Uzi maalum wa kupeana Likes: Comment chochote upate "Like"

Ni safari yangu ya kwanza kwenda Sumbawanga kwa basi. Ni barabara nzuri ya lami ambayo kwa kweli imefungua fursa kwa wananchi wa mikoa ya Songwe na Rukwa.

Wananchi wa huko sasa wanaweza kufungua biashara katika vijiji mbalimbali kutokana na ukweli kwamba magari ya kwenda na kurudi ni mengi.
 
Hivi sasa kwa mwendo wa basi zuri kutoka Mbeya hadi Sumbawanga unatumia saa sita badala ya kutumia saa 18 au zaidi za miaka ya kabla ya kujengwa kwa barabara hiyo.

Kwa ujumla, barabara ya Tunduma hadi Sumbawanga imejengwa kwa kiwango cha kimatafa, licha ya madereva wengi kulalamika kuhusu wingi wa matuta ya kuzuia mwendo kasi.
 
Lakini mimi nasisitiza matuta yaliyowekwa ni halali kutokana na kuwapo vijiji vingi vyenye wafugaji, huku taasisi za umma kama shule nazo zikiwa karibu na barabara hiyo.

Safari ya kwenda Sumbawanga ilianza saa mbili asubuhi jijini Mbeya na hatimaye kupita Tunduma saa nne bila hata ya kunywa chai.
 
Lakini mimi nasisitiza matuta yaliyowekwa ni halali kutokana na kuwapo vijiji vingi vyenye wafugaji, huku taasisi za umma kama shule nazo zikiwa karibu na barabara hiyo.

Safari ya kwenda Sumbawanga ilianza saa mbili asubuhi jijini Mbeya na hatimaye kupita Tunduma saa nne bila hata ya kunywa chai.
 
Lakini kilichonisikitisha ni kuona baada ya mwendo wa nusu saa kutokea Tunduma, dereva wa basi aliamua kuliegesha gari lake karibu na kijito kilichopambwa na vichaka pamoja na miti, huku akitoa wito kwa abiria wote wateremke wakachimbe dawa yaani wakajisaidie haja kubwa na ndogo porini.

Kauli hiyo ilinisikitisha kuona kampuni ya mabasi mazuri, ikiwa na wafanyakazi waliovaa sare safi, lakini wanavunja sheria za nchi na kuamua kuchafua mazingira kwa makusudi.
 
Watu wengi walitoka kwenye basi wakiwa na takataka za kila aina na kuzitupa maeneo mbalimbali wakati wengine wakienda haja ndogo na kubwa.

Tabia hii ilishakoma katika mikoa ya Morogoro, Iringa, Mbeya, Njombe, Tanga , Dodoma na hata Arusha, lakini sina hakika kwa mikoa ya Kigoma, Katavi, Tabora, Kagera Mtwara, Lindi Simiyu.
 
Baada ya kulichafua eneo hilo, dereva aliendelea na safari huku akipita katika vijiji vingi vyenye madhari ya kuvutia hadi Sumbawanga mjini.

Kwa kifupi Manispaa ya Sumbawanga inavutia. Barabara katika Manispaa hiyo zinapendeza. Kana kwamba haitoshi, Serikali bado inaendelea kujenga barabara za lami na mifereji ya kutosha.
 
Baada ya kulichafua eneo hilo, dereva aliendelea na safari huku akipita katika vijiji vingi vyenye madhari ya kuvutia hadi Sumbawanga mjini.

Kwa kifupi Manispaa ya Sumbawanga inavutia. Barabara katika Manispaa hiyo zinapendeza. Kana kwamba haitoshi, Serikali bado inaendelea kujenga barabara za lami na mifereji ya kutosha.
 
Mandhari ya manispaa inavutia wawekezaji. Kwa kweli zipo barabara ambazo hata jiji la Mbeya halijawahi kuonja.

Barabara za aina hiyo hazipo Mbeya, labda kama zitajengwa katika kipindi cha awamu ya tano.

Lakini, pamoja na uzuri wa Manispaa ya Sumbawanga, tabia za wenye mabasi kuteremsha abiria kwa ajili ya kuchimba dawa ni fedheha.
 
Hali hiyo niliendelea kuishuhudia pia katika safari ya kurudi Mbeya kutoka Sumbawanga.

Siku ya kurudi niliamua kukata tiketi ya kampuni nyingine ya mabasi nikiamini watazingatia umuhimu wa kutunza mazingira, lakini hali ilikuwa vilevile.

Basi liliondoka saa sita mchana na baada ya mwendo wa saa mbili kabla ya kufika Tunduma, dereva alilisimamisha basi na kuwaamuru abiria kwenda kuchimba dawa kwenye shamba la mahindi.
 
Hali hiyo ilizidi kunichefua kwani ilishapigwa marufuku miaka 10 iliyopita na ndiyo maana katika barabara ya Mbeya hadi Dar es Salaam vituo vya kuchimba dawa ni kwenye hoteli ama vituo vyenye vyoo vya kulipia.

Hivyo wakati umefika kwa wakazi wa Rukwa kuwekeza kwa kujenga vyoo na hoteli katika barabara hiyo ili kuepuka suala la kuchimba dawa porini.
 
You must log in or register to reply here.
Menu
Log in
Register
Cookies are required to use this site. You must accept them to continue using the site. Learn more…