Serikali CCM kutetea rasilimali za Taifa, nikaona niweze kujiuzulu nafasi yangu ya ubunge ili niweze kwenda kujiunga kwa vitendo katika kulinda rasilimali za Taifa letu, aminini watu wangu wa Siha nimeona mbali katika maamuzi haya, wana CCM napendekeza na nyie mnipokee.”
Julai 28, 2018: Mbunge wa Ukonga, Mwita Mwikwabe Waitara (Chadema) ajiuzulu na kuhamia CCM huku akitaja sababu kwamba ni kutofautiana na viongozi wa ngazi ya juu wa Chadema baada ya kuhoji kuhusu matumzi ya ruzuku pamoja na demokrasia ndani ya chama.
Alisema kwamba, alihoji matumizi ya shilingi milioni 237 za ruzuku kwani mpaka sasa Chadema haina Ofisi Kuu, ya Kanda wala Mkoa.
“Mimi nataka niende mahali ambako kuna kazi za kufanya,” Waitara aliwaambia waandishi na kuongeza kwamba anatamani kuwa Waziri Kamili.
Julai 30, 2018: Mbunge wa Jimbo la Monduli, Julius Kalanga (Chadema), alijiuzulu na kuhamia CCM na kupokelewa na Katibu wa Itikadi na Uenezi wa CCM, Humphrey Polepole.
Kalanga, ambaye alikuwa 'Team Lowassa" mwaka 2015, alisema: "Siasa za uhasama, malumbano na chuki zimeniondoa Chadema. Nimeamua kuiunga mkono serikali ya awamu ya tano kwa maslahi ya taifa... Kwa sababu huwezi kufanya hivyo ukiwa upande wa pili, lazima utaonekana msaliti tu... Wana Monduli naombeni mnielewe, nitakuja kuzungunza nanyi."
Agosti 13, 2018: Mbunge wa Jimbo la Liwale (CUF), Zuberi Kuchauka, ametangaza kujiuzulu na kuhamia CCM na kupokelewa na Katibu Mkuu wa chama hicho, Dkt. Bashiru Ali.
Akasema: "CCM imebadilika. CCM niliyoiacha mwaka 2005 siyo hii ya leo. Hii CCM ya awamu ya tano nimekubali kwamba imerejea kwenye Misingi ya TANU. Misingi ya TANU imerejea, hivyo sikuona kigugumizi cha kurejea."
Lakini wachunguzi wa masuala ya siasa wanaeleza kwamba, mafukuto ndani ya Chadema na CUF yameondoa matumaini ya wabunge, madiwani na wanachama wengi wa vyama hivyo, ambao wameamua kujiunga na CCM.
"Kuna fukuto ndani ya Chadema na CUF ambapo baadhi ya wabunge wanadhani future zao hawazioni ndani ya vyama vyao. Mbaya zaidi, hawa wabunge walisombwa na (Edward) Lowassa ambaye wanadhani hana future ndani ya Chadema na Ukawa," amesema mwananchi mmoja ambaye hakutaka kutajwa gazetini.
Katika kipindi hicho pia imeshuhudiwa madiwani zaidi ya 50 wa upinzani wakihamia CCM huku ikielezwa kwamba wimbi hilo ni kubwa na litawazoa wengi.
Kubwaga manyanga kwa wabunge na madiwani wa vyama hivyo wakiunga mkono jitihada za Rais Magufuli ni ishara tosha kwamba, Serikali ya Awamu ya Tano imefanikiwa kutatua kero za wananchi zilizokuwa zikipigiwa kelele na wapinzani, hivyo wameona hawana namna nyingine zaidi ya kuhamia CCM ili kuonga mkono jitihada hizo.
Hali hiyo inafuatia Mbunge wa Liwale kupitia CUF, Zuberi Kuchauka, naye kutangaza kujiuzulu uanachama wa chama hicho pamoja na kujivua ubunge na kuhamia CCM kuendelea kuunga jitihada za Rais Magufuli.
