Uzi maalum wa kupeana Likes: Comment chochote upate "Like"

[Numbisa]

Pandikiza miche katika nafasi ya sentimeta 40 hadi 50 kutoka shimo hadi shimo na sentimeta 60 hadi 75 kati ya mstari na mstari. Ikiwa mbolea za asili hazikuwekwa wakati wa kutayarisha shamba, weka kiasi cha nusu kilo hadi moja katika kila shimo la kupandia.

 

[Numbisa]

Siku moja kabla ya kung’oa miche, mwagilia tuta ili kulainisha udongo. Ng’oa miche pamoja na udongo wake kisha pandikiza katika kina cha sentimita mbili zaidi kuliko ilivyokuwa kwenye kitalu. Pandikiza miche wakati wa asubuhi au jioni. Mara baada ya kupandikiza mwagilia maji ya kutosha.

 

[Numbisa]

KUTUNZA SHAMBA
· Kuweka matandazo.
Tandaza nyasi kavu ili kuhifadhi unyevu ardhini, kuongeza rutuba ya udongo, kuzuia uotaji wa magugu, na mmmomonyoko wa ardhi.

 

[Numbisa]

Palizi.
Palilia shamba kila magugu yanapoota. Wakati wa kupalilia pandishia udongo kuzunguka shina ili kuifunika mizizi, na kuzuia mmea usiangushwe na upepo mkali.

 

[Numbisa]

Kumwagilia Maji.
Pilipili hoho hustawi vizuri iwapo zimepata maji ya kutosha. Hivyo umwagiliaji wa mara kwa mara hasa wakati wa kiangazi ni wa muhimu.

 

[Numbisa]

Kuweka Mbolea.
Zao hili huhitaji mbolea za kukuzia. Hizi ni kama mbolea ya S/A, CAN, Urea na mbolea ya mchanganyiko aina ya N.P.K Mbolea ya mchanganyiko (N.P.K) huwekwa wakati maua yanapoanza kutoka. Kiasi kinachowekwa ni gramu tisa hadi 10 (kijiko kimoja kikubwa) kwa kila mmea. Majuma manne baadaye weka CAN, S/A au Urea. Weka gramu sita (kijiko kidogo cha chai) kwa kila mche, kama utatumia CAN au S/A. ikiwa utatumia Urea, weka gramu tatu ( nusu kijiko cha chai) kwa kila mche).

 

[Numbisa]

Wadudu waharibifu na Magonjwa.
Wadudu.
· Vidukari au wadudu Mafuta ( Aphids).
Hivi ni vijidudu vidogo vyenye rangi nyeusi, kijani au kahawia. Hushambuliwa majani kwa kufyonza utomvu wake na kusababisha mmea kudumaa.

Vidukari huzuiwa kwa kunyunyizia dawa kama vile Dimothoate au Selecron.

 

[Numbisa]

Mbawakau.
Ni wadudu wenye rangi nyeusi iliyochanganyika na kahawia. Mabawa yao kwa nje ni magumu. Hushambulia shina karibu na usawa wa ardhi na kulifanya liwe na nundu.

Zuia wadudu hawa kwa kutumia mojawapo ya dawa zifuatazo; Carbaryl, au Dimecron.

 

[Numbisa]

Fukusi wa Pilipili (Pepper Weevil)
Mdudu huyu ni hatari sana kwa zao hili na mashambulizi kufanywa na funza wake wenye rangi nyeupe. Funza hawa hula sehemu ya ndani ya vichomozo na matunda machanga nan kusababisha kuanguka. Angamiza wadudu hawa kwa kutumia moja ya dawa zifuatazo; Actellic, Sumithion au Carbaryl.

 

[Numbisa]

Vithiripi (Thrips)
Hivi ni vijidudu vidogo vyenye rangi ya njano. Hushambulia majani na husababisha mmea kuwa na rangi nyeupe yenye kung’aa. Mmea pia kunyauka kuanzia kwenye ncha ya jani. Vijidudu hivi pia kueneza magonjwa yatokanayo na virusi.

Zuia vijidudu hivi kwa kutumia dawa kama vile;- Cyrmethrin, Sumicidin au Dimercon.

 

[Numbisa]

Sota (Cutworms)
Hawa hukata miche michanga karibu na usawa wa ardhi. Ili kuwazuia wadudu hawa, tumia dawa kama vile Carbaryl, Sumicidin au Ekalux. Nyunyizia mara baada ya kupandikiza.

 

[Numbisa]

Inzi Weupe (White flies).
Ni vidudu vidogo vyenye rangi nyeupe, na huonekana kama vumbi la unga vikiwa kwenye majani. Mmea ukitikiswa huruka.

 

[Numbisa]

Hushambulia mmea kwa kufyoza utomvu wake, na hueneza ugonjwa wa virusi unaosababisha kujikunja kwa majani.
Inzi weupe wanaweza kuzuiwa kwa kutumia Sumicidin, Sapa Diazinon au Diclorvos.

 

[Numbisa]

Utiriri Mwekundu (Red Spidermites)
Hawa ni wadudu wadogo wenye rangi nyekundu au rangi ya machungwa yaliyoiva. Huonekana upande wa chini wa majani na hushambulia mmea kwa kufyonza utomvu wake.
Zuia utitiri kwa kutumia dawa kama vile Kelthane, Dimethoate na Diazinon.
Magonjwa

 

[Numbisa]

Magonjwa ya Virusi
Magonjwa haya hutokana na virusi. Husababisha majani kudumaa, kukunjamana, na kuwa na rangi ya njano. Ili kuzuia magonjwa haya, zingatia yafuatazo;-

 

[Numbisa]

Panda aina ya pilipili zinazostahimili mashambulizi j ya magonjwa haya.

 

[Numbisa]

Ng’oa miche inayoonyesha dalili za magonjwa haya.

 

[Numbisa]

Zuia wadudu wanaoeneza magonjwa ya virusi kwa kutumia dawa ya Kelthane 30 E, C, Dimethoate, Diazinon na Ekalux.

 

[Numbisa]

Badilisha mazao. Baada ya kuvuna pilipili tamu, zao linalofuata lisiwe la jamii la zao hili kwa mfano nyanya na bilinganya.

 

[Numbisa]

Chule (Anthracnose)
Ugonjwa huu husababishwa na ukungu. Hushambulia matunda na kuyasababisha kuwa na makovu j ya mviringo yenye rangi nyeusi iliyochanganyika na kahawia.

Zuia ugonjwa huu kwa kunyunyizia mojawapo ya dawa zifuatazo: Dithane - M 45, Topsini - M, Ridomol au Kocide,