Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Lilikuwa jambo la kushangaza pale Pique alipowasili kwenye timu ya taifa ya Hispania Jumatatu, alitukanwa na kuzomewa.
Baadhi ya mashabiki 1,000 ambao walihudhuria kushuhudia mazoezi ya wazi waliimba. "Piqué, cabrón, fuera de la selección (Pique, ni m**ndu, atoke kwenye timu ya taifa)."
Yalikuwa majibu ya kiburi na mabaya kutoka kwa baadhi ya mashabiki wa Hispania ambao wamelichukulia swala la beki huyo wa kati kuiunga mkono na kuwa na ushirika na Katalunya kama ukosefu wa uzalendo.
 
Lakini Pique aliongea kuelekea mechi ya Ijumaa kufuzu Kombe la Dunia Alicante, "Kuitwa kwenye timu ya taifa si mashindano ya walio wazalendo zaidi.
"Kumekuwa na wachezaji wengi ambao wamehama kutoka mataifa mengine na hawakuwa Wahispania.
"Kuitwa kwenye timu ya taifa ni kushirikiana na timu, kucheza vizuri na kujitahidi kushinda. Hivyo ndivyo ninavyoelewa.
 
Nadhani naweza kwenda na timu ya taifa kwa sababu nashawishika kuwa kuna maelfu ya watu ambao hawakubaliani kabisa na kilichotokea.
"Lakini pia nasema kwamba ikiwa kocha au mkuu yeyote kwenye Shirikisho atadhani kwamba mimi ni tatizo au msumbufu kwenye timu ya taifa, sitaona shida kujiweka pembeni na kuachana na timu ya taifa kabla ya 2018."
 
Hayakuwa maneno yasiyo na maana. Huyu ni mtu mwenye akili sana - uwezo wake wa kufikiri (IQ) ni zaidi ya 140 (kiwango cha watu wenye kipaji cha hali ya juu, tunaweza kumuita kipanga - kwa lugha ya mtaani), mtu anayeweka fikra pevu kwa kile anachosema na anachofanya.
 
Anaweza kuwa mtu wa mwamko - tumeona hilo ndani na nje ya dimba, kupitia anachoandika kwenye mitandao ya kijamii - lakini ni mwanafunzi mzuri wa soka, baada ya kuchukua kozi ya 'Biashara ya Burudani, Vyombo vya Habari na Michezo' (The business of Entertainment, Media and Sports) katika Chuo Kikuu cha Havard pamoja na wachezaji wengine wakubwa kama CJ McCollum, Jamie Heaslip, Alisson Feaster na Rashean Mathis.
 
Alijifunza masomo mengi katika kozi hii lakini umuhimu wa kuweza kuwasiliana vema na wenzake ulimpamba kwa sifa ya kipekee - Hivyo akamkosoa Rajoy kwa kutokuwa na uwezo wa kuzungumza Kiingereza, lugha ya kimataifa ya biashara.
Pamoja na yote, ni yeye na mkewe Shakira ambao, kwa mujibu wa makamu wa rais wa Barca Manuel Arroyo, "walitengeneza misingi" ya klabu kupata udhamini wa Rakuten katika chakula cha jioni na vigogo kutoka kwenye kampuni hiyo 2015, ambapo pia Pique anamhesabu mwasisi wa Facebook Mark Zuckerberg miongoni mwa washirika wake.
 
Pique ni kivutio katika soka la Hispania na hana tabia ya kugawa makundi kwa asili yake. Katika utafiti wake kwa klabu ya FC Barcelona aliowasilisha kwa wanafunzi zaidi ya 180 Chuo cha Havard mwezi uliopita alifundisha umoja na si utengano. Alitaka kuitangaza klabu ulimwenguni na si kinyume chake.
Pique anaamini kwamba Barca ni klabu lakini "itakuwa zaidi ya klabu" kwa mashabiki wake wa Catalan, kwani ni kama kitambulisho chao.
"Jambo la muhimu sana si uwezo wa kimichezo wa vijana wa leo, lakini thamani inayowafanya waitambue klabu na kile wanachokiwakilisha," alieleza.
 