Kuchauka alitangaza uamuzi huo jijini Dar es Salaam leo na kupokewa na Katibu Mkuu wa CCM, Dkt. Bashiru Ally Kakuru, kwenye Ofisi Ndogo za chama Mtaa wa Lumumba.
Akizungumza na waandishi wa habari, Dkt. Bashiru alisema kwamba, utendaji wa Rais Magufuli ndiyo kichocheo kikubwa cha wapinzani kuhamia CCM, kwani wanaona hakuna kilichobakia kwao kuendelea kukipigia kelele.
Kuchauka alitaja sababu za migogoro ya ndani ya CUF na siasa za makundi kwa ujumla kwamba ndizo zilizomlazimu kurudi CCM.
"Nimechoshwa na siasa za makundi na migogoro ndani ya CUF, nilishindwa kufanya kazi vizuri, yaani kuna wakati mwingine unakwenda jimboni kufanya shughuli za siasa, halafu wananchi wanakuuliza; Wewe CUF Lipumba au Maalim? Sasa nikaona nashindwa kufanya kazi zangu vizuri," alisema.
Alisema utendaji kazi wa Rais Magufuli umevutia kufanya naye kazi kwa karibu, kwani kwa kipindi kifupi cha miaka mitatu ameweza kutekeleza sera ambazo wapinzani walikuwa wakizipigia kelele.
"Raisi Magufuli amenivutia pia utendaji wake wa kazi, sisi wapinzani tulikuwa tukipigia kelele rushwa, ufisadi, Rais Magufuli ameweza kuyasimamia kikamilifu mpaka kuanzisha mahakama za mafisadi, sasa nibaki upinzani natafuta nini?" alihoji.
Kuchauka amekuwa mbunge wa tano wa upinzani kubwaga manyanga na kujiunga na CCM katika kipindi cha takriban miaka miwili na nusu ya awamu ya tano.
Mtiririko mzima wa matukio ya wabunge wa upinzani kubwaga manyanga na kujinga na CCM ni kama ifuatavyo:
Desemba 2, 2017: Aliyekuwa Mbunge wa Jimbo la Kinondoni kupitia CUF, Maulid Mtulia, aliamua kujiuzulu uanachama na hatimaye kujiunga na CCM.
Mtulia mwenyewe alisema: "Mimi Maulid Said Abdallah Mtulia, Mbunge wa Jimbo la Kinondoni kwa tiketi ya Civic United Front – (CUF) Chama cha Wananchi kwa hiari yangu nimeamua kujiuzulu uanachama wa CUF na kujiuzulu nafasi zangu zote za uongozi nilizokuwa nashikilia. Nimefanya uamuzi huu leo tarehe 02/12/2017 kwa utashi wangu na bila shinikizo la mtu yeyote.
"Sababu za kufanya hivi ni kutokana na uzoefu nilioupata kwa miaka miwili ya ubunge wangu ambapo nimebaini kuwa Serikali ya Chama cha Mapinduzi (CCM) ambacho ni chama tawala inafanya kazi kubwa ya kutekeleza Ilani na imefanya vizuri katika mambo mengi ambayo sisi upinzani tuliahidi kuyatekeleza.
"Kwa kuwa nia yangu ni kuwatumikia wananchi, sioni sababu ya kuendelea kuwa upinzani na badala yake nimeona ni vema niungane na juhudi za Serikali kwa kumuunga mkono Mheshimiwa Rais wa Jamhuri ya Muungano wa Tanzania Dkt. John Pombe Magufuli katika kuwaletea wananchi maendeleo na kukabiliana na kero mbalimbali.
"Nawashukuru wananchi wa Jimbo la Kinondoni kwa kunipa dhamana ya ubunge katika uchaguzi mkuu uliopita na nawaahidi kuwa nipo tayari kuendelea kushirikiana nanyi katika maendeleo nikiwa katika uwanja mwingine wa siasa ambao ni Chama Cha Mapinduzi.
