Uzi maalum wa kupeana Likes: Comment chochote upate "Like"

Jina la biashara ni utambulisho wa msingi sana na kila mwenye wazo kinachofuata ni kupata jina sahihi lenye kukidhi hadhi na kuakisi kile anachouza kwa wateja wake.

Katika kufanya utafiti ndani na nje ya nchi, biashara nyingi zinapata changamoto sokoni kutokana na majina zinayotumia. Jina linalokuwa na maana mbili kwa mteja linapotosha na kupoteza uhalisia wa mtoa huduma.
 
Jina la biashara linatakiwa kuwa fupi ili mteja au aweze kulishika na kulikumbuka haraka. Mwisho wa siku mtu huyu ni balozi wako wa hiari kwani anakumbuka na kuweza kulitaja mbele ya wenzake pale anapotokea mwingine anayehitaji bidhaa au huduma kama yako. Jina limfanye mteja alikumbuke kwa urahisi lililo rahisi.

Mfanyabiashara anatakiwa kutambua kuwa jina la biashara lazima liakisi kile anachofanya. Kuna baadhi ya watu wanafanya biashara ya chakula lakini kwa majina yanayoendana na spea za magari.
 
Kuna umuhimu wa kuwa na jina linaloakisi biashara, kama unafanya biashara ya chakula basi liwe la mrengo huo ili mteja akilisikia kwa mara ya kwanza ajue ni biashara ya chakula na si vinginevyo.

Hata kama mmiliki ni mwanasisasa, jina la biashara lisiwe na mrengo wowote wa kisiasa au kidini kwani madhara yake ni kuwakosa wateja wenye imani au itikadi tofauti.

Kundi jingine la wateja unaoweza kuwakosa ni wale wasio mashabiki wa itikadi au imani. Ni muhimu kuzingatia hili kwa kuweka jina lenye kuwafaa watu wote bila kujali imani au itikadi za kisiasa na kukubalika kwa makabila yote.
 
Jina lisilo na mrengo wala mtazamo wa aina yoyote hukusaidia kuwashinda wateja kihisia na kujiona ni sehemu ya biashara au huduma yako.

Msingi mkuu wa jina la biashara au bidhaa yako ni kuleta usawa wa kihisia kati ya mteja na bidhaa yenyewe. Mteja lazima ahisi bidhaa au huduma husika ni kwa ajili yake.

Kwa kuwa na jina linalokidhi mahitaji ya mteja lisilompa karaha za kihisia na kuona huduma ni kwa ajili yake, mteja hukosa namna ya kuiepuka biashara yako.

Wito wangu kwa wajasiriamali, ajenda ya uchumi wa viwanda unatupeleka kwenye ushindani mkubwa unaohitaji bidhaa zenye thamani sokoni siyo zinazosambazwa.

Lazima tujiandae na mabadiliko ya ulimwengu wa ushindani. Ukiwa na jina linalokidhi haja na matakwa ya mlaji litakubalika kirahisi na kupunguza ushindani sokoni.
 
Tafadhali soma kwa makini.
Hii stori imetokea kwenye familia ya kipato cha kati (kawaida).
Kijana hakupenda kuishi nyumbani kwao. Kwa sababu baba yake alikuwa anamsema kila Mara kwa usumbufu, ' unaacha chumba bila kuzima feni'
'TV haijazimwa,
'Weka peni vizuri'

Kijana hakupenda baba yake amseme kwa mambo madogo madogo kila Mara. Alivumilia kila siku alizokuwa anakaa pale nyumbani.

Lakini leo, amepata kuitwa kwenye usaili wa kazi. 'Hivi punde nitapata kazi, nitahama hapa nyumbani, Hakutakuwa na masemango tena ya baba' yalikuwa mawazo ya kijana.

Akiwa anajiandaa kuondoka kwenda kwenye usaili, baba akamwambia: ' Jibu maswali utakayopewa bila kusita. Hata kama haujui majibu, sema huku ukijiamini'. Akampa pesa zaidi ya zilizokuwa zikihitajika kwa ajili ya usaili.

Kijana alikifika kwenye usaili. Akaona hamna mlinzi getini. Geti lilikuwa wazi, kitasa kilikuwa hakijafungwa kikawa kinawakwaruza wanaopita. Akaweka kitasa vizuri akafunga geti akaingia ndani.

