Uzi maalum wa kupeana Likes: Comment chochote upate "Like"

Ini ni kiungo muhimu kwa maeneo mengi ya siha. Chochote kinachoingia mwilini kabla ya kufika kwenye ngazi ya seli hupitia kwenye ini kwanza. Hii ina maana kuwa ini lako ndiyo ngome ya kwanza ya mwili wako dhidi ya sumu mbalimbali zinazoingia mwilini mwako kwa njia ya chakula au vinywaji.
 
Ukiondoa jukumu la kuchuja sumu kutoka kwenye vitu mbalimbali tunavyokula na kunywa, kuwepo kwa ini pia ni lazima kwa sababu ya kuhifadhi viinilishe, kuondoa sumu kwenye uchafu unaozalishwa mwilini kutokana na majukumu mbalimbali ya viungo vya mwili.
 
Kazi nyingine ni kuratibu na kuhifadhi nishati mwilini, kuratibu utendaji kazi wa homoni, kusasambua (digest) mafuta yanayoingia mwilini kwa njia ya lishe, uundwaji wa protini ndani ya mwili, uundwaji wa lehemu (cholesterol) ndani ya mwili na kuratibu sukari ya damu.
 
Chujio hili huondoa sumu zilizopo kwenye damu. Baadhi ya sumu hizi ni mabaki ya chembe nyekundu za damu zilizochakaa (Bilirubin) yaliyochakatuliwa kwenye wengu, kemikali ya ammonia kutoka kwenye protini zilizotumika mwilini, madawa mbalimbali, hasa yale ya kifamasia, pombe, sumu kutoka katika vyakula na vinywaji mbalimbali tunavyokula na kunywa.
 
Nyingine ni sumu kutoka matumboni; mathalan mabaki ya pembejeo za kilimo, viambata vilivyoongezwa kwenye chakula, na sumu zinazozalishwa na bakteria, fangasi na vimelea vingine vinavyoishi matumboni.

Magonjwa ya ini

Matatizo mbalimbali yanaweza yakalikabili ini na kulifanya lishindwe kufanya kazi inavyopasa, au lishindwe kabisa kufanya kazi.
 
Miongoni mwa matatizo haya ni pamoja na mwili kuzidiwa na mzigo mkubwa wa sumu mbambali.

Ini kujikuta likikabiliana na kemikali moja au zaidi ambazo ni sumu kali, kwa mara moja, au kwa vipindi tofauti, maambukizi ya vimelea mbalimbali vya maradhi. Kila moja kati ya matatizo haya, au yote kwa pamoja, huzaa magonjwa mbalimbali ya ini.
 
Dalili za magonjwa ya ini

Dalili za magonjwa ya ini ni pamoja na maumivu, tumbo kujaa (bloating), ini kuongezeka ukubwa, mabadiliko katika haja kubwa na ngozi kugeuka kuwa rangi ya njano.

Hata hivyo, haina maana kuwa dalili hizi zinapokosekana, basi ini lako liko salama. Kipimo cha uhakika zaidi cha usalama wa ini lako ni upimaji wa kiwango cha vimeng’enya (enzymes) vinavyozalishwa na ini ndani ya damu. Kuwepo kwa vimeng’enya hivi ni kiashiria kuwa seli za ini zilizoharibiwa zinavuja kuingia katika mzunguko wa damu.
 
Kadri kiwango cha vimeng’enya hivi kinavyokuwa kikubwa ndiyo ukubwa wa uharibifu wa seli za ini unavyokua. Kuna vitu kadhaa vinavyoweza kusababisha kuongezeka kwa vimeng’anya vya ini kwenye damu, ikiwamo sumu na maambukizi ya vijidudu kwenye ini.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…