Kiburi cha Catalan kimekuwa kwa muda mrefu chanzo cha mgongano nchini Hispania, tangu zamani kabla ya Barcelona kuzingirwa mnamo 1714 majeshi ya Mfalme wa Hispania Philip V alipoanzisha vita kuiangusha Katalunya kuistawisha Hispania.
Kisha kulikuwa na udikteta wa kikatili wa Jenerali Francisco Franco kati ya 1936 na 1975, lakini, kwa tukio la Jumapili imeonekana dhahiri kwamba kiburi cha Catalan hakiwezi kuzimwa.
 
"Ni siku ngumu sana. Taswira za Askari wa usalama na Polisi vinajieleza," Pique alisema baada ya mechi, akielezea tukio la vurugu ambazo ziliushangaza ulimwengu na kusababisha raia 900 kujeruhiwa.
"Sisi Wakatalani si watu wabaya, tunataka kupiga kura tu. Unapopiga kura, unaweza kusema 'ndiyo', 'hapana' au usiseme chochote, lakini bado unaweza kupiga kura.
 
Chini ya utawala wa Franco, haikuwezekana kupiga kura na ni haki ambayo tunataka kuitetea.
"Mimi ni Mkatalani na najisikia kuwa hivyo. Na sasa ni zaidi ya mwanzo.
"Kwa hiyo, waacheni wafanye wanachofanya. Leo na hata milele, iwe hivyo.
"Vyovyote wafanyavyo, waache waimbe kwa sauti kuu."
Dahiri, haijalishi wanapaza sauti gani kumtusi na kumzomea, hataacha kudai demokrasia kwa ajili ya Katalunya.
 
Real Madrid wanaandaa kitita cha €200 milioni kwa ajili ya straika wa Tottenham Harry Kane wanapotafuta mrithi wa kudumu wa Cristiano Ronaldo, kwa mujibu wa Don Balon .
Blancos wameona jinsi Ronaldo anavyohaha kutafuta magoli msimu huu, wakati wenzake wanaounda BBC Karim Benzema na Gareth Bale wakisumbuliwa na majeraha.
 
Rais wa Barcelona Josep Maria Bartomeu amesema kuwa klabu hiyo inahitaji kujadili uwezekano wa kutoka La Liga ikiwa Catalonia watapata uhuru kutoka Hispania.
Mchakato wa kupiga kura ya maoni ya uhuru wa Catalan, ambao ulidaiwa kuwa batili kisheria, uliingiliwa na vurugu Jumapili, Barca wakilazimishwa kucheza mechi waliyoshinda 3-0 dhidi ya Las Palmas ndani ya uwanja wa Camp Nou milango ikiwa imefungwa.
 
Bartomeu amesema mustakabali wa Barca La Liga unahitaji kujadiliwa ikiwa Catalonia itapata uhuru wake.
"Jambo hili halijatokea kwa sasa hata hivyo," alisema Jumatatu.
"Lakini kulingana na mambo yalivyo inaweza kutokea mbeleni, ni jambo ambalo bodi ya wakurugenzi inahitaji kujadili. Ni jambo ambalo linatakiwa kushughulikiwa kwa utulivu.
"Kama tukijadili kwa kina, basi tutapata suluhisho sahihi. Lakini kama ikitokea [uhuru umepatikana], bodi ya wakurugenzi itaona."
 
Waziri wa michezo wa Catalonia, Gerard Figueras, amedai kuwa Barca inaweza kucheza Ligi Kuu Uingereza ikiwa mkoa huo utafanikiwa kujitoa Hispania, akiitaja Swansea City kama mfano wa klabu kutoka nchi tofauti inayocheza Ligi Kuu Uingereza.
"Ikiwa uhuru utapatikana, timu za Catalan zinazoshiriki La Liga - Barcelona, Espanyol na Girona - zitaamua wapi zinataka kucheza: Aidha kwenye Ligi ya Hispania au nchi za jirani, kama Italia, Ufaransa au Ligi Kuu Uingereza," alisema Figueras.
"Sasa katika Hispania kuna timu tatu kutoka nchi nyingine ambazo zinacheza ligi ya taifa: Klabu kutoka Andorra kwenye soka na mpira wa kikapu.
"Monaco inacheza Ufaransa, Uingereza zipo klabu za Wales. Sidhani kama Uefa wana sababu yoyote kuizuia klabu kucheza ligi tofauti na nchi yake."
Barcelona wamekuwa mabingwa wa La Liga mara 24, lakini wamezidiwa na mahasimu wao wakubwa Real Madrid (33).
 
56f3745dff7026276d0ffc6744f9c76e.jpg
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register