Mwili wa mwanamuziki, Golden Jacob ‘Godzilla’ kesho unagwa katika uwanja wa RTD Salasala kabla ya kuzikwa kwenye makaburi ya Kinondoni, Dar es Salaam.
Baba mlezi wa Godzilla, Antoni Kato amesema hapo awali wasanii waliomba aagwe Leaders msanii huyo, lakini jana walikaa ndugu na wasanii na kukubaliana Godzilla ataagwa Salasala na sio Leders.
Kato alisema mazishi ya Godzilla yataanzia nyumbani kwao Salasala na baadae kanisa la Mtakatifu Agustino lililopo Salasala, halafu watarudi katika Uwanja wa RTD Salasala kwa ajili ya kuagwa na watu wote wanakaofanikiwa kufika na baadaye kwenda kuzikwa Makaburi ya Kinondoni saa tisa na nusu
"Tunashukuru tulikaa kikao na kuelewana Godzilla aagwe katika viwanja vya RTD Salasala,baada ya kutoka nyumba na Kanisani,na baadae kwenda kuzikwa Makaburi ya Kinondoni”
Kato alisema sababu ya kuchelewa kuzika ni kutokana na ndugu kumsubiria kaka mkubwa wa Godzilla, Kelvin aliyekuwa anatokea Mwanza.
Godzilla amefariki dunia usiku wa kuamkia Jumatano ya Februari 13 majira ya saa 10 alfajiri nyumbani kwao salasala jijini Dar Es Salaam, baada ya kusumbuliwa na Malaria pamoja na presha.