BEKI wa kati wa Real Madrid, Sergio Ramos ameandika jina lake kwenye rekodi chafu kabisa baada ya kuwa mchezaji aliyeonyeshwa kadi nyingi nyekundu katika historia ya La Liga.
Staa huyo Mhispaniola alitolewa kwa kadi nyekundu juzi Jumapili wakati kikosi chake cha Los Blancos kilipokutana na kipigo cha mabao 2-0 kutoka kwa Girona kwenye mchezo wa La Liga uwanjani Santiago Bernabeu. Ramos alionyeshwa kadi hiyo nyekundu baada ya njano mbili.
Kwa ujumla wake, Ramos ameonyeshwa kadi za njano 146 katika mechi 454 alizocheza kwenye La Liga, hiyo ikiwa ni wa wastani wa kadi moja katika kila baada ya mechi tatu.
Baadaye Ramos alisema alifanya makusudi kuonyeshwa kadi hiyo ya njano dhidi ya Ajax, ili akose mechi ya marudiano, lakini acheze kwenye hatua ya robo fainali. Mechi hiyo ya kwanza, Los Blancos walishinda 2-1.