Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

BAADA YA KUONDOLEWA WETCU URAMBO, KALIUA KUANZISHA CHAMA CHAO KIKUU CHA USHIRIKA

MICHUZI BLOG / 1 hour ago

NA TIGANYA VINCENT

HATIMAYE wanachama wa Chama Kikuu cha Ushirika wa Tumbaku (WETCU) mkoani Tabora kwa kauli moja wameridhia kuganishwa kwa Chama Kikuu cha Ushirika kwa ajili ya kuchukua Wilaya za Urambo na Kaliua ili kuanzisha chama kingine kipya cha maeneo hayo.


Hatua hiyo imefikiwa na viongozi kutoka Vyama vya Msingi (AMCOS)mbalimbali kwenye Mkutano Mkuu wa 25 ulifanyika jana mjini Tabora.


Kaimu Mrajis Kaimu Mrajis wa Vyama vya Ushirika Tanzania Tito Haule alisema uamuzi wa kuchukua baadhi ya wanachama wa WETCU na kuanzisha Chama kipya ni kurahisisha usimamizi wa vyama vya msingi na kutekeleza agizo Waziri Mkuu Kassim Majaliwa baada ya kuvunja Bodi ya WETCU kwa sababu ya kushindwa kusimamia zao hilo pamoja na matumizi mabaya ya fedha za umma.


Alisema kuwa WETCU itaendelea kubaki na usajili wake wa awali na itakuwa na Vyama vya Msingi(AMCOS) kutoka Uyui, Tabora Manispaa, Nzega na Sikonge.


Haule aliongeza kuwa kisheria kama Chama cha WETCU kingevunja ingechukua hata miaka miwili kuanzisha kingine na baada ya kufanyika ufilisi na ndipo chama kipya kianzishe , ndio maana wameona ni vema kiendelee na usajili ule ule na kianzishwe kipya kitakacho hudumia Urambo na Kaliua.


Alisema kuhusu madeni yatabaki Chama cha WETCU na kile kipya cha kitakachoanzishwa kitaanza bila deni kama takwa la kisheria linavyohitaji ili kiwe na sifa ya kusajiliwa.


Haule alisema viongozi wanaweza kukutana na kupendekeza jina la Chama kipya au kinaweza kuitwa UKACU ili kuendelea na taratibu za usajili na kuahidi kutangaza Bodi ya Mpito wa Chama kipya tarajiwa hivi karibuni ili hatimaye ifikapo tarehe 16 Mwezi ujao(Juni) kiwe kimesajiliwa.



Kaimu Mrajis Kaimu Mrajis wa Vyama vya Ushirika Tanzania Tito Haule aakitoa ufafanuzi ya taratibu za ugawaji wa Chama Kikuu cha Ushirika wa Tumbaku (WETCU) na kuanzisha Chama kipya kwa ajili Wilaya za Urambo na Kaliua jana mjini Tabora wakati wa Mkutano Mkuu wa 25 wa chama hicho.



Kaimu Katibu Tawala Mkoa wa Tabora, Nathalis Linuma alitoa maoni yake jana wakati wa Mkutano Mkuu wa 25 wa Chama Kikuu cha Ushirika wa Tumbaku (WETCU) ulifanyika mjini Tabora.



Kaimu Mwenyekiti wa Bodi ya Wakurugenzi wa Bodi ya Tumbuku Hassan Wakasubi alitoa maoni yake jana wakati wa Mkutano Mkuu wa 25 wa Chama Kikuu cha Ushirika wa Tumbaku (WETCU) ulifanyika mjini Tabora.





Baadhi ya Viongozi wa Vyama vya Msingi (AMCOS) wakifuatilia mada mbalimbali jana wakati wa Mkutano Mkuu wa 25 wa Chama Kikuu cha Ushirika wa Tumbaku (WETCU) ulifanyika mjini Tabora.

