Uzi maalum wa kupeana Likes: Comment chochote upate "Like"

Uzi maalum wa kupeana Likes: Comment chochote upate "Like"

WAKATI huu wa dirisha la uhamisho likiendelea huwa kuna mambo mengi ya ajabu ambayo yamekuwa yakiendelea nyuma ya pazia.

Unafahamu kwamba kuna wachezaji ambao wananunuliwa kwa ajili ya kuwapa kampani ndugu zao? Hawa hapa
 
Jonathan Benteke

Mdogo wa staa wa kimataifa wa Ubelgiji, Christian Benteke. Baada ya Benteke mkubwa kununuliwa kwa dau la pauni 32 milioni na Crystal Palace, ambalo lilikuwa dau la rekodi, Palace waliamua kumchukua na mdogo wake Jonathan ambaye ndiye kwanza mkataba wake ulikuwa umechanwa na klabu ya S.V. Zulte Waregem ya Ubelgiji.
 
Hata hivyo, Jonathan alishindwa kuonyesha makeke yoyote Palace na ilionekana wazi kwamba alikuwa amechukuliwa kwa ajili ya kumpa kampani kaka yake. Alicheza mechi 17 msimu wa 2015/16 huku mechi 16 akitokea benchi.
 
Julio Santa Cruz

Roque Santa Cruz aliwasili katika klabu ya Blackburn mwaka 2007 baada ya kuichezea Bayern Munich miaka nane. Katika msimu wake wa kwanza tu alitisha baada ya kufunga mabao 19 ya Ligi Kuu ya England. Kutokana na kutisha huko, Blackburn waliamua kumchukua mdogo wake, Julio Santa Cruz kwa ajili ya kumpa kampani kaka yake.
 
Hata hivyo, hakuonyesha makali yoyote. Hakuweza kucheza mechi yoyote katika kikosi cha kwanza cha Blackburn na badala yake alicheza timu ya akiba. Baaadaye akarudi kwao Paraguay kukipiga katika klabu ya Deportivo Capiata huku kaka yake akinunuliwa na Manchester City kwa pesa nyingi mwaka 2009.
 
Antonio Donnarumma

Milan inaonekana kupiga bao kwa kuwa na kipa Gianluigi Donnarumma. Wakati fulani alionekana kama anataka kuondoka kabla ya kusaini mkataba mwingine wa miaka minne. Kabla ya hapo, AC Milan ilikuwa na kipa kaka yake, Antonio Donnadoruma ambaye awali aliruhusiwa kuondoka klabuni hapo mwaka 2012 baada ya kushindwa kuwashawishi mabosi kuhusu uwezo wake. Akatimkia katika klabu ya Asteras Tripolis ya Ugiriki na kuonyesha uwezo mkubwa. Sasa hivi amerudishwa tena kikosini hapo.
 
Chedric Seedorf

Inavyoonekana moja kati ya sharti ambalo Inter Milan walipewa wakati wanamsajili kiungo wa kimataifa wa Uholanzi, Clarence Seedorf ilikuwa pia kumsaini mdogo wake, Chedric. Awali Chedric alikuwa na yeye anacheza timu ya vijana ya Real Madrid huku kaka yake akitamba na kikosi cha wakubwa.
 
Baadaye akaamua kufuata njia yake kwa kwenda Uholanzi na Italia. Alicheza katika klabu za NAC, Legnano, Pizzighettone, Oostende na Cambuur Leeuwarden. Ghafla Inter Milan wakampigia simu na kudai wanamtaka. Kwa asilimia nyingi ilitokana na sharti la kaka yake wakacheze wote.
 
Fabio da Silva

Wakati United ikihaha kumsajili pacha Raphael da Silva kutoka Fluminense mwaka 2007 inaonekana walikumbana na mtihani huu wa ama kuwasajili wote au kuwakosa wote. Mapacha hawa walitua wote Old Trafford ambapo Raphael alicheza mechi 170 kabla ya kuhamia Lyon ya Ufaransa mwaka 2015.
 
Wakati huo huo, Fabio aliichezea United mechi 56 tu. Baadaye Fabio akapelekwa kwa mkopo QPR mwaka 2012 kabla ya kuuzwa jumla kwenda Cardiff mwaka 2014. Kwa sasa anacheza Middlesbrough inayohaha kurudi Ligi Kuu.
 
Digao

Kiungo mahiri wa Brazil nyakati hizo, Kaka alinunuliwa na AC Milan kutoka Sao Paulo ya Brazil mwaka 2003 na mwaka mmoja baadaye Milan walilazimika kumchukua mdogo wake, Digao kwa kile kilichoonekana kumpa kampani Kaka.
 
Kama ni kwa kuamini kwamba Digao alikuwa na kipaji au vinginevyo, lakini lengo kubwa la Milan lilikuwa kumtuliza Kaka. Hata hivyo, Digao hakuonyesha kipaji chochote akiwa kama mlinzi wa kati na aliichezea AC Milan mechi moja tu.
 
Baada ya kuzurura kwa mikopo katika klabu mbalimbali za Italia, Ubelgiji pamoja na Ureno hatimaye alitua New York Red Bulls ya Marekani mwaka 2012, lakini akaishia kucheza mechi moja tu. Digao alistaafu soka mwaka 2013 akiwa na miaka 27 tu.
 
Thorgan Hazard

Chelsea walionekana kupania kumnasa saini ya Eden Hazard, staa wa kimataifa wa Ubelgiji katika dirisha kubwa la majira ya joto mwaka 2012. Baada ya kufanikiwa kuinasa saini ya Hazard wakaamua pia kumtuliza kwa kumnunua mdogo wake, Thorgan Hazard. Wakati Hazard alionekana kutesa sana uwanjani, Thorgan hakuweza kucheza mechi hata moja.
 
Baadaye Chelsea waliamua kumtoa kwa mkopo kwa kumpeleka katika klabu ya Zulte Waregem ya kwao Ubelgiji kisha ikampeleka kwa mkopo katika klabu ya Borussia Monchengladbach, ambayo aliifanyia mambo makubwa na baadaye ikaamua kumchukua jumla katika dirisha kubwa la majira ya joto mwaka 2015 ikimnunua kwa dau la Euro 8 milioni.
 
Mwenyewe alikaririwa akisema “Kabla sijaenda Ubelgiji kwa mkopo nilikuwa naonekana kama tu mdogo wa Eden. Ubelgiji nilionyesha uwezo wangu mwenyewe. Baadaye hawakusema kama nilikuwa mdogo wa Eden,” kwa sasa amenunuliwa na Borussia Dortmund baada ya kutesa sana Ujerumani.
 
Paolo Cannavaro

Kwa Paolo Cannavaro kuishi katika kivuli cha kaka yake, Fabio ambaye alitwaa Kombe la Dunia mwaka 2006 na kuwa mchezaji bora wa dunia yalikuwa maisha magumu. Hata hivyo, Paolo aliwahi kucheza na kaka yake Fabio katika klabu ya Parma licha ya kwamba alikuwa amenunuliwa kutoka Napoli mwaka 1999 akiwa ameichezea timu hiyo mechi mbili tu.
 
Wakati Fabio baadaye alizidi kuwa jina kubwa na kwenda klabu kubwa kama Inter, Juventus, Real Madrid na kuwa shujaa wa taifa, Paolo alinasa tu katika klabu ya Parma na kucheza mechi 128 huku akiwa nahodha wao katika mechi ya nusu fainali kombe la Europa mwaka 2005. Baadaye alikwenda Sassuolo. Hakuwahi kufikia uwezo wa kaka yake.
 
1147821
 
Back
Top Bottom