Njiani akaona maua yamepandwa vizuri. Mtunza bustani hakuwepo na hakufunga bomba, maji yakawa yanamwagika mpaka njiani. Akachukua mpira wa maji akaweka kwenye maua akaendelea na safari.
Mapokezi hapakuwa na mtu, kulikuwa na karatasi inasema usaili upo ghorofa ya kwanza. Taratibu akapanda ngazi.

Taa zilizowashwa usiku zilikuwa zinawaka bado mpaka ile saa nne asubuhi. Akakumbuka baba yake alivyokuwa anamkoromea, ' kwanini umeacha taa bila kuzima chumban?' Akahisi bado anasikia ile sauti. Ingawa alichukia vile alivyokumbuka, ila akazima zile taa.

Alipofika ghorofani akaona watu wengine nao wamefika wamekaa wanasubiri kuingia kwenye usaili. Aliangalia idadi ya namba ya watu ilivyokubwa akawaza kama kuna uwezekano wa kupata kazi.
Akawa anaingia kwa hofu akakanyaga zuria limeandikwa ' Karibu'. Alipoliangalia vizuri akagundua limewekwa chini juu juu chini. Akaliweka sawa lile zuria.

Akaona mistari mbele watu wengi wakisubiri zamu zao, ila nyuma nafasi ilikuwa tupu, lakini feni zilikuwa zikizunguka.
Akasikia sauti ya baba yake tena, ' kwanini umeacha feni inazunguka chumban?' Akazima feni ambazo zilikuwa hamna watu chini yake akakaa kwenye kiti.
Akaona watu wengi wanaingia kwenye chumba cha usaili na wanondoka muda mfupi tu kwa mlango mwingine. Kulikuwa hamna namna unaweza kujua nini kilikuwa kinaulizwa kwenye usaili.
Ilipofika zamu yake akaingia akasimama mbele kwa hofu.

Afisa akachukua vyeti vyake akamuuliza, ' lini utaanza kazi?'.

Akajiuliza, 'hili ni swali la mtego kwenye usaili au hii ni ishara nimepata kazi?" Alichanganyikiwa.

' Unawaza nini?" Boss akauliza. 'Hatukumuuliza yeyote yule maswali hapa. Kwa kuuliza maswali machache hatutaweza kufahamu uwezo wa yeyote. Hivyo jaribio lilikuwa ni kuangalia mwenendo wa mtu. Tuliweka majaribio kadhaa juu ya tabia ya mtu, na tukawa tunamuangalia kila mmoja kupitia CCTV. Hakuna hata mmoja aliyekuja Leo na kurekebisha komeo, mpira wa maji, zuria mlangoni, feni na taa za umeme. Wewe peke yako ndiye uliyefanya hayo. Ndio maana tumeamua kukuchagua wewe kwenye hii kazi', alisema boss.
......….............................
Alikuwa anakasirika alipokua anaelekezwa na baba yake. Sasa amefahamu kwamba ni yale maelekezo ndiyo yaliyompatia kazi. Hasira na chuki kwa baba yake zilipotea hapo hapo kabisa. Akaamua atamleta baba yake anapofanyia kazi na akaenda nyumbani kwa furaha.

Chochote baba zetu wanachotuambia ni kwa manufaa yetu wanadhamiria kutupatia maisha nzuri baadae.

Dhahabu haing'ai kama haitapitishwa kwenye moto.

Kwa sisi kuwa watu wazuri na kuwa na ustaarabu tunatakiwa tukubali kujishusha ili kuondoa tabia mbaya na mienendo mibaya ndani yetu. Hivyo ndivyo baba zetu wanafanya wanapotuadabisha.

Mama anambeba mtoto tumboni, anamyonyesha na anambeba. Lakini kwa baba haiko hivyo. Anamlea mtoto kwenye misingi stahiki ili afike mbali kuliko yeye alipofika.
Tunaelewa maumivu ya mama anayoyapitia kwa kumsikiliza, lakini maumivu ya baba tunayaelewa tukiambiwagwa na wengine tu.

Baba zetu ni waalimu wetu tukiwa wadogo, ila ni adui zetu tukifikisha umri wa miaka ishirini na wanakuwa mwangozo wetu kwa kipindi chote anachoishi.....

Mama anaweza kwenda kwa watoto wake kukaa lakini baba hawezi kufanya hivyo....

Hamna haja ya kuumiza wazazi wetu wakiwa hai na kuwakumbuka wakishafariki. Tuwajali na kuwasikiliza muda wote wa maisha yao.
Huu ni mfano kwa ajili ya mafunzo.
*TAFADHALI! sambaza kwa wazazi na watoto.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…