Pamoja na sababu kuwa suala hili linatokana na ukosefu wa elimu sahihi juu ya masuala ya ujenzi; ramani mbaya huwagharimu watu wengi fedha nyingi na mwishowe haziwapi nyumba walizozihitaji.
Kwa mfano; ramani za nyumba za Ulaya (Hasa maeneo ya baridi) huwezi kuzijenga kwenye maeneo ya Afrika yenye joto. Inaweza kuwa ni ramani nzuri sana lakini ikawa na vitu vingi vinavyoongeza gharama zisizokuwa za msingi. Vivyo hivyo ramani ya rafiki yako inaweza isiwe bora kwako.
Kukurupuka na kuanza kufanya jambo ni suala baya sana. Utafiti katika suala la ujenzi ni jambo muhimu sana litakalokuwezesha kupunguza gharama za ujenzi kwa kiasi kikubwa.
Ukitafiti kwa kina masuala tajwa hapo juu pamoja na mengine yanayohusiana nayo, kwa hakika utapunguza gharama za ujenzi ambazo zingepotea kutokana na kutokuwa na uelewa sahihi.
Kutokana na maendeleo ya sayansi na teknolojia katika sekta ya ujenzi, kumekuwepo na vifaa pamoja na malighafi mbalimbali ambazo zinarahisisha ujenzi, zinaokoa gharama za ujenzi pamoja na kulinda mazingira.
Orodha ya wachezaji watano wanaotajwa kwamba kwa vyovyote vile watakuwa kwenye rada za Mreno huyo ni Paul Dybala, Bruno Fernandez, Kalidou Koulibaly, Gareth Bale na Nathan Ake.
Hivi leo zipo mbao maalumu, matofali au hata vifaa vya jamii ya vigae ambavyo vinaokoa gharama za ujenzi maradufu kuliko vifaa vya kawaida. Ikiwa utajikita kutumia vifaa hivi basi utaweza kupunguza gharama zisizo za lazima kwenye ujenzi.
Niimeona watu wakijenga nyumba kwa simu na kuishia kupata hasara kubwa. Fundi anakuambia leta mifuko 10 ya saruji kumbe ni minne tu inahitajika; fundi anakuambia ametumia kitu fulani kumbe ametumia kilicho dhaifu ili apate pesa yake ya mfukoni.
Ni wazi kuwa majira kama vile ya mvua nyingi siyo rafiki kwa ujenzi; hii ni kutokana na sababu ya changamoto za usafirishaji wa malighafi za ujenzi pamoja na changamoto ya mafundi kutokuweza kufanya kazi wakati mvua ikinyesha.
Suala hili linaweza kutengeneza gharama za ziada ambazo hazikutarajiwa kama vile kuongezeka kwa gharama za usafirishaji pamoja na ununuzi wa vifaa kama vile turubai; gharama ambazo zingeweza kuepukwa ikiwa msimu wa ujenzi ungechaguliwa vyema.
Hivi leo kuna mafundi wengi, lakini si wote ni mafundi bora. Kwa ajili ya kwenda kwa mazoea au kutokana na kukosa uelewa, watu wengi wamejikuta wakitumia mafundi ambao huwasababishia gharama kubwa za ujenzi.