Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

KOCHA wa Manchester United, Jose Mourinho amemshambulia kwa maneno mwamuzi, Mike Dean kuhusu utunzani wa muda wake kwenye mechi ya sare ya 2-2 dhidi ya Chelsea Uwanjani Stamford Bridge.

Man United walipokoswa ushindi wao maarufu nyumbani kwa Chelsea baada ya bao la kusawazisha la dakika 97 lililofungwa na Ross Barkley kuwafanya wenyeji wa mechi hiyo ya Ligi Kuu England kupata pointi moja na kushikilia rekodi yao ya kutopoteza mechi hadi sasa.
 
Mourinho alisema: “Tulikuwa timu bora uwanjani. Kama unasema kabla ya mechi kwamba pointi moja itatosha Stamford Bridge, utaeleweka kwa sababu ni mahali pagumu, lakini kwa mchezo tuliocheza na matokeo haya tuliyopata, ni mabaya sana kwetu na mazuri kwao.

“Tulikuwa mchezoni hasa, tulimiliki kila kitu, tuliwamiliki wakali wao Hazard na Jorginho wote walifichwa. Baada ya kuwa 2-1 tulikuwa na nafasi ya kufunga bao la tatu, ukweli tulikuwa timu bora ndani ya uwanja na tulitulia.
 
Lakini, nadhani kila mwamuzi anapaswa kufanya kama Mike Dean kwa kuongeza dakika sita, sijui zile dakika kazitoa wapi, maana muda wote mechi ilikuwa ikichezwa na hakukuwa na suala la kupoteza muda. Tuliwashika kweli kweli Chelsea, kila mchezaji alifanya majukumu yake na hakika nimekoshwa na wachezaji wangu walichokifanya ndani ya uwanja japo matokeo yamekuwa mabaya kwetu.”
 
CHELSEA kijasho kinawatoka kwa sasa kutokana na kuhaha kumpa mkataba mpya kiungo wao mkata umeme, N’Golo Kante kufuatia Mfaransa huyo kuwekwa kwenye rada za Real Madrid.

Si jambo la kificho, Real Madrid wanahitaji huduma ya Kante wakiamini akitua kwenye timu yao mambo yatakaa sawa. Na katika kufanikisha jambo hilo, wametenga kabisa Pauni 80 milionni za kufanya biashara na Chelsea.
 
Jambo hilo limewatoa Chelsea kwenye usingizi na sasa wanataka kumsainisha mkataba mpya ili isije ikafika Januari akawaacha na kutimkia zake Bernabeu. Hali ya Real Madrid kwa sasa ni mbaya na huenda kwenye dirisha la Januari wakafanya usajili wa fujo kuweka sawa msimu wao.

Kante bado ana miaka mitatu kwenye mkataba wake huko Stamford Bridge ambao unamshuhudia kiungo huyo anayekaba hadi kivuli akilipwa Pauni 150,000 kwa wiki.
 
Mtu mmoja aliyekaribu na Kante alisema kiungo huyo kwa sasa akili yake ni kuitumikia Chelsea ndio maana aligoma kwenda kwenye timu za Paris Saint-Germain na Juventus zilizoonyesha nia na dhamira ya kumsajili, lakini mwenyewe haonekani kama atagoma kuhama Stamford Bridge kama Los Blancos wataleta ofa. Kante amekuwa maarufu kutokana na kazi yake ya kukaba anayofanya ndani ya uwanja na amekuwa hivyo tangu alipokuwa na kikosi cha Leicester City na kukisaidia kubeba ubingwa wa Ligi Kuu England 2016. Alikuwa mchezaji bora wa Chelsea msimu uliofuatia baada ya kuachana na Leicester City. Chelsea wanafahamu pia Real Madrid wanamtaka mchezaji wao mwingine, Eden Hazard, lakini dili hilo haliwezi kufanyika Januari.
 
SUPASTAA, Cristiano Ronaldo kwa sasa anatesa tu na penzi la mrembo, Georgina Rodriguez lakini demu wake mmoja wa zamani ameibuka na kusema yupo tayari kumtetea mwanasoka huyo maarufu kwenye kesi yake ya ubakaji.

Mrembo huyo wa Kihispaniola, Nereida Gallardo alisema kwa msisitizo kwamba Ronaldo sio mbakaji na atakuwa tayari kupanda kizimba cha mahakama kutoa ushahidi wa kumtetea mchezaji huyo.
 
Nereida alisema Ronaldo ni mwanamume safi, mwenye upande na siku zote amekuwa akiwajali wanawake wake.

Alisema: “Ni mwanamume lijali, anayependa na kuthamani. Hakika mara zote alikuwa mtu mwema kwangu. Ndio maana nilishangaa kusikia hizo habari za kubaka.” Nereida, ambaye alikuwa kwenye mapenzi na mwanasoka huyo kwa miezi minane aliongeza: “Cristiano alikuwa akinifanyia vizuri sana kwa muda wote tuliokuwa pamoja. Hajawahi kunishurutisha wala kukaribia kufanya hivyo. Sijawahi kuona akimlazimisha mtu. Na si mtu wa kutumia nguvu anapohitaji mambo ya chumbani.
 
