Guus Hiddink (Chelsea, mechi 13 pointi 34)
Kocha mkongwe wa Kidachi ambaye alionekana kuwa suluhisho kubwa la matatizo ya Chelsea pindi wanapofukuza makocha wao. Tajiri, Roman Abramovich aliweka imani kubwa juu yake lilipokuja suala la kuokoa jahazi kwa muda.
Mara ya kwanza kuitwa kuokoa jahazi ilikuwa Februari 2009 wakati Abramovich alipomfukuza kocha wa Kibrazil, Luiz Felipe Scolari. Hiddink alijikuta akiifundisha Chelsea huku pia akiendelea na kazi yake ya kuwa kocha mkuu wa Russia.
Aliiwezesha Russia kutinga nusu fainali ya Euro 2008 lakini hapo hapo alikuwa tishio akiwa na Chelsea ambapo alishinda mechi 11 kati ya 13 za Ligi. Vile vile alichukua taji la FA. Desemba 2015 alirudi tena klabuni hapo kuchukua nafasi ya Jose Mourinho ambaye alifukuzwa.
Alicheza mechi 12 bila ya kupoteza. Ilikuwa ni rekodi kwa Ligi Kuu ya England kwa kocha mpya kucheza mechi 12 bila ya kufungwa. Kwa ujumla alikusanya pointi 34 katika mechi 13 kama kocha wa muda. Alipendelea zaidi kuwa kocha wa muda, hakuwahi kutaka kuwa kocha wa kudumu.