Uzi maalum wa kupeana Likes: Comment chochote upate "Like"

Meneja wa Arsenal Arsene Wenger amesema anataka sana kiungo wa kati Jack Wilshere asalie katika klabu hiyoo. Mchezaji huyo wa England wa miaka 26 amekuwa kwenye mvutano na klabu hiyo kuhusu mkataba baada yake kuombwa akubali kupunguziwa mshahara. (Star)
 
Mkufunzi wa zamani wa Borussia Dortmund Thomas Tuchel angependa zaidi kwenda Bayern Munich kurejelea kazi ya ukufunzi na si kwenda Arsenal, kama zilivyokuwa zimedokeza tetesi kwamba atakwenda kumrithi Wenger. (Sky Sports
 
Kiungo wa kati wa Liverpool kutoka Ujerumani Emre Can, 24, amelazimika kuandika kwenye Instagram ujumbe wa kupuuzilia mbali uvumi kwamba anataka kuondoka Anfield.
 
Meneja wa Manchester United Mourinho ameandaa orodha ya wachezaji sita ambao anaamini wanaweza kujaza nafasi ya Michael Carrick anayeelekea kustaafu. Orodha hiyo inashirikisha nyota wa Bayern Munich kutoka Chile Arturo Vidal, 30, na Mwitaliano anayechezea Paris St-Germain Marco Verratti, 25. (Manchester Evening News)
 
United wataimarisha juhudi zao za kutaka kumnunua beki wa Celtic ambaye thamani yake inakadiriwa kuwa £25m Kieran Tierney mwisho wa msimu. Mourinho anataka sana beki huyo wa miaka 20 mzaliwa wa Manx, Scotland ajiunge na klabu hiyo na anatarajiwa kuwasilisha ofa karibuni. (Mirror)
 
Mchezaji nyota wa Brazil Ronaldinho amefichua wkamba alikuwa saa 48 karibu na kujiunga na United mwaka 2003 kujaza nafasi ya David Beckham aliyekuwa amehamia Real Madrid. Badala yake mchezaji huyo wa miaka 38 alijiunga na Barcelona pale Sandro Rosell alipoteuliwa rais wa klabu hiyo. (FourFourTwo)
 
Kiungo wa kati Mbelgiji anayechezea Chelsea Eden Hazard amepuuzilia mbali wanaomfananisha na nyota wa Barcelona Lionel Messi. Mchezaji huyo wa miaka 27 amesema yeye huwa hafungi mabao mengi kiasi cha kufananishwa na nyota huyo wa Argentina. (Star)
 
Hazard amesema kwa sasa atapatia kipaumbele kuchezea timu yake ya taifa Kombe la Dunia badala ya mazungumzo kuhusu mkataba mpya Chelsea. (Guardian)
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…