Mtu aliyekuwa akihusika na usajili kwenye kikosi hicho cha The Gunners, Dick Law, alifunga na kusema winga hiyo pamoja na kipa Thibaut Courtois miongoni mwa orodha ya wachezaji wa viwango vya dunia ambao Arsenal ilishindwa kuwasajili kwa sababu tofauti tofauti, lakini kubwa ubahili.
Huko nyuma, Arsenal iliwahi kuripotiwa kwamba kuwakosa mastaa wa maana kama Zlatan Ibrahimovic na Cristiano Ronaldo kizembe katika kipindi ambacho kocha wa timu hiyo alikuwa Mfaransa, Wenger.
Kuhusu Ronaldo alikwenda hadi kufanya mazoezi kwenye timu hiyo wakati huo akiwa na umri wa miaka 18. Kwa mujibu wa Law, shida kubwa kwenye klabu hiyo ilikuwa ukosefu wa pesa, hivyo walijikuta wakizidiwa na wapinzani kwenye dili za kuwanasa wachezaji hao.
Mtu huyo alikuwa akisimamia usajili kuanzia mwaka 2005 hadi 2018 alisema: “Ilikuwa ngumu sana.
Sisi hatukuwa na uwezo wa aina hiyo kwa sababu tuliogopa kukosea, kwa sababu Pauni 10 milioni au Pauni 20 milioni inapopatikana kwenye klabu ni hasara.
Law alisema waling'ata meno kwa Thibaut Courtois na kufahamu kwamba ni kipa mzuri, lakini shida ilikuwa kwenye mkwanja.
Mkuu wa maskauti Steve Rowley na mkurugenzi mtendaji mkuu Ivan Gazidis ndio waliokuwa watoa uamuzi wakubwa sambamba na Wenger kwenye suala la usajili wa mchezaji. Na hapo Law alisema mapendekezo yake ya kusajiliwa wakali hao yalikosa nguvu kama mabosi hao watatu watakuwa wameweka 'no'.
Pesa si kwamba haikuwapo, shida tulikuwa tunaogopa kujaribu. Kutumia pesa nyingi kwa mchezaji mmoja kisha asicheze vizuri, tuliogopa hiyo hasana. Tulikosa vipaji vingi sana. Nakumbuka tulivyokaa na Steve, Ivan na Arsene kumjadili Thibaut Courtois. Hata Eden Hazard pia, lakini hatukuwasajili.”
Wachezaji wengine mastaa wa nguvu ambao Arsenal imewakosa ni Lionel Messi na Gerard Pique, ambao Wenger alipewa ofa ya kuwachukua kutoka Barcelona, lakini akamchukua Cesc Fabregas,
huku mastaa wengine ni Gareth Bale wakati huo yupo Southampton, lakini Wenger akamsajili Theo Walcott huku alishindwa kutoa Pauni 12 milioni tu kumnasa Virgil van Dijk kipindi hicho alipokuwa Celtic.
Nyota wengine ni Kylian Mbappe, Paul Pogba, N'Golo Kante na Raphael Verane, ambao wanatengeneza kikosi hicho matata kabisa, kingekuwa kinabeba mataji kila msimu, hata Ligi ya Mabingwa Ulaya, taji ambalo Arsenal inalisikia tu kwa wenzao.
Hivi leo wanawake wamekuwa mstari wa mbele katika kuwahi na kufanyia kazi fursa mbalimbali. Fursa hizo ni pamoja na uwekezaji katika biashara ndogo na za kati.
Ni dhahiri kuwa mama ndiye nayeumia zaidi pale familia inapokuwa na uchumi mbaya. Mama hapendi kuona watoto wanakosa mahitaji yao ya msingi kama vile chakula, mavazi, elimu, matibabu n.k.
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.