KUSOMA ZAIDI BOFYA HAPA

Visit website
 
ULEGA AZUNGUMZIA MRADI WA UMEME WA REA MKURUNGA,APONGEZA JUHUDI ZA VIONGOZI,WANANCHI

MICHUZI BLOG / 2 hours ago

Na Emmanuel Masaka,Globu ya jamii


NAIBU Waziri wa Mifugo Na Uvuvi ambaye pia ni Mbunge wa Mkuranga Aballah Ulega amekagua mradi wa Umeme vijijini(REA) Awamu ya 3 Union delta katika Vijiji viwil vya Mkokozi na Lugwadu katika Kata ya Mwandege wilayani Mkuranga mkoani Pwani.


Akizungumzia mradi huo leo, Ulega amesema mradi huo ua umeme unatokana na uhudi za viongozi akiwemo Diwani wa kata aa Mwandege Adolf Kohelo na yeye Mbunge wa jimbo la Mkuranga.


Aidha Ulega Amewashukuru wananchi wa vijiji hivyo kwa ushirikiano wao katika kufanikisha mradi huo."Nashukuru kwa kupokea mradi na nimesikia kuna timu ya watu wa REA wapatao 60 ambao mmewapa ushirikiano kwa kukubali kukakata miti yenu bila gharama.Mmenitia moyo sana," amesema.


Pia amewaomba Watanzania kumuombea Rais Dk. John Magufuli ili andelee kuwa na nguvu ya kuwatumikia wananchi wanyonge."Wanamkuranga hakuna zawadi nzuri ya kumpa Rais zaidi ya kumuombea," amesisitiza Ulega.



Kazi ya kusimika nguzo za umeme katika vijiji vya Lugwadu na Mkokozi ikiendelea kwa kasi.

Naibu Waziri wa Mifugo na Uvuvi Abdallah Ulega na Mbunge wa Mkuranga akiwaaga wananchi wa vijiji vya Mkokozi na Lugwadu katika ziara ya kukagua mradi wa umeme wa Rea Mkoani Pwani.
Naibu Waziri Mifugo na Uvuvi,Mbunge wa Mkuranga,Abdallah Ulega akimsikiliza Diwani wa Kata ya Mwandege,Adolf Kohelo katika ziara yake ya kukagua mrad wa umeme wa Rea Mkoani Pwani.

Visit website
 
FAMILIA YALALAMIKA NYUMBA KUVUNJWA BILA KUFUATA SHERIA, WAMUOMBA MAKONDA AWASAIDIE HAKI ITENDEKE

MICHUZI BLOG / 2 hours ago

Na Emmanuel Masaka, Globu ya jamii.

Edith Max amemuomba Makonda kusaidia ili haki ipatikane na kufafanua nyumba yao imeporwa na moja ya taasisi na kisha kuiuza katika moja ya benki iliyopo nchini(jina tunalo).

Akieleza mkasa huo amedai familia yao ilikopa fedha Sh.milioni 30 katika benki hiyo na kudai walipotaka kulipa deni hilo walizungushwa na baadaye wakaambiwa kuna riba imeongezeka kutoka Sh.milioni 30, hadi Sh.million 90.

Amesema walikubali kulipa lakini kila wakifuatilia kulipa tena wakaendelea kuzungushwa hadi deni likafikia Sh.milioni 120 lakini walikubali kulipa fedha hiyo.Walipoenda kulipa wakabaini kuna udanganyifu umefanyika kwa kugushiwa hati ya mirathi na mtu asiyetambulika na familia.

Amefafanua familia fungua mirathi yake Januari 17 katika Mahakama ya mwanzo Kinondoni na Msimamizi wa mirathi hiyo Max Edmund Kafipa .Awali anasema, suala hili walilipeleka kwa Mkuu wa mkoa wa Dar es Salaam Makonda wakati wa kampeni yake ya kuwasikiliza walidhurumiwa nyumba, viwanja na mashamba iliyofanyika Januari ambapo tarehe 30 pande zote ziliitwa na kujadiliana mbele ya wanasheria na uamuzi yao yanatarajiwa kutolewa Mei 7 mwaka huu.

Hata hivyo amesema kabla ya kuanza kuvunja nyumba hiyo wahusika walipewa uzio la kutovunja lakini nyumba hiyo ikavunjwa jambo ambalo ni kinyume na sheria."Wakili wao alitamka wazi kwa Makonda hana Mamlaka ya kuingilia mambo haya na hii nyumba tulikuwa tunaitaka muda mrefu,"amesema.

