Uzi maalum wa kupeana Likes: Comment chochote upate "Like"

[Numbisa]

uweze kula vyakula vizuri vya aina mbalimbali unavyovipenda bila hofu yeyote wala wasiwasi wowote, Halikadhalika pia uweze kuzungumza kwa kujiamini katika jumuia ya watu tofauti tofauti. Hakika kuwa na kinywa safi na chenye afya ni msingi wa kuwa na maisha bora.

 

[Numbisa]

Kinywa Chako Ni Mlango Wa Mwili Wako
Kutunza vyema afya yako ya kinywa sasa ni muhimu kwakua bakteria mbalimbali wanaopatikana kinywani sio tu wanaweza kukudhuru, lakini pia wanaweza kukupelekea kupata matatizo mengine ya kiafya kulingana na umri wako.

 

[Numbisa]

Tafiti zinaonesha kuwa maambukizi kwenye kinywa huweza kuwa na uhusiano na magonjwa ya moyo, kiharusi, kisukari, n.k ambayo ni ya kawaida miongoni mwa wazee. Ukweli ni kwamba inakuchukua hatua chache tu kupiga mswaki na kufanya flosi , kumtembelea daktari wa kinywa na meno pamoja na kula mlo kamili ili kuwa na afya safi ya kinywa maishani.

 

[Numbisa]

Tabia Na Matendo Mazuri Kwa Afya ya Kinywa
Piga Mswaki na Kufanya Flosi Kila Siku
Kupiga mswaki na kufanya usafi kwako ni muhimu kama ilivyo muhimu kwa wajukuu wako. Pamoja na kwamba ni miaka mingi sasa tangu uanze kupata matatizo ya kutoboka meno, hali hatarishi kwako inaongezeka kadiri unavyokuwa mtu mzima.

 

[Numbisa]

Mojawapo ya sababu ni kwamba inawezekana una kinywa kikavu (Dry mouth) hali ambayo inawezekana ni matokeo ya matumizi ya madawa mbalimbali

 

[Numbisa]

Piga mswaki mara mbili kwa siku ukitumia dawa ya meno yenye madini ya floridi. Chagua mswaki ambao visafishio vyake (brashi) ni laini na ambao kichwa chake kinaweza kufika sehemu zote za kinywa chako.

 

[Numbisa]

Hakikisha unabadilisha mswaki wako kila baada ya miezi 3 au 4 ama pungufu ya hapo kama visafishio vyake (brashi zitakua zimeharibika) vitakuwa vimeharibika. Safisha kati ya meno yako kwa kufanya flosi mara moja kila siku.

 

[Numbisa]

Safisha Meno Yako Ya Bandia Kila Siku
Bakteria huwa na tabia ya kujishika kwenye meno yako ya bandia, hivyo kama unavaa meno ya bandia Kumbuka kuyasafisha.
Kumbuka kuyavua meno yako ya bandia angalau kwa masaa 4 kila siku ili kuweka fizi zako katika hali nzuri ya afya. Ni vizuri kuyavua meno yako wakati wa usiku.

 

[Numbisa]

Mtembelee Daktari Wa Meno Mara Kwa Mara
Hakikisha unaenda kwa daktari wa meno angalau mara moja kwa mwaka- tafadhali usisubiri mpaka upate maumivu. Kwanini? Kadiri unavyokua na umri mkubwa, mishipa ya fahamu ndani ya jino lako huzidi kuwa midogo na pia uwezo wake wa kupokea taarifa hupungua.

 

[Numbisa]

Hivyo inawezekana wakati unapata maumivu kutokana na jino kutoboka ikawa ni muda uliochelewa na hivyo kukupelekea Kupoteza jino lako. Wakati uendapo kwa daktari yeye huweza kupata fursa nzuri ya kuangalia vitu vingine ambayo vinaweza kuwepo kinywani psi na kuwa na dalili zozote( Warning signs) kama vile saratani ya kinywa na ugonjwa wa fizi

 

[sab]

Elimu ya kinywa

 

[Numbisa]

Tafadhali unapoenda kwa Daktari wa Kinywa na meno mpatie taarifa kwenye maeneo yafuatayo:
Orodha ya madawa unayotumia
Orodha ya magonjwa yanayokusumbua pamoja na mzio(Allergy)
Meno yako ya bandia kama unayo hata kama huyavai

 

[Numbisa]

Acha Uvutaji Wa Sigara
Hujachelewa kuacha uvutaji wa sigara. Uvutaji wa Sigara huongeza matatizo ya magonjwa ya fizi, kutoboka na kuoza kwa meno, pamoja na Kupoteza meno kwa ujumla. Halikadhalika uvutaji wa sigara huchelewesha uponaji wa kidonda kinywani kitokeacho baada ya matibabu ya kinywa kama vile kung’oa jino nk.

 

[Numbisa]

Matatizo Unayoweza Kuyapata Katika Umri Wako Huu
Ugonjwa Wa Fizi
Wengi wa watu wazima huwa na ugonjwa wa fizi ambao husababishwa na utando mlaini wenye bakteria ambao husababishwa fizi kuvimba, kuwa nyekundu na kutoa damu.

 

[Numbisa]

Moja ya sababu ya ni kwanini ugonjwa wa ufizi umeenea sana miongoni mwa watu Wazima ni kwamba, ugonjwa huu huwa hauna maumivu mpaka uwe umejijenga na kuwa umeendelea sana. Unapoachwa bila matibabu, fizi hujivuta na kutengeneza nafasi(Pockets) ambapo vyakula na /ama bakteria huweza kujihifadhi na hivyo kuendelea kuimarisha ugonjwa.

 

[Numbisa]

Kadiri ugonjwa huu usivyotibiwa na hivyo Kujijenga hupelekea kuharibu mfupi wa taya ulioshikilia jino/meno, hivyo mwishowe ni meno kutoka yenyewe tu na kupotea. Pamoja na Maelezo hayo yasiyofurahisha, Habari njema ni kwamba kwa kumuona daktari wa kinywa na meno mara kwa mara, ugonjwa wa fizi unaweza kutibika na kuzuilika.

 

[Numbisa]

Saratani Ya Kinywa
Saratani ya kinywa, ulimi an koo inaathiri mamilioni ya watu duniani kote. Wastani wa umri ambao mtu huweza kugundulika kuwa na saratani hizi ni miaka 62.Ni vyema basi wakati unapoenda kwa daktari meno ukazungumza nae kuhusu saratani hizi. Kwenda kumuona daktari mara kwa mara ni muhimu kwa sababu mwanzoni kabisa saratani hizi huwa hazina maumivu kabisa na kuzigundua mapema huweza kuokoa maisha.

 

[Numbisa]

Je Ninahitaji Dawa Kabla ya kupata Matibabu ya Kinywa?
Kama kwa mfano una matatizo ya moyo, hakikisha kwamba unamueleza daktari wako wa meno. Unaweza kudhani kwamba haina maana, kwamba kwani moyo unahusiana vipi na meno?

 

[Numbisa]

Lakini, kuna magonjwa ambayo ni hatarishi sana hivyo huhitajika kutumia/kumeza dawa kabla ya kufanyiwa matibabu husika.

 

[TzComedy]