Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Klabu ya Arsenal ya Uingereza inafikiria kufikia makubaliano ya kubadilishana mchezaji wake raia wa Ujerumani, Mesut Ozil mwenye umri wa miaka 30 na wao kumchukua kiungo wa klabu ya Real Madrid na timu ya taifa ya Uhispania Isco mwenye umri wa miaka 26. Washika bunduki wa London wako tayari kupokea ofa kutoka kwa klabu nyingine pia (Independent).
 
Klabu ya Manchester United bado haijakutana na kocha wa zamani wa Real Madrid mfaransa Zinedine Zidane kuhusu uwezekano wa kuwa kocha wao mkuu licha ya kuwepo kwa taarifa tofauti kuhusu nia ya klabu hiyo. (Manchester Evening News).
 
Klabu ya Sheffield Wednesday inaelezwa kujiandaa kumpa mkataba wa mwaka mmoja kocha wa zamani wa klabu ya Aston Villa Steve Bruce ili achukue nafasi ya kocha Jos Luhukay ambaye alifutwa kazi Ijumaa ya wiki iliyopita. Sheffield Wednesday inataka kumpa mkataba wa paundi milioni 2. (The Sun).
 
Klabu ya Chelsea ya Uingereza imeripotiwa kuwa inafikiria uwezekano wa kupata saini ya mshambuliaji wa AC Milan na timu ya taifa ya Argentina, Gonzalo Higuain mwenye umri wa miaka 31 kwa kubadilishana na mshambuliaji wa Uhispania Alvaro Morata mwenye umri wa miaka 26. (Sky Sports).
 
Kocha wa klabu ya Chelsea Maurizio Sarri amemuelezea Higuain kama mmoja wa wachezaji bora zaidi duniani kwa sasa. (ESPN).Kocha Sarri pia anaelezwa kuwa asingependa kumtoa kwa mkopo mwezi ujao kiungo wake raia wa Uingereza Ruben Loftus-Cheek mwenye umri wa miaka 22. (Guardian).
 
Kocha wa klabu wa Monaco ya Ufaransa Thierry Henry anataka kumsajili kiungo wa Chelsea Cesc Fabregas ifikapo mwezi Januari. Kiungo huyu wa kimataifa wa Uhispania mwenye umri wa miaka 31 anaelezwa kutokuwa na furaha kutokana na kukosa kucheza mechi nyingi msimu huu. (L'Equipe via Daily Mirror).
 
Kocha wa Fulham Claudio Ranieri anafikiria ifikapo mwezi Januari kupata saini ya beki wa kulia wa Uingereza Danny Simpson, ambaye alicheza chini yake wakati akiwa na timu ya Leicester. Mchezaji huyu mwenye umri wa miaka 31 mkataba waka unatarajiwa kumalizika wakati wa majira ya kiangazi. (Daily Mail).
 
Klabu ya Aston Villa inadai kuridhishwa na tabia ya mchezaji wa zamani wa West Ham na timu ya taifa ya Wales, beki James Collins mwenye umri wa miaka 35 na kuna uwezekano wakamwongeza mkataba wa muda mfupi ikiwa atarejea katika kiwango. (Birmingham Mail).
 
Mshambuliaji wa kimataifa wa Uingereza na klabu ya Crystal Palace Andros Townsend mwenye umri wa miaka 27, amekuwa akiangalia picha za video za mshambuliaji wa Leicester, Jamie Vardy wakati huu anapojaribu nae kucheza nafasi ya mshambuliaji wa kati. (London Evening Standard)
 
Manchester City watalazimika kupambana na vilabu vya Barcelona na Paris St-Germain ili kupata saini ya mchezaji kiungo nyota anayechipukia Frenkie de Jong, 21. De Jong raia wa Uholanzi anayechezea Ajax anakisiwa kuwa na thamani ya pauni milioni 60. (Mirror)
 
Rais wa klabu ya Napoli Aurelio De Laurentiis amesema klabu hiyo haitamuuza mlinzi wake kisiki raia wa Senegal Kalidou Koulibaly, 27, kwenda Manchester United mwezi ujao, lakini wanaweza kukubali dau kwa wakati ujao. (Corriere del Mezzogiorno, via Star)
 
Arsenal wanataka kumuuza mchezaji wao anayepokea mshahara mkubwa zaidi Mesut Ozil, 30, ambaye bado ana mkataba wa kuchezea Washika Bunduki hao wa London mpaka mwaka 2021. Hata hivyo inaweza kuwawia ugumu Arsenal kupata mnunuzi. (Mirror)
 
Back
Top Bottom