Uzi maalum wa kupeana Likes: Comment chochote upate "Like"

KIUNGO, Paul Pogba, amekanusha kuwa na uhusiano mbaya na kocha wake, Jose Mourinho na kusisitiza kwamba anafurahia majukumu yake anayopewa kwenye kikosi cha Manchester United.

Pogba alisajiliwa na Mourinho kwa ada iliyoweka rekodi ya dunia kwa wakati huo, Pauni 89.3 milioni akitokea Juventus, Agosti 2016 aliporejea Old Trafford kwa mara ya pili.
 
Lakini Mfaransa huyo amekumbana na nyakati ngumu ikiwamo kuwekwa benchi na kusababisha maneno mengi mitaani kwamba ametibuana na kocha wake na anafikiria kuondoka.

Lakini, Pogba mwenyewe ambaye amekuwa akicheza soka safi siku za karibuni, akiisaidia timu yake kufika fainali ya Kombe la FA amesema: "Sina tatizo na Mourinho. Nadhani pia hata yeye hana tatizo na mimi.
 
Alinifanya kuwa nahodha kwenye mechi fulani na nilifanya vyema majukumu yangu. Mimi ni mchezaji na wajibu wangu ni kucheza vizuri. Yeye ni kocha na ndiye anayeamua. Mimi ni mchezaji na kazi yangu ni kukubaliana na uamuzi wa kocha, majibu ya hayo yote yanapatikana uwanjani."
 
Pogba alikataa pia kwamba kuwekwa benchi kulimfanya afikirie kuachana na timu hiyo, akisema: "Hakuna kitu kama hicho. Kocha anafanya uamuzi si kwa ajili ya mchezaji bali kwa ajili ya timu.

“Anamweka nje mchezaji mmoja kwani ana mwingine. Kutokana na hilo, ukiwa mchezaji unapaswa kukubaliana nalo. Mourinho anataka ninyoe? Pengine hiyo ni kesi ya watu wengine siyo mimi. Sifikirii kuhama wala mambo mengine ya aina hiyo."
 
Liverpool ya Mohames Salah leo watakuwa na kibarua kizito mbele ya AS Roma katika mchezo wa kwanza wa nusu fainali ya Ligi ya Mabingwa Ulaya itakayopigwa kwenye Uwanja wa Anfield.

Salah anatazamiwa kuongoza safu ya ushambuliaji ya Jurgen Klopp itakapocheza na timu yake ya zamani ya Roma, katika nusu fainali ya kwanza inayotazamiwa kuwa na upinzani mkali huko Anfield leo Jumanne.
 
Kesho, Jumatano kutakuwa na kipute kingine, ambapo vigogo Bayern Munich watakuwa nyumbani Allianz Arena kumkaribisha Cristiano Ronaldo na chama lake la Real Madrid.

Itakuwa wiki kali na hakika usithubutu kupitwa. Liverpool wametinga hatua hiyo baada ya kuwasukuma nje Manchester City kwa mabao 5-1, huku ushindi wao ukichagizwa zaidi ya Mo Salah, lakini AS Roma nao si wa kubeza baada ya kupindua matokeo dhidi ya Barcelona na sasa wametinga nusu fainali.
 
Bayern na Real Madrid ni mechi ambacho mashabiki wamepata kushuhudia mara kadhaa zikimenyana kwenye Ligi ya Mabingwa Ulaya, lakini safari hii mechi yao inatazamwa kwa mtazamo tofauti.

Madrid wanaamini staa wao Ronaldo ataendelea kuwavusha kwenye vizingiti vizito katika kutimiza ndoto yao ya kubeba taji hilo kwa msimu wa tatu mfululizo.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…