Sevilla inakaribia kumsajili winga wa Uholanzi Quincy Promes, mwenye miaka 26, kutoka Spartak Moscow katika mkataba wa thamani ya Euro milioni 20. (AS)
Mshambuliaji wa Ubelgiji Divock Origi, 23, anatarajiwa kuondoka Liverpool kabla ya muda wa mwisho wa uhamisho Ulaya huku Besiktas ikiwa miongoni mwa vilabu vinavyomuwania mchezaji huyo. (Liverpool Echo)
Rais wa Jamhuri ya Muungano wa Tanzania Dkt. John Pombe Magufuli amewataka viongozi wote nchini kutekeleza majukumu yao kwa kuzingatia sheria sambamba na kuhakikisha wanasimamia ipasavyo matumizi ya rasilimali za umma kwa maslahi ya wananchi.
"Kwa mujibu wa sheria ya Madeni, Dhamana na Misaada Namba 30 ya mwaka 1974 (kama ilivyorekebishwa na sheria namba 9 ya mwaka 2003) kifungu cha 3, 6, 13 na 15, Waziri wa Fedha na Mipango ndiye mwenye mamlaka ya kukopa nje na ndani, kutoa dhamana na kupokea misaada kwa niaba ya Serikali.
Kwa msingi huo, hakuna mtu yoyote mwenye mamlaka ya kukopa, kutoa dhamana na kupokea misaada kwa niaba ya Serikali bila mtu huyo kukasimiwa mamlaka hayo na Waziri wa Fedha kwa mujibu wa sheria hiyo" amesisitiza Rais Magufuli.
Mhe. Rais Magufuli ametoa maagizo hayo leo tarehe 30 Agosti, 2018 katika ukumbi wa Halmashauri ya Wilaya ya Chato mkoani Geita, wakati akizungumza na viongozi na wafanyakazi wa wilaya hiyo, ambapo amesisitiza kuwa viongozi wote wajenge utaratibu wa kusoma sheria na kujiepusha kutumiwa kwa maslahi ya watu binafsi.
Kauli hiyo imekuja leo baada ya siku chache zilizopita, viongozi wawili wa serikali ya Tanzania wamekuwa wakitupiana maneno hadharani. Viongozi hao ni Waziri wa Fedha na Mipango, Dk Phillip Mpango na Mkuu wa Mkoa wa Dar es Salaam Paul Makonda.
Majibizano hayo yamekuwa yakifuatiliwa katika mitandao mbalimbali ya kijamii pamoja na kuchukua sehemu kubwa ya vichwa vya habari katika magazeti, kwa takriban wiki nzima.
Chanzo cha mvutano huo ni kuhusu makontena 20 ya samani zenye thamani ya shilingi bilioni 1.4 ambapo licha kuingizwa nchini kwa jina la Paul Makonda, lakini mkuu huyo wa Mkoa anadai mali ni kwa ajili ya msaada katika shule mbalimbali kwa lengo la kuboresha elimu.
Hata hivyo, Mamlaka ya Mapato nchini Tanzania imelishikia kidedea suala hilo na kumtaka mkuu huyo kulipigia kodi ya kiasi cha shilingi 1.2 bilioni, kwa madai kwamba, kontena hizo, ziko kwa jina la mtu binafsi na zimekaa bandarini kwa zaidi ya siku tisini.
Maswali mengi pia yaliibuka juu ya mzigo huo wa samani baada ya kusambaa mtandaoni kwa barua iliyokuwa ikionesha Paul Makonda kuomba msamaha wa kodi ambao halikuridhiwa mpaka sasa.
Mchambuzi huyo pia ameendelea kusema kuwa asasi za kiraia na taasisi za dini peke yake ndio zina msamaha wa kodi tena kwenye bidhaa ambazo zinahusu afya na elimu lakini vilevile msamaha huo upo kwenye bidhaa ambazo hazizalishwi nchini.