Uzi maalum wa kupeana Likes: Comment chochote upate "Like"

Neymar – (PSG)

Yanasemwa mengi kuhusu hatima ya Mbrazili Neymar huko kwenye kikosi cha Paris Saint-Germain. Kuna taarifa zinazodai kwamba staa huyo huenda akarudi zake Barcelona alikotoka miaka mitatu iliyopita. Lakini, kuna habari nyingine zinazomhusisha mchezaji huyo kuwa kwenye mipango ya kwenda kufanya mapinduzi kwenye kikosi cha Real Madrid. Mengi yanazungumza, lakini Neymar amekuwa kwenye minong’ono mingi ikiwamo ya kuhusishwa pia na Manchester United. Mambo hayo na mengine mengi ndio yanayofanya jina la mchezaji huyo kuhisiwa kwamba litakuwa gumzo sana wakati dirisha lijalo la usajili litakapofungwa hasa ukizingatia kwamba kuna timu nyingi vigogo zitaingia sokoni kusajili wachezaji wenye majina makubwa na viwango vya dunia kama Mbrazili huyo.
 
Staa huyo wa kimataifa wa Denmark anatajwa kurudi kwenye mipango ya Real Madrid akidaiwa huenda akanaswa kwenye dirisha lijalo la msimu hasa baada ya wababe hao wa Bernabeu kumrudisha Zinedine Zidane kwenye benchi la ufundi.
 
Eriksen alikuwa kwenye rada za Zidane katika awamu yake ya kwanza alipokuwa kocha wa Real Madrid kati ya mwaka 2016 na 2018 na ripoti zinadai wababe hao wa Hispania huenda wakapeleka mzigo huko Spurs mwishoni mwa msimu huu kupata saini ya mchezaji huyo.
 
Licha ya kwamba kiungo huyo kuripotiwa kukataa ofa tatu za kuongeza mkataba mpya Spurs na kufanya mkataba wake wa sasa kubakiza miezi 15 tu kabla ya kufika tamati, Spurs bado inaamini mchezaji huyo ana thamani ya Pauni 200 milioni.
 
Kwa maana hiyo, Real Madrid sasa itabidi ilipe pesa inayozidi ile Pauni 198 milioni iliyolipwa na Paris Saint-Germain kupata saini ya Neymar kutoka Barcelona, Agosti 2017.

Barcelona nayo imeonyesha dhamira ya kumtaka Eriksen, lakini zao hilo la kutoka kwenye akademia ya Ajax litakachofikiria ni kwenda zake Real Madrid tu.
 
Cookies are required to use this site. You must accept them to continue using the site. Learn more…