Ameongeza "jana walituita wa kasema wanataka watulipe fedha.Wakatuuliza mnataka tuwape bei gani ? tukasema tulipeni Sh.bilion 2, waomba wajadiliane lakini cha kushangaza wamekuka kuvunja nyumba yetu."Kwa upande wake Mwenyekiti wa Serikali ya Mtaa wa Mfaume AbdulKarim Gulam Shambe amekiri kuwepo kwa sakata hilo na kwamba wakati wanakwenda kuvunja nyumba hiyo walitoa taarifa wakati wameshaanza kuivunja.






Msemaji wa familia hiyo Edith Max (kulia)akuonesha nyumba hiyo jana jijini Dar as Salaam.

Visit website
 
Mkazi wa Zanzibar ashinda bidhaa zenye thamani ya Tsh. milioni 1 kutoka Jumia

MATUKIO @ MICHUZI BLOG / 3 hours ago

Mkazi wa visiwani Zanzibar, Bi. Patricia Philipo amejishindia vyombo vya ndani vyenye thamani ya shilingi milioni moja kutoka Jumia kupitia kampeni iliyokuwa ikiendeshwa kwa jina la ‘Big Home Makeover’ katika mwezi uliopita wa Aprili.


Mshindi huyo alipatikana kupitia kampeni iliyoendeshwa kwa jina la ‘Big Home Makeover’ kupitia mtandao wa kijamii wa Facebook. Wateja walitakiwa kupendekeza mtu wao wa karibu ambaye waliona anastahili nyumba yake kupendezeshwa na Jumia kwa kupatiwa ofa ya vyombo vya ndani.

Bi. Patricia Philipo aliibuka mshindi baada ya mchumba wake Bw. Mwalim Juma Kumpendekeza ashinde zawadi ya vyombo hivyo ili kumrahishia asije kusumbuka kununua tena pindi watakapofunga ndoa.

“Mimi ni mteja mzuri wa Jumia kwa sababu naitumia mara kwa mara kufanya manunuzi ya bidhaa mbalimbali ambazo zimekuwa zikinifika mpaka ninakoishi Zanzibar. Baada ya kuliona hili shindano, niliona ni vema nimpendekeze mwenzangu ashinde. Ukizingatia tupo kwenye maandalizi ya ndoa yetu, suala la mahari pamoja na vyombo vya ndani ni gharama hivyo ushindi wake ungekuwa na mchango mkubwa kwenye shughuli yetu,” alisema Bw. Juma ambaye ni mchumba wa mshindi wa kampeni hiyo, Bi. Patricia.

“Sikuwa na wasiwasi kwamba endapo angeshinda asingeweza kupatiwa zawadi zake. Kwa sababu hapo nyuma kulikuwa na mashindano kadhaa kama vile ‘Treasure Hunt’ kipindi cha Mobile Week, wateja walikuwa wanashinda simu na kukabidhiwa bila ya ubabaishaji wowote,” alimalizia Bw. Juma.

Akielezea furaha yake mara baada ya kutangazwa mshindi Bi. Patricia Philipo amesema kuwa, “kusema ukweli hapo mwanzo sikutarajia kama ningeweza kushinda kutokana na ushindani mkali kutoka kwa mpinzani wangu. Kuna wakati nilitaka kukata tamaa kwa sababu mwenzangu alikuwa ameniacha mbali, mashabiki wake walikuwa wanamuunga mkono na kuwashirikisha wengine kwa kiasi kikubwa.”

“Lakini niliongeza bidii na kumuomba Mungu ili niweze kufanikiwa. Na kweli ilifika mahala mpinzani wangu akakata tamaa. Hapo ndipo mimi nilipoongeza bidii zaidi na kufanikiwa kuibuka mshindi,” aliongezea Bi. Patricia na kuhitimisha, “nina furaha kubwa katika kipindi hiki kwani zawadi niliyoshinda ni kubwa. Vyombo vya ndani vyenye thamani ya shilingi milioni moja si jambo la kawaida. Jumia wameweka alama kubwa katika maisha yangu na nawaombea waendelee kuwajali wateja wao kwa bidhaa bora, ofa lukuki pamoja na kuwa waaminifu.”

