Uzi maalum wa kupeana Likes: Comment chochote upate "Like"

Kwa kuhudhuriya mazungumzo ya Uhuru huko London, Hizbu ilitengeneza mipango maalum ili baadhi ya waongozi wa Chama nawo wawepo huko London wakati wa mazungumzo hayo ya Uhuru. Miongoni mwa waliokuwepo huko ni Babu akiwa ndiye Katibu Mtendaji wa Chama, Suleiman Malik na mimi Aman Thani tukiwa ndio wenye dhamana ya Ofisi ya ZNP iliyokuwepo Cairo wakati huo.
 
Pia walikuwepo huko London, Bwana Ali Sultan Issa, Sheikh AbdulRazak Mussa (Kwacha) na Bwana Ali Mahfoudh akiwa ndiye aliyekuwa na dhamana ya Ofisi ya ZNP Cuba na Bwana Salim Said Rasdhid Mauly ambaye ndiye aliyekuwa na dhamana ya Ofisi ya ZNP hapo London. Kwa ajili ya matengenezo fulani fulani, ujumbe huo ulitangulia kufika Uingereza kabla ya kufika Mawaziri. Waziri aliyefika mbele kabla ya wenziwe, alikuwa Dr. Ahmed AbdulRahman Idarus Baalawy.
 
Siku moja kabla ya kufika Mawaziri wengine, Babu alitaka tukutane kwa kuzingatia mambo muhimu ya kazi zetu. Katika kuendelea na mkutano huo, Babu alieleza kuwa amepata khabari za kuaminika kuwa nyumbani Zanzibar kumeasisiwa Kamati ya watu 14. Kazi ya Kamati hiyo ni kumpa nasaha Sheikh Ali Muhsin katika uwongozi khasa katika wakati kama huu wa kukaribia kupatikana kwa Uhuru wa nchi. Aliendelea kueleza Babu kuwa, "Kamati hiyo inamtaka Sheikh Ali Muhsin ajaribu kama awezavyo kutafuta njia zitazowezesha kuwaepuka baadhi ya waongozi wa Hizbu, mimi (Babu) nikiwa ni mmoja na kila wanaye muona kuwa anazo fikra za kimaendeleo, yaani hata wewe Dr. Idarus umo katika hao wenye kutakiwa waepukwe".
 
Maneno hayo ya Babu yalitushangaza na kutusitusha baadhi yetu, ama wengine kati yetu walikuwa tokea mwanzo wanayajuwa. Baada ya kuyazungumza kwa urefu maneno hayo tulikubaliana tuyaakhirishe mazungumzo hayo mpaka baada ya mazungumzo ya mkutano wa Uhuru, baada ya hapo tutakaa na Sheikh Ali Muhsin pamoja na Mawaziri wote tuyazungumze.

Babu aliwafiki rai hii. Baada ya kumalizika kwa mkutano, baadhi yetu tulimkumbusha Babu kukhusu kukutana na Sheikh Ali Muhsin pamoja na Mawaziri wengine juu ya masala aliyoyaeleza kabla ya mkutano wa Uhuru. Kukhusu suala hili Babu alijitia pambani za mtonga.

Aliingia huku akatokea kule na mwisho aliondoka na kurejea Zanzibar kwa kukimbilia kuhudhuria mahakamani kutokana na kushitakiwa na Serikali ya kikoloni kukhusu makala aliyoyaandika katika gazeti lake (la binafsi) la ZANEWS, bila ya kufanya huo mkutano.
 
Miongoni mwetu tulizidi kupunguwa imani juu ya dhamiri za Babu juu ya nchi. Tokeo la pili la mipango ya makomredi ya kutaka kuleta mgawanyiko katika chama, lilifanyika wakati ambao Babu alikuwa kafungwa gerezani. Wakati huo makomredi walikuwa wakipita mitaani, vichochoroni na mabarazani kutangaza propaganda zao kuwa waongozi wa Serikali ya ZNP/ZPPP khasa Sheikh Mohammed Shamte na Sheikh Ali Muhsin walishirikiana na wakoloni kumfungisha Babu. Walikitangaza hayo, wakiamini kuwa umma wa Hizbu ýutasadiki udanganyifu wao na kuwaona waongozi wao wa Hizbu kuwa ni wenye nia mbaya na si wakweli.
 
Ikiwa hali ndivyo hivyo, umma wa Hizbu utawaamini na kuonekana wao makomredi kuwa ndiwo wenye kufaa kuongoza. Walijitahidi kuitapakaza sumu hiyo Unguja na Pemba, mjini na mashamba kwa kila njia na hila. Lakini umma wa Hizbu na ZPPP haukuwa rakhisi kusadiki maneno ya sio kuwa na msingi wala ushahidi, kama hayo. Umma daima ulikuwa ukisikiliza na kuzingatia maneno na khabari zisemwazo mitaani na nyenginezo. Ulikuwa ukitumilia matawi ya chama kwa mashauriano, wakitoa rai, wakizijadili wenyewe kwa wenyewe na kuzipeleka mbele katika uwongzi wa chama. Haukuwa Umma hewalla bwana. "Ulikuwa ukiambiwa ukijiambiya"
 
Kanyerere kalikuwa kajanja sana [emoji16][emoji16][emoji16]
 
Hizi nyuzi nmezifatilia,mbona ni brah brah tu,nafikilia walikuwa wamelenga kukumbusha kuwa Ukimwi upo na tarehe ya maadhimisho ni leo
 
Lakini, waswahili husema hivi, mwenzako akinyolewa tia maji.
Kwa wiki za karibuni, makocha hao watatu kutoka kwenye zile klabu za Big Six kwenye Ligi Kuu England, wote walitajwa kuwa kwenye hali ngumu ya kuviweka vibarua vyao salama kutokana na matokeo ya hovyo ndani ya uwanja.
 
Cookies are required to use this site. You must accept them to continue using the site. Learn more…