Mshambuliaji Mbwana Samatta na klabu yake ya Genk wapangwa na Slavia Prague wakati Arsenal akipewa BATE Borisov na Chelsea ikitupwa kwa Malmo katika hatua ya 32 bora ya Europa Ligi.
Samatta aliiongoza Genk kumaliza wakiwa vinara wa kundi lake hivyo mechi hiyo ya mtoano wataanzia ugenini kati ya Februari 14-21, 2019.
Katika msimu huu Samatta amecheza mechi 23 za mashindano yote na kufunga mabao 15, kati hayo magoli matatu amefunga katika Europa Ligi.