Kampeni ya ‘Big Home Makeover’ kutoka Jumia ilyodumu kwa takribani mwezi mmoja, ilikuwa na dhamira ya kuwawezesha wateja wake kununua vyombo vya ndani kwa gharama nafuu. Lakini pia ilitoa fursa ya kumzawadia mteja mmoja aliyependekezwa na mtu wake wa karibu vyombo vya ndani vyenye thamani ya shilingi milioni mmoja.

“Tunampongeza mshindi wetu Bi. Patricia kwa ushindi aliojipatia lakini pia tunawasihi wateja wetu kuchangamkia bidhaa mbalimbali kwenye mtandao wetu. Kupitia mtandao unaweza kuokoa muda na gharama pamoja na usumbufu wa kufuata bidhaa. Lakini cha muhimu ni njia salama na ya uhakika, Jumia inawapatia fursa wateja wake kufanya manunuzi na kisha kulipia baada ya kuridhika na mzigo aliofikishiwa,” alisema Meneja Uhusiano wa Umma wa Jumia Tanzania, Kijanga Geofrey.


“Hivi sasa kupitia mtandao wetu tunaendesha kampeni ya kutoa punguzo kubwa la bei ambalo hauwezi kupata sehemu yoyote. Kwa mfano, simu zinazouzwa Jumia ni pungufu ya shilingi 50,000 tofauti na ukienda kwenye maduka moja kwa moja, vivyo hivyo kwa bidhaa nyinginezo, kila bidhaa utakayoiona basi ujue imepunguzwa kiasi hicho! Tunawasihi watanzania wasicheze mbali na jumia ili kuweza kunufaika na mambo haya mazuri,” alihitimisha Geofrey.



Meneja Uhusiano wa Umma wa Jumia Tanzania, Kijanga Geofrey akimkabidhi mfano wa hundi yenye thamani ya shilingi Milioni moja,Mkazi wa visiwani Zanzibar, Bi. Patricia Philipo mara baada ya kujishindia vyombo vya ndani vyenye thamani ya shilingi milioni moja kutoka Jumia kupitia kampeni iliyokuwa ikiendeshwa kwa jina la ‘Big Home Makeover’ katika mwezi uliopita wa Aprili.


Bi. Patricia Philipo aliibuka mshindi baada ya mchumba wake Bw. Mwalim Juma Kumpendekeza ashinde zawadi ya vyombo hivyo ili kumrahishia asije kusumbuka kununua tena pindi watakapofunga ndoa. 

Meneja Uhusiano wa Umma wa Jumia Tanzania, Kijanga Geofrey akizungumza mapema leo jijini Dar kuhusu ushindi wa Mkazi wa visiwani Zanzibar, Bi. Patricia Philipo (hayupo pichani) aliyejishindia vyombo vya ndani vyenye thamani ya shilingi milioni moja kutoka Jumia kupitia kampeni iliyokuwa ikiendeshwa kwa jina la ‘Big Home Makeover’ katika mwezi uliopita wa Aprili.Pichani kushoto ni Mchumba wa mshindi,Bw. Mwalim Juma.




Mshindi huyo alipatikana kupitia kampeni iliyoendeshwa kwa jina la ‘Big Home Makeover’ kupitia mtandao wa kijamii wa Facebook. Wateja walitakiwa kupendekeza mtu wao wa karibu ambaye waliona anastahili nyumba yake kupendezeshwa na Jumia kwa kupatiwa ofa ya vyombo vya ndani.




Afisa Uhusiano wa Umma wa Jumia Tanzania, Hadija Natalia Tuwano pamoja na Meneja Uhusiano wa Umma wa Jumia Tanzania, Kijanga Geofrey wakimsikiliza kwa makini Mchumba wa mshindi,Bw. Mwalim Juma akitoa ushuhuda wa namna alivyompendekeza Mchumba wake na kujishindia vyombo vya ndani mbele ya Waandishi wa Habari mapema leo jijini Dar,Mwalimu Juma alimpendekeza mchumba wake Bi. Patricia Philipo ashinde zawadi ya vyombo hivyo ili kumrahishia asije kusumbuka kununua tena pindi watakapofunga ndoa.

Visit website
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register