Uhondo wa Ligi Kuu England umerudi kwa kishindo mwishoni mwa wiki kwa kushuhudia Manchester United, Liverpool na Manchester City zikigawa dozi nzito katika mechi za ufunguzi.
Liverpool ilicheza mechi ya kwanza Ijumaa na kushinda 4-1 dhidi ya Norwich City, wakati Mabingwa watetezi Manchester City ikishinda 5-0 dhidi West Ham, Arsenal ilipata ushindi mwembamba wa bao 1-0 dhidi ya Newcastle United huku Manchester United ikifunga pazi la ufunguzi kwa kuichapa Chelsea kwa mabao 4-0.
Inaonekana wazi tayari, Chelsea wameanza ligi vibaya kipigo cha aibu ya 4-0 mikononi mwa Manchester United, huku pengo la nyota wao Eden Hazard likijionyesha wazi katika mchezo huo.
Mbali ya ushambuliaji bado safu ya ulinzi ya Chelsea imepata pigo lingine baada ya kuondoka kwa beki David Luiz aliyejiunga na Arsenal, jambo lililochangua kwa sehemu moja kipigo cha mabao 4-0 kutoka kwa Man United.
Kwa hali hii kocha wa Chelsea, Frank Lampard atakuwa na wakati mgumu na kikosi hicho maana ukiangalia timu nzima haina mawasiliano wanacheza kama timu nzima ni wageni.
Hatimaye Manchester United wamepata mfumo wa kushinda
Wakati Jumapili ilikuwa siku mbaya kwa Chelsea, hali ni tofauti kwa Manchester United. Mashetani wekundu walitekeleza mpango wao wa mchezo kuwa kamili kwa shambulio la nguvu la kuiteketeza The blues.
Pamoja na mshambuliaji Romelu Lukaku kuondoka pengo lake halikuoneka baada ya washambuliaji Anthony Martial na Marcus Rashford kuonyesha kiwango cha juu katika mechi hiyo ya kwanza.
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.