Kwa kutambua kuwa kuajiri kwa njia ya mtandao ni njia nzuri ya kupunguza gharama za uendeshaji wa kampuni pamoja na kupata mtu mwenye sifa stahiki kwa kazi husika, basi fahamu mambo matano ya kuzingatia kabla ya kuajiri mtu kupitia mtandao.
Kuna wafanyakazi wengi kwenye mtandao wa intaneti, lakini siyo wote ni bora au wana maarifa stahiki. Ni muhimu sana kufanya utafiti wa kina juu ya maarifa unayoyahitaji kutoka kwa mtu unayetaka kumwajiri.
Kufanya kazi kwenye mtandao kunahitaji vifaa stahiki na bora kama vile kompyuta, mtandao wenye kasi nzuri, simu, n.k. Hivyo ni muhimu kuhakikisha kuwa mtu unayetaka kumwajiri anavifaa vyote vinavyohitajika kwenye kazi yako.
Mawasiliano ndiyo msingi mkuu wa kufanya kazi na mtu yeyote kwenye mtandao. Hakikisha lugha unayoielewa inaeleweka pia kwa mtu unayemwajiri, usiajiri mtu ambaye hamuwezi kuwasiliana vyema.
Mifumo ya kufanya kazi kwenye mtandao huwa inaonyesha wafanyakazi bora zaidi kutokana na mrejesho wa waajiri wa awali. Hivyo ni muhimu kufuatilia mrejesho (reviews and responses) wa awali wa waajiri wengine juu ya ubora wa utendaji kazi wa mtu unayemwajiri.
Hata hivyo, unaweza kuajiri mtu yoyote kwa kuzingatia tu uchunguzi wa kina bila kutegemea sana mrejesho wa waajiri wa awali kwani wakati mwingine unaweza usiwe halisi.