Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

Ronaldo na chama lake la Juventus leo Jumanne itakuwa na shughuli pevu ya kupindua matokeo ya kipigo cha bao mbili kwenye mechi ya kwanza kutoka kwa Atletico wakati itakapokumbana nao huko Turin kwenye uwanja mwingine wa Allianz Arena. Mechi ya kwanza, Juventus ilipigwa Mbili Bila.
 
Huo usiku wa Jumanne tunafikiria yanayowezekana tu,” alisema Ronaldo. Hii leo kutakuwa na kipute kingine pia, wakati Manchester City itakapokuwa Etihad kukipiga na FC Schalke 04 katika mechi yao ya pili ya raundi ya 16 bora kwenye mtoano wa Ligi Kuu England. Hiyo yote chamtoto, shughuli itakuwa huko Ujerumani, wakati Liverpool itakapokwenda kukabiliana na Bayern Munich.
 
Mechi ya kwanza iliyopigwa Anfield, ngoma ilimalizika kwa sare ya bila kufungana, hivyo kocha Jurgen Klopp atarudi Ujerumani na kikosi chake cha Liverpool kwa shughuli nzito ama kushinda au kupata sare yoyote ya mabao.
 
Hata hivyo, Liverpool haitakwenda kwenye mechi hiyo kinyonge, ikiwategemea washambuliaji wao, Mohamed Salah, Sadio Mane na Roberto Firmino kuhakikisha wanafanya kweli na kurudia mafanikio yao ya msimu uliopita ambapo ilifika fainali na kuchapwa na Real Madrid.
 
Tayari mikikimikiki hiyo ya Ligi ya Mabingwa Ulaya imeshashuhudia vigogo kadhaa wakitupwa nje wakiwamo Real Madrid na Paris Saint-Germain, hivyo leo na kesho itakuwa zamu ya vigogo wengine kutupwa nje na kubaki na orodha ile ya wababe wanane watakaokuwa wametinga katika hatua ya robo fainali.
 
Timu zilizotanguliwa robo fainali hadi sasa ni Manchester United, Tottenham Hotspur, FC Porto na Ajax waliowatupa nje mabingwa watetezi, Los Blancos.
 
Mechi nyingine ya vigogo itakayopigwa kesho ni Barcelona itakaokuwa kwenye uwanja wao wa Nou Camp kuwakaribisha Olympique Lyon, ambao kwenye mechi ya kwanza iliyofanyika Ufaransa wababe hao walitoshana nguvu kwa sare ya bila kufungana, jambo ambalo linawafanya kina Lionel Messi na wenzake wasiruhusu sare yoyote ya mabao kwenye mechi hiyo kama kweli wanataka kutinga robo fainali.
 
Back
Top Bottom