Takwimu zinaonyesha kuwa watanzania milioni thelathini kati ya milioni arobaini na nne wanamiliki simu za kiganjani, sawa na asilimia 68 lakini matumizi ya simu hizi kwa kiasi yanatofautiana na lengo kusudiwa.
Vifaa vingi vinavyotumia mfumo wa kielektroniki vinahitaji nywila ( password), kwa ajili ya usalama wa taarifa zilizomo. Simu, kompyuta, milango, kadi za benki au sanduku la kuhifadhia vitu vya thamani ni baadhi ya vifaa hivyo.
Ipo mifumo tofauti ya nywila kulingana na mahitaji ya mtumiaji. Wapo wanaotumia tarakimu, maneno, alama za mwili au mchanganyiko wa viwili au zaidi ya vilivyoorodheshwa.
Imekuwa desturi kwa watumiaji wengi wa simu za kisasa za mkononi (smartphone) kuweka nywila kwa ajili ya ulinzi ili kuepuka kukaguliwa au ufahari. Matumizi haya yamevuka mipaka pamoja kiasi cha kuwa vigumu mhusika kupata msaada anapopatwa na tatizo.
Wapo walioweka nywila kuanzia simu inapowashwa, kwenye kitabu cha majina, file la picha, ujumbe mfupi, kumbukumbu za mawasiliano yaliyofanywa, intaneti hata programu za WhatsApp, Twitter na Telegram.
Kwa kutambua matatizo huja bila kugonga hodi, mmiliki wa kifaa cha kielektroniki anaweza akakumbwa na lolote ambalo litahitaji mtu mwingine kutumia kifaa chake na hapo ndipo shughuli inapoanzia.
Kwa kutambua matatizo huja bila kugonga hodi, mmiliki wa kifaa cha kielektroniki anaweza akakumbwa na lolote ambalo litahitaji mtu mwingine kutumia kifaa chake na hapo ndipo shughuli inapoanzia.
Simu yenye nywila nyingi kiasi hicho hukatisha tamaa ya anayetaka kutoa msaada kufanikisha adhma hiyo. Chukulia mwenye simu hiyo amepata ajali au ugonjwa wa ghafla na walio karibu wanataka kutoa taarifa kwa ndugu na jamaa zake kwa kutumia simu yake. Patakuwa na shughuli nzito.
Kwa haraka haraka kuna matatizo kama matatu yanayoweza kujitokeza endapo nywila zitazidi ukomo kwenye simu ya mtumiaji ambaye asingeziweka msaada wa haraka ungepatikana.
Kwa haraka haraka kuna matatizo kama matatu yanayoweza kujitokeza endapo nywila zitazidi ukomo kwenye simu ya mtumiaji ambaye asingeziweka msaada wa haraka ungepatikana.
Ikitokea umepata ajali yoyote mbali na ndugu au jamaa zako msaada wa kwanza utapata kwa watu wa karibu ambao watahitaji kutoa taarifa ila endapo simu ina nywila kila sehemu ni wazi hutoweza kupata msaada zaidi.