Zifuatazo ni tabia ambazo watu wenye mafanikio wanazo;
1. Kuweka malengo.
Watu wenye mafanikio wanaongozwa kwa malengo na mipango, watu hawa wana malengo ya muda mfupi na ya muda mrefu na kila siku wanafanyia kazi malengo yao.
Watu waliofanikiwa wana tabia ya kujifunza kila siku. Huangalia njia za kuongeza maarifa yao, hujisomea na kuhudhuria semina mbalimbali zinazowafanya kuwa bora zaidi.
Watu wenye mafanikio ni watu wa kujali vitendo zaidi kuliko maneno. Ni watu ambao wakishasema wanafanya jambo fulani basi wanalifanya mara moja na sio kuvuta muda mpaka kusahau wanachotaka kufanya.
Watu wenye mafanikio ni watu ambao wana mtizamo chanya juu yao binafsi na hata kuhusu maisha. Wanaamini wanaweza kufanya kile wanachotaka kufanya na hii huwafanya wafanikiwe zaidi.
Watu wenye mafanikio ni watu ambao huwa wanaweka akiba katika kila kipato wanachopata. Watu hawa huweka akiba kwanza na ndio kufanya matumizi. Wanaweka akiba asilimia 10 mpaka 20 ya kipato chao.