Maguire hakuwepo kwenye mchezo wa Kombe la FA dhidi ya Derby County ya Wayne Rooney juzi Alhamisi, huku Wan-Bissaka ikielezwa kuwa alipata maumivu kwenye mechi dhidi ya Everton ambayo iliisha kwa sare ya bao 1-1.
Kwa upande wake Guardiola kikosi chake kinaonekana kiko kamili kumkabili Solskjaer huku ikiwategemea zaidi nyota wake, Kelvin De Bryune, Kun Aguero, David Silva na Bernado ambao wamekuwa kwenye kiwango kizuri kwa sasa.
Man City na Man United zinakutana ikiwa ni mara ya nne kwa msimu huu na mara ya mwisho zilikutana kwenye mchezo wa Kombe la Ligi ambapo, United ilishinda kwa bao 1-0.
Hata hivyo, ilisukumwa nje ya michuano hiyo kutokana na kukubali kipigo cha mabao 3-1 kwenye mchezo wa awali uliopigwa Old Trafford.
Kwenye kipute kingine ambacho kitapigwa leo Jumapili, Frank Lampard atakutana uso kwa uso na kocha wake wa zamani.
Ndio, Chelsea itaikaribisha Everton inayonolewa na Carlo Ancelotti, ambaye alikuwa kocha wa Chelsea akimfundisha Lampard.
Ancelotti aliinoa Chelsea kabla ya kufutwa kazi na Roman Abramovich na alimfanya Lampard kuwa mmoja wa mastaa wake muhimu.
Lampard tangu amepewa kibarua cha kuinoa Chelsea amekuwa na matokeo mazuri na juzi ametoka kumchapa kocha wake wa zamani, Jose Mourinho ambaye anainoa Tottenham Hotspurs walipokutana kwenye mechi ya Ligi Kuu England.
Hivyo, Ancelotti ambaye mechi yake ya mwisho alikutana na Man United na matokeo kuwa sare ya baoa 1-1, ataingiza vijana wake Darajani akiwa na tahadhari kubwa.
UKISIKIA kuviziana ndiyo huku. Wakati Real Madrid ikitaka kutumia uhusiano mbovu kati ya Paris Saint Germain na Kylian Mbappe kumnasa straika huyo, PSG imeamua kutumia nguvu ya pesa kumbakiza.
Picha kamil liko hivi, Real Madrid imekaa pembeni inaangalia tu jinsi uhusiano wa Mbappe na PSG unavyozidi kuwa mbovu na inaamini kupitia bifu za chinichini zilizopo kati ya pande hizo mbili itaweza kumnasa Mfaransa huyo.
Lakini PSG inaonekana kushtukia mchezo na sasa inataka kutumia pesa kumaliza tafauti zake na Mbappe kwa kumpa mkataba mnono wa muda mrefu ili kuikata maini kabisa miamba hiyo ya Santiago Bernabeu
Kwa kipindi kirefu Madrid imekuwa ikifukuzia saini ya Mbappe bila mafanikio, lakini ugomvi kati ya Mbappe na Kocha Thomas Tuchel uliwaaminisha kuwa wanaweza kufanikiwa kumnasa kinda huyo mwenye mkataba Parc des Princes hadi Juni 2022.
STAA wa Real Madrid, Vinicius Junior amefunguka sababu za beki wa kati wa Barcelona, Gerard Pique kumuita chizi wakati wa pambano la El Clasico ambalo lilizikutanisha timu hizo kubwa Hispania na Madridi kushinda 2-0.
Wawili hao walionekana kutupiana maneno baada ya Vinicius kudai kuwa alifanyiwa faulo kwenye eneo la hatari lakini mwamuzi hakupiga filimbi kuashiria ilikuwa penalty.
Vinicius alisema “Pique aliniambia ‘sikukugusa, sikukugusa’, lakini nilidhani kuwa alinichezea madhambi, lakini nilipoangalia picha za video kwenye YouTube niligundua kuwa ni Arthur, ndiye alinifanyia madhambi”
Kinda huyo anadai kuwa hiyo ndiyo ilikuwa sababu kubwa ya Pique kumuita chizi, kwa sababu alimshangaa kwa nini anamsingizia kuwa kamfanyia faulo wakati kiuhalisia ni mchezaji mwingine ndiye aliyemkwaa.
JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.