Uzi maalum wa kupeana Likes: Comment chochote upate "Like"

Andika anwani ya tovuti nyeti katika sehemu ya anwani ya kivinjari chako: Usiingie katika akaunti nyeti kwa kubofya kiungo au kunakili na kupachika anwani yake. Badala yake, andika mwenyewe anwani ya wavuti. Lakini hakikisha kwamba unaandika anwani sahihi; baadhi ya tovuti bandia hufanana na tovuti halisi, lakini huundwa kwa madhumuni ya kuhadaa ili kupata maelezo ya akaunti yako.
 
Usiandike maelezo ya kibinafsi katika tovuti zisizoaminika.Ikiwa tovuti inaitisha maelezo ya kibinafsi yanayozidi yale yanayohitajika ili kununua bidhaa au kupokea huduma (kwa mfano, maelezo ya akaunti ya benki, majibu ya maswali ya usalama, au nenosiri) kuwa mwangalifu kwa sababu maswali kama haya ni dalili ya jaribio la kuhadaa ili kupata maelezo ya kibinafsi.
 
Tovuti nyingine zinaweza kuiga tovuti rasmi kabisa, ikiwa ni pamoja na nembo na maandishi, lakini zimeundwa na walaghai kwa madhumuni ya kupata maelezo yako ya kibinafsi. Vifuatavyo ni vidokezo vichache kuhusu jinsi ya kuepuka na kuripoti tovuti za kuhadaa ili kupata maelezo ya kibinafsi.
 
Hakikisha manenosiri yako ni thabiti; Usitumie manenosiri sawa kwenye akaunti nyingi, na kumbuka kuyabadilisha mara kwa mara, hasa ikiwa unashuku kwamba akaunti yako huenda ikawa hatarini. Angalia vidokezo zaidi kuhusu jinsi ya kuchagua nenosiri bora.
 
Tuma maelezo kupitia miunganisho salama pekee: Tafuta muunganisho wa https:// kwenye sehemu ya anwani (na aikoni ya kufuli katika sehemu yako ya anwani ikiwa utatumia Google Chrome au Internet Explorer) unapotuma maelezo yoyote nyeti kama vile kadi au nambari ya benki.
 
Unapoingia katika akaunti za fedha, hakikisha kwamba tovuti ina Cheti cha Uthibitishaji Kilichoendelezwa - URL au jina la tovuti linapaswa kuwa na rangi ya kijani katika sehemu ya URL ya vivinjari mbalimbali vya kisasa, kumaanisha kwamba shirika linalomiliki tovuti hii limethibitishwa.
 
Epuka kufanya shughuli za kifedha kwenye kompyuta za umma: Epuka kuingia katika akaunti zilizo na maelezo nyeti ya kifedha (kwa mfano akaunti za benki au kadi za mikopo au tovuti za biashara) kwenye kompyuta za umma au zinazoshirikiwa. Ikiwa utafikia maelezo haya kupitia kompyuta za umma au zilizoshirikiwa, kumbuka kuondoka kabisa na kufunga kidirisha cha kivinjari chako baada ya kukamilisha shughuli.
 
Manenosiri ndio ulinzi wa kwanza dhidi ya wahalifu wa mtandaoni. Ni muhimu kuchagua manenosiri thabiti ambayo ni tofauti kwa kila akaunti zako muhimu na ni vizuri kusasisha manenosiri yako mara kwa mara. Fuata vidokezo hivi ili uunde manenosiri thabiti na uyaweke salama.
 
Manenosiri ndio ulinzi wa kwanza dhidi ya wahalifu wa mtandaoni. Ni muhimu kuchagua manenosiri thabiti ambayo ni tofauti kwa kila akaunti zako muhimu na ni vizuri kusasisha manenosiri yako mara kwa mara. Fuata vidokezo hivi ili uunde manenosiri thabiti na uyaweke salama.
 
Tumia nenosiri la kipekee kwa kila akaunti yako muhimu kama vile ya barua pepe na ya benki ya mtandaoni

Kuchagua nenosiri sawa kwa kila akaunti yako mtandaoni ni sawa na kutumia ufunguo mmoja kufunga nyumba yako, gari na ofisi – mhalifu akifikia moja, zingine zote zitaathiriwa. Hivyo usitumie nenosiri sawa katika jarida la mtandaoni, akaunti yako ya barua pepe au benki. Inaweza kuwa kazi nyingi kiasi, lakini kuchagua manenosiri mengi hukuweka ukiwa salama.
 
Weka manenosiri yako katika eneo la siri ambapo hayaonekani kwa urahisi

Kuandika manenosiri yako si lazima liwe wazo baya. Lakini ukifanya hivi, usiache madaftari yenye manenosiri yako mahali yanaweza kuonekana, kwenye kompyuta yako au mezani.
 
Tumia nenosiri ndefu linalojumuisha nambari, herufi na alama

Nenosiri lako likiwa refu, basi itakuwa vigumu kulikisia. Hivyo lifanye neosiri lako refu ili usaidie kuweka maelezo yako salama. Kuongeza nambari, alama na mchanganyiko wa herufi kubwa na ndogo hufanya iwe vigumu zaidi kwa wanaotaka kuchungulia au wengine, kukisia au kujua nenosiri lako. Tafadhali usitumia ‘123456’ au ‘nenosiri,’ na jiepushe na kutumia maelezo yanayopatikana hadharani kama vile nambari yako ya simu, katika manenosiri yako. Si halisi, wala si salama!
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…