"Pia nawaomba wananchi na viongozi wengine ambao wanatambua mchango wa Rais Magufuli na Serikali yake kutosita kuungana nae katika kazi za kuitumikia nchini badala ya kuwa wapinzani," alisema Mtulia ambaye sasa ni mbunge wa jimbo hilo kupitia CCM.
Desemba 14, 2017: Mbunge wa Jimbo la Siha, Godwin Aloyce Mollel (Chadema) alijivua wadhifa huo na kuhamia CCM.
Dkt. Mollel, ambaye alirejea tena bungeni kwa tiketi ya CCM, naye aliandika katika taarifa yake: “Nimeona nia ya dhati ya Serikali CCM kutetea rasilimali za Taifa, nikaona niweze kujiuzulu nafasi yangu ya ubunge ili niweze kwenda kujiunga kwa vitendo katika kulinda rasilimali za Taifa letu, aminini watu wangu wa Siha nimeona mbali katika maamuzi haya, wana CCM napendekeza na nyie mnipokee.”
Julai 28, 2018: Mbunge wa Ukonga, Mwita Mwikwabe Waitara (Chadema) ajiuzulu na kuhamia CCM huku akitaja sababu kwamba ni kutofautiana na viongozi wa ngazi ya juu wa Chadema baada ya kuhoji kuhusu matumzi ya ruzuku pamoja na demokrasia ndani ya chama.
Alisema kwamba, alihoji matumizi ya shilingi milioni 237 za ruzuku kwani mpaka sasa Chadema haina Ofisi Kuu, ya Kanda wala Mkoa.
“Mimi nataka niende mahali ambako kuna kazi za kufanya,” Waitara aliwaambia waandishi na kuongeza kwamba anatamani kuwa Waziri Kamili.
Julai 30, 2018: Mbunge wa Jimbo la Monduli, Julius Kalanga (Chadema), alijiuzulu na kuhamia CCM na kupokelewa na Katibu wa Itikadi na Uenezi wa CCM, Humphrey Polepole.
Kalanga, ambaye alikuwa 'Team Lowassa" mwaka 2015, alisema: "Siasa za uhasama, malumbano na chuki zimeniondoa Chadema. Nimeamua kuiunga mkono serikali ya awamu ya tano kwa maslahi ya taifa... Kwa sababu huwezi kufanya hivyo ukiwa upande wa pili, lazima utaonekana msaliti tu... Wana Monduli naombeni mnielewe, nitakuja kuzungunza nanyi."
Agosti 13, 2018: Mbunge wa Jimbo la Liwale (CUF), Zuberi Kuchauka, ametangaza kujiuzulu na kuhamia CCM na kupokelewa na Katibu Mkuu wa chama hicho, Dkt. Bashiru Ali.
Akasema: "CCM imebadilika. CCM niliyoiacha mwaka 2005 siyo hii ya leo. Hii CCM ya awamu ya tano nimekubali kwamba imerejea kwenye Misingi ya TANU. Misingi ya TANU imerejea, hivyo sikuona kigugumizi cha kurejea."
Lakini wachunguzi wa masuala ya siasa wanaeleza kwamba, mafukuto ndani ya Chadema na CUF yameondoa matumaini ya wabunge, madiwani na wanachama wengi wa vyama hivyo, ambao wameamua kujiunga na CCM.
"Kuna fukuto ndani ya Chadema na CUF ambapo baadhi ya wabunge wanadhani future zao hawazioni ndani ya vyama vyao. Mbaya zaidi, hawa wabunge walisombwa na (Edward) Lowassa ambaye wanadhani hana future ndani ya Chadema na Ukawa," amesema mwananchi mmoja ambaye hakutaka kutajwa gazetini.
Katika kipindi hicho pia imeshuhudiwa madiwani zaidi ya 50 wa upinzani wakihamia CCM huku ikielezwa kwamba wimbi hilo ni kubwa na litawazoa wengi.
