Aaaaah!!!
Baada ya kuona mpinzani wake ameonesha mafanikio makubwa ya kuushangaza ulimwengu, Marekani akajawa na hasira iliyoambatana na wivu. Akataka 'kujibu mapigo'. Hatimaye tarehe 6 disemba 1957 akaandaa roketi iliyoitwa 'Vanguard TV3' kwa ajili ya kurusha satelaiti kwenye obiti.
Bahati mbaya akashindwa, baada ya chombo hiko kulipuka hata kabla ya kuruka mbali. Marekani hakukata tamaa, mwezi mmoja baadae yaani tarehe 31 januari 1958, akafanikiwa kurusha satelaiti iliyojulikana kama 'Explorer 1'. Miezi miwili baadae, marekani ikarusha tena satelaiti kwenye orbit, satelaiti hiyo inajulikana kama 'Vanguard 1'.
Duu!..Sasa hadi hapo tunaona ushindani kati ya urusi na marekani ukawa ni 'ngoma droo', kwakua wote walikuwa wameshatoshana uwezo.
Ndipo sasa Marekani ikaanza kufikiria ifanye nini ili dunia nzima ijue kwamba yeye ndio 'gwiji' wa maswala ya haya anga. Ndipo akaja na mpango alioupa jina la 'PROJECT A199'. Lengo la mpango huu likiwa ni kudondosha bomu la nyuklia katika mwezi ili mlipuko wake uweze kuonekana hadi huku duniani. Na hatimaye watu wote tuweze kushuhudia jinsi mwezi unavyowaka moto.
Kwa kufanya Hivyo, Marekani iliamini kuwa itatengeneza heshima duniani kote, hasa kwa wale mahasimu wake, Urusi. Ndipo jopo la wataalamu takribani kumi wakiongozwa na Leonard Reiffel, walikutana mjini Chicago katika chuo cha 'Illinois Institute of Technology' kujadili mustakabali wa bomu hilo wanalotarajia kulilipua mwezini.