Chelsea ina hamu ya kumsajili beki wa Juventus na Ghana Kwadwo Asamoah ,29, kwa uhamisho wa bure wakati kandarasi yake itakapokamilika mwisho wa msimu huu (Sun)
Manchester City inatarajiwa kutia saini kandarasi yenye thamani ya £45m kwa mwaka na kampuni ya Puma. Kandarasi yao na kampuni ya Nike ina thamani ya £18m kwa mwaka. (Sun)
Mshambuliaji wa Liverpool mwenye umri wa miaka 17 Rhian Brewster ataanza kushirikishwa katika kikosi cha kwanza cha timu hiyo wakati atakapopona jeraha alilopata msimu ujao.. (Telegraph)
Afisa mkuu wa klabu ya Atletico Madrid Miguel Angel Gil alilazimika kulala ndani ya hoteli ya uwanja wa ndege wa mjini Moscow kwa kuwa hakuweza kupata pasipoti yake alipowasili kutoka Uhispania siku ya Jumanne.. (El Pais - in Spanish)
Mchezaji wa Stoke aliyevunja rekodi ya usajili katika klabu hiyo Giannelli Imbula ameshirikishwa katika kikosi cha timu ya taifa ya DR Congo , ikiwa ni mara yake ya kwanza kushirikishwa na timu hiyo..
Mshambuliaji wa Tottenham Son Heung-min huenda akakosa mwazo wa msimu ujao iwapo Korea Kusini itaamua kumshirikisha kama mmojawapo ya wachezaji watatu wenye umri wa wastani katika kikosi cha wachezaji wasiozidi umri wa miaka 23 kwa michezo ya bara Asia.. (Evening Standard)
Mkufunzi wa West Ham David Moyes aliwatetea wachezaji wake wakati wa likizo yao mjini Florida wiki hii licha ya pingamizi kutoka kwa bodi ya timu hiyo. (Mirror)