Uzi maalum wa kupeana Likes: Comment chochote upate "Like"

[Rutashubanyuma]

 

[Numbisa]

Idadi ya vijana wanaojichora katika miili yao (tattoo) imeongezeka sana maeneo mengi hasa mijini. Lakini sio wote wanaofahamu kuwa kuna mambo ya msingi ya kujiuliza kabla ya kujichora tattoo katika mwili wako.
Baaadhi yao wamekuwa wakichora tattoo za kudumu huku wengine wakichora zinazokaa kwa muda kisha kufutika. Baadhi huwa wanajutia kwanini walifikia uamuzi huo.
Haya ni baadhi ya mambo unayotakiwa kujiuliza kabla ya kuchora tattoo mwili;-

 

[Numbisa]

Ni ipi maana ya mchoro (tattoo) unayotaka kujichora?

Watu wengi hujichora tattoo wakitaka kuweka kumbukumbu au kuelezea jambo fulani. Walengwa na mchoraji ndio mara nyingi huelewa tattoo katika mwili wa mtu fulani inamaanisha nini.
Ni vyema kabla ya kujichora ukajiuliza ni maana gani unataka kuielezea na kuhakikisha kuwa tattoo yako haitoi maana mbaya kwa jamii. Unashauriwa tafakari vyema kabla ya kujichora isije ikafika mahali ukaanza kujuta.

 

[Numbisa]

Unafanyakazi ya aina gani

Ni lazima ufahamu maadili ya kazi yako vizuri kabla ya kuchora mchoro kwenye mwili wako. Kuna baadhi ya kazi ambazo hauruhusiwi kuwa na mchoro wowote kwenye mwili wako, nyingine unaweza kuwa na mchoro lakini usio sehemu ya wazi wakati kazi nyingine unaweza ukajichora popote utakapo.

 

[Numbisa]

Baadhi ya wachoraji huwa wanamuuliza mteja taaluma yake kabla ya kumchora ili waweze kumshauri inapohitajika. Kwenye jamii nyingi za Kiafrika, mtu aliyejichora tattoo huonekana ni muhuni, asiye na maadili licha ya kuwa hali hiyo kwa sasa inaanza kupungua hasa mijini.
Hivyo, fikiria kuhusu maadili ya kazi yako, fahamu kuwa tattoo inaweza kuwa sababu ya kukukosesha au kukufukuzisha kazi.

 

[Numbisa]

Tattoo ya muda mfupi au ya kudumu?

Mmoja wa wasichana aliyechorwa tattoo miaka kadhaa nyuma alisema kuwa anajuta sana kuwa na tattoo kwenye mwili wake. Wakati alipochorwa tattoo hiyo ulikuwa ni wakati alikuwa na hamu kubwa ya kuchorwa na alifanya maamuzi ambayo sasa anayajutia.
Ukishafahamu aina ya tattoo uanyoitaka inatakusaidia kutafuta mchoraji kwa sababu, kama utataka tattoo ya kudumu, unashauriwa kutafuta mtu mzoefu ili akikuchora mchoro upendeze na si mchoraji yeyote kwa sababu akichora mchoro mbaya kama ni sehemu ya wazi utageuka kuwa kituko.

 

[Numbisa]

Afya

Uchoraji wa tattoo mwilini hutumia vitu vyenye ncha kali na kemikali tofauti ambazo wakati mwingine huwa ni hatari kwa afya. Kwa mujibu wa madaktari, uchoraji tattoo unaweza kusababisha matatizo kama granuloma, keloids na allergies.
Watu wengine tayari wana matatizo ya ngozi, hivyo kutumia vitu vyenye ncha kali kuchora tattoo katika ngozi zao wanajiweka kwenye hatari ya kupata matatizo zaidi.
Unashauriwa kutumia dawa zinazoweza kuzuia matatizo katika mchoro wako au kama una matatizo kutojichora kabisa.

 

[Numbisa]

Mtazamo wa jamii

Jamii huwa na mitazamo tofauti tofauti kufuati mambo fulani yanayofanywa na wanajamii. Imani za watu katika jamii ni chimbuko la mfumo wa kifamilia, elimu , dini, uchumi na siasa za jamii husika, vyote hivi huamua namna jamii inavyochukulia mambo.
Watu wengi hukataa kuchora tattoo katika miili yao kwa sababu kubwa moja kuwa, dini hairuhusu. Mwili wa binadamu ni hekalu la Mungu, hivyo waumini wa dini hawapo tayari kuliharibu.

 

[Kichwa Kichafu]

Usiku mwema

Na wewe pia bibie.

 

[Numbisa]

Jamii za nchi za magharibi wao huona tattoo kama ni jambo la kawaida kutokana na sababu nilizozitaja hapo juu, lakini kwa upande wa Afrika hali ni tofauti kulingana na sababu hizo hizo.

 

[Rutashubanyuma]

 

[Numbisa]

Unapokwenda kuonana na mpenzi wako kwa mara ya kwanza, namna utakavyokuwa ukionekana, inamaana kubwa sana. Ukweli ni kuwa muonekanao wako, namna ulivyovaa unaweza kuamu kama utapewa nafasi ya ‘second date’, hivyo vaa vizuri na pendeza.

 

[Numbisa]

Kama unakwenda kwenye ‘date’ alafu uko rafu rafu tu, hii inatoa ujumbe kwa mwenza wako kuwa humjali na kuwa vyovyote utakavyovaa kwako wewe ni sawa.
Basi, ni namna gani ya mwanaume unaweza na ukapendeza unapokwenda kuonana na mpenzi wako mara ya kwanza?

 

[Numbisa]

Usivae nguo za kukubana sana
Ukivaa suruali inayokubana itakunyima kukaa kwa uhuru, mara uipandishe, huwezi kupiga hatua vizuri, mwisho wa siku unaweza kujikuta umeharibu usiku wako na mpenzi wako kwa sababu ya nguo inayokufanya usiwe huru

 

[Numbisa]

Kuwa mtanashati
Hakikisha kama umevaa shati umelipasi limenyooka vizuri, nywele umechana sawia, kucha umekata vizuri, hili litamfanya mpenzi wako akuona namna ulivyo ‘smart’ na muajibikaji.

 

[Numbisa]

Usithubutu kuvaa mtindo ambao hujawahi kuuva kabla
Unapotaka kutoka, usivae mtindo mpya wa nguo, kuwa halisi, kuwa wewe, vaa kama unavyovaa mara zote. Kumbuka kuwa jinsi unavyovaa huelezea wewe ni mtu wa aina gani, na kama sio kawaida yako kuvaa mtindo huo uliouchagua atagundua tu.

 

[Numbisa]

Usiweke vikorombwezo vikazidi
Watoto wa mjini wanasema ‘keep it simple’, huna haja ya kuvaa michezi, mipete, misaa kibao uanze kuwa kama mwanamuziki wa Marekani. Ukivaa saa moja tu mkononi inatosha.

 

[Numbisa]

Usivae nguo zenye maandishi
Kuvaa nguo zenye maandishi kwenye ‘date’ kwa mara ya kwanza kuna hatari mbili, moja utaonekana kuwa haupo ‘serious’ kutokana na ujumbe uliopo kwenye nguo yako lakini pili, ujumbe unaweza kumkera mwenzako.

 

[Numbisa]

Marashi
Kujiweka smart unahitaji na marashi ili unukie mwanana, lakini sasa yasizidi kiasi kwamba ukifika mahali kila mtu anafunika pua sababu unawasababishia mafua. Hii itafanya usiku wako kuwa mbaya, jipulizie marashi ila kwa kiasi.

 

[Numbisa]

Rangi ya nguo
Chagua rangi ya nguo ambayo itavutia na pia itakayoendana na mazingira, sio unavaa nguo inang’aa kama ‘reflector’ ya gari.