Uzi maalum wa kupeana Likes: Comment chochote upate "Like"

[Numbisa]

Hatua hiyo ambayo imeungwa mkono na Polisi na hata klabu inalenga kuhakikisha hali ya utulivu inarejea kama zamani kwani, mashabiki hao wamesahau kama kuna janga la corona na maelekezo ya wataalamu wa afya ni lazima wafuatwe.

 

[Numbisa]

Polisi wa Merseyside na Meya wa Jiji hilo, Joe Anderson, kwa nyakati tofauti wamekemea vitendo vinavyoendelea kwa mashabiki hao kwamba, vinakiuka tahadhari za kuzuia kusambaa kwa virusi vya corona.

 

[Numbisa]

Taarifa ya pamoja ya Polisi, klabu na Ofisi ya Meya, imesema kuwa vitendo vya makundi ya mashabiki hao kukusanyika eneo la Pier Head katikati ya jiji hilo, kushangilia ubingwa huo havikubaliki kwa wakati huu.

 

[Numbisa]

Taarifa hiyo imeeleza kwamba, kuna hofu kuwa mashabiki hao wanaweza kusambaa nje ya Anfield wakati chama lao linapokuwa uwanjani kutokana na mzuka walionao kwa sasa.

 

[Numbisa]

Kwa maana hiyo, mamlaka hizo zinakusudia kufuta kwa muda leseni ya matumizi ya Anfield kwa sababu za kiusalama kama mashabiki hao hawatakoma kushangilia kwa kuandamana mitaani.

 

[Numbisa]

Liverpool bado wana mechi saba mkononi na kati ya hizo tatu itakipiga kwenye dimba la nyumbani, Anfield ikiwemo ile ya Aston Villa, Burnley na Chelsea ambao waliwapa taji kwa kuwachapa Man City.

 

[mzee wa liver]

Yaan ht mm kanifikirisha sana.
Kwamba Mungu ashtakiwe[emoji848].
Au alimaanisha mungu!

Inawezakana Kweli akawa mungu

 

[mzee wa liver]

ACHANA kabisa na kitu kinaitwa ukame, unaweza kufanya mambo ambayo hayakubaliki. Ndivyo ilivyo huko jijini Merseyside ambapo, mashabiki na wapenzi wa Liverpool wamelianzisha kila mtaa kushangilia ubingwa.

Woyooooooo

 

[mzee wa liver]

Tangu usiku wa Alhamisi baada ya Chelsea kuwachapa Manchester City kwa mabao 2-1 na kuwapa nafasi Liverpool kutangazwa mabingwa, mashabiki wa mabingwa hao wapya wa Ligi Kuu England, hawalali wala kufanya kazi ni kushangilia mitaani tu.

Hurreeee

 

[Numbisa]

Ni hapo kwenye mechi dhidi ya Chelsea ndipo mamlaka zimeanza kuumiza kichwa kwani, ndio imepangwa kwa Liverpool kukabidhiwa rasmi taji hilo la ubingwa.

 

[Numbisa]

Taarifa za ndani zinasema kwamba, katika kuhakikisha amani na hofu ya kusambaa zaidi kwa virusi vya corona inadhibitiwa, mkakati uliopo ni kuangalia kama Liverpool wanaweza kukabidhiwa taji uwanja mwingine tofauti na Anfield.

 

[Numbisa]

Mkuu wa Polisi wa Merseyside, Andy Cooke amesema watu 15 wametiwa mbaroni kwa kuhusika kwenye matukio ya uhalifu wakati wa maandamano hayo ya mashabiki mitaani.

 

[Numbisa]

Kinachofanyika kwa sasa ni kuharibu taswira ya mji wetu na klabu kwa ujumla…tuna wajibu wa kuendelea kudhibiti maambukizi ya corona lakini, wanachokifanya hawa hakikubaliki,” alisema Cooke.

 

[Numbisa]

Inaelezwa kwamba mambo si shwari ndani ya klabu ya Manchester City. