Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Adam Magila, babu wa mtoto Idrissa Ally (13) aliyetekwa kwa mbinu za ‘kimafia’ na mtu asiyejulikana akiwa anacheza na wenzake nyumbani kwao Tegeta Masaiti jijini hapa, amewaomba waliomchukua waeleze wanachokihitaji, badala ya kukaa kimya.

“Ni bora wapige simu kutueleza nini wanahitaji kutoka kwetu ili tuwape. Kama ni fedha tutajichangisha kama familia lakini huu ukimya unatuumiza kwa sababu hatujui huko aliko anakula nini na yupo na watu gani,” alisema Magila kwa masikitiko wakati akizungumza na Mwananchi, Dar es Salaam jana.
 
Idrissa ambaye ni mwanafunzi wa darasa la tano katika Shule ya Msingi Princes Gate, alichukuliwa Septemba 26 saa 11 jioni akiwa eneo la Tegeta Masaiti alipokukuwa akicheza na wenzake.

Mtu aliyemchukua mtoto huyo alimpakia katika gari aina ya Toyota IST lenye rangi ya silver ikiwa ni baada ya kutoa kichupa kidogo kinachodhaniwa ni ‘spray’ na kumpulizia.

Akizungumza kwa upole, Magila alisema suala la mjukuu wake kutekwa limewashtua na limeweka njia panda na hadi sasa hawajui waliomchukua watamwachia lini.
 
Hii ndio mara kwanza kusikia ndugu yetu kupata tatizo kama hili. Sijui hili wimbi limetoka wapi la watoto kutekwa, tupo katika wakati mgumu sana ndio maana familia tumeamua kukutana hapa leo (jana) ili kutiana moyo na kuongeza nguvu ya kumtafuta Idrissa,” Magila akiwa na wazazi wa mtoto huyo na ndugu wengine walipokuwa wakikusanyika kwa ajili ya kujadili suala hilo. Alilishukuru gazeti la Mwananchi kwa namna linavyoendelea kutoa habari ya mjukuu ili aweze kupatikana.

Wazazi wapewa ushauri

Wakati matukio ya kupotea watoto na kutekwa yakishika kasi, wazazi wametakiwa kufanya mambo manane ili kuwalinda watoto wasitekwe.

Mambo wanayopaswa kufanya wazazi ni pamoja na kuhakikisha ulinzi na usalama wa mtoto, kuwasikiliza badala ya kuwafokea, kuwa karibu na walimu na madereva wanaowachukua na kuwarudisha shuleni.
 
Mengine ni jamii, viongozi wa dini na taasisi zisizo za kiserikali kuungana kukemea suala hilo, kutoruhusu mtoto kucheza au kuzoeana na mtu asiyefahamika na familia kwa undani na kuondoa migogoro na wasaidizi wa kazi za nyumbani.

Kamishna wa Ustawi wa Jamii anayeshughulikia masuala ya watoto, Rabikira Mushi alisema jukumu la kwanza la mzazi ni kuhakikisha usalama, ulinzi wa mtoto wake.

Alisema wazazi wanapaswa kutoa elimu kwa watoto, “Mtoto akatazwe kumzoea au kukubali kuongozana na mtu asiyemfahamu.”

Ameitaja mbinu nyingine kuwa ni kuwapa watoto nafasi ya kusikilizwa badala ya kukaripiwa, akisema hicho kinaweza kuwa chanzo cha wao kuingia haraka kwenye mitego ya watu wenye nia ovu.
 
IMG-20181004-WA0022.jpg
 
Wapo watoto wanaotangazwa kupotea kumbe wamejificha kuogopa kupigwa, hivyo wazazi wapunguze ukali usiohitajika,” alisema Mushi.

Mushi alisema wazazi wajenge ukaribu na walimu na madereva wanaowachukua watoto shuleni ikiwamo kuwa na mawasiliano yao, ili inapotokea mtoto haonekani iwe rahisi kumtafuta.

Alifafanua kuwa kwa sasa hakuna anayefahamu ni mtoto wa nani atapotea kwa sababu wimbi limekuwa kubwa, hivyo jamii ina jukumu la kuwafuatilia watoto wa eneo husika kwa kila hatua bila kujali ni wa nani.
 
Jamii ibadilike sasa, ifuatilie nyendo za watoto bila kujali ni wa familia ya nani, kwa sababu hakuna aliye salama tena, ” alisema.

“Huu siyo wakati wa kuwaacha watoto wacheze kiholela, kwa sababu hakuna umri maalumu wa watoto kupotea, wanawachukua wenye umri mdogo.”

Msemaji wa Jeshi la Polisi, Barnabas Mwakalukwa alisema wazazi wana jukumu la kuhakikisha watoto wao wanapokuwa mahali popote wana ulinzi kamili ili wasiingie kwenye mikono ya wahalifu.

“Kwa mfano kuna mtu anacheza na mtoto wako humjui au unamfahamu juujuu, upo na unaangalia, siku akija na kutaka kuondoka naye mtoto hatakataa atakubali akipotea ndiyo inabainika kuwa licha ya kumuona akicheza na mwanao kila siku hufahamu vizuri anaishi wapi,” alisema Mwakalukwa.
 
Mwakalukwa alilitaja jambo lingine ni kuwajali wasaidizi wa kazi.

“Una migogoro na dada wa kazi kila siku, anakudai hutaki kumlipa unadhani atafanya nini kujitetea? Haijulikani atachukua hatua gani, lakini anaweza kuondoka na mtoto kukukomoa, ” alisema Mwakalukwa.

Alisema wazazi wawe karibu na walimu na madereva wa mabasi ya shule ikiwezekana wawe na namba zao ili likitokea jambo lolote iwe rahisi kuwafuatilia.

Aliwataka pia viongozi wa dini na taasisi za kiraia kuhubiri na kupinga ukatili kwa watoto na familia ziepuke tabia ya kuwalaza watoto na wageni wanaofika nyumbani kusalimia.
 
Jambo hili limekuwa linachangia mambo mengi ikiwamo hata kupotea, mgeni kama hana pa kulala akalale nyumba ya wageni, ”alisema.

Alizitaja sababu nyingine za watoto kupotea kuwa ni wanaotaka kwenda kuwalawiti kwa tamaa za kimwili, visasi na utapeli wanaowatorosha kwa nia ya kulipa visasi, wanaotaka kuwatumia kishirikina na wakati mwingine utapeli.

Aliyataja maeneo yaliyokithiri vitendo hivyo kuwa ni Kinondoni.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register