WACHEZAJI mastaa wa Real Madrid wamemwonya rais wa klabu hiyo, Florentino Perez kwamba asithubutu kabisa kumleta, kocha Antonio Conte kwa sababu hawamtaki.

Conte amekuwa akihusishwa na mpango wa kwenda kurithi mikoba ya Julen Lopetegui huko Bernabeu baada ya kibarua cha Mhispaniola huyo kuwa kwenye matatizo makubwa kufuatia Los Blancos kufungwa tena nyumbani na kibonde Levante.
 
Mtaliano Conte, ambaye amekuwa hana kazi tangu alipoachana na Chelsea mwishoni mwa msimu uliopita amekuwa akipewa nafasi kubwa ya kwenda kuchukua mikoba ya kuinoa Real Madrid, lakini kwa taarifa za kutoka kwenye vyumba vya kubadilishia vya klabu hiyo inadai kwamba wachezaji hawamtaki kocha huyo.Cadena SER linaripoti kwamba wachezaji Real Madrid wanapinga mpango huo wa kumchukua, Conte wakisema kwa namna alivyomgumu kwa wachezaji hawaoni kama watafanya naye kazi vizuri. Kwa wakati huo, Florentino amemhakikishia, Lopetegui usalama kwenye kibarua chake licha ya kuchapwa mara tatu katika mechi nne za mwisho.
 
Madrid wameshindwa kupata ushindi katika mechi sita sasa na juzi Jumamosi walifanikiwa kupata bao moja kwenye matokeo ya kipigo cha 2-1, mechi nyingine nne zilizotangulia walikuwa hata kufunga ilikuwa shida.
 
Mshambuliaji nyota na nahodha wa zamani wa Sweden, Zlatan Ibrahimovic amefunga bao na kutengeneza jingine katika ushindi wa Los Angeles Galaxy wa mabao 3-1 dhidi ya Minnesota na kuipeleka timu yake hatua ya mtoano.

Zlatan alifunga bao lake la 22 msimu huu kwa kichwa akiunganisha krosi ya Rolf Feltscher dakika ya 30 kabla ya kupika la tatu lililofungwa na Romain Alessandrini dakika ya 53 wakati Ola Kamara alifunga bao la pili dakika ya 50 baada ya kupewa pasi na Ashley Cole.
 
Ushindi huo umeifanya LA Galaxy kujikatia tiketi ya kucheza mechi ya mtoano ambapo itakipiga na Houston na mshindi kujikatia tiketi ya kucheza hatua inayoafuata ya nusu fainali ya Ligi Kuu Marekani.

Pamoja na kupoteza mchezo huo, lakini Minnesota iliyokuwa ikicheza mechi yake wa mwisho kwenye Uwanja wa TCF Bank, kabla ya kuhamia uwanja mpya msimu ujao, ilivunja rekodi ya mapato baada ya mashabiki 52,242 kuushuhudia mchezo huo.
 
KUMBE hii ishu ipo siriazi aisee. Ishu ya kuhusu mwana wa mfalme wa Saudi Arabia kutaka kuinunua Klabu ya Manchester United.

Unaambiwa hivi, Prince Mohammad bin Salman sasa ameweka sawa mipango na mikakati yote katika kuhakikisha anapata fursa ya kuwa mmiliki wa klabu yenye hadhi kubwa zaidi ya kibiashara duniani.
 
Kwenye mpango huo, mwarabu ametenga mkwanja kiasi cha Pauni 4 bilioni ili kuwashawishi wamiliki wa Man United waweze kumuuzia klabu hiyo.

Bilionea huyo tajiri wa mafuta, anatajwa kuwa na utajiri unaofikia Pauni 850 bilioni, amepanga kukutana na wamiliki wa Man United, wanafamilia, Joel na Avram Glazer huko Mashariki ya Kati wiki chache zijazo. Avram Glazer alipanga kwenda mjini Riyadh kwenye kongamano la kimataifa la wafanyabiashara wakubwa. Avram ni mmiliki mwenza wa Man United na ndugu yake, Joel kwa sasa wameamua kukaa nyumanyuma kufanya biashara hiyo kutoakana na mwana huyo wa mfalme kuwa na matatizo yake binafsi ya kidiplomasia kuhusiana na kifo cha mwaandishi wa habari, Jamal Khashoggi. Hata hivyo, Bin Salman jambo hilo haliwezi kumfanya afute mpango wake wa kuwa mmiliki wa klabu hiyo ya Man United yenye maskani yake Old Trafford, licha ya kwamba familia ya Glazers wanatak amalizane na mambo yake binafsi kwanza kabla ya kuketi mezani kuzungumza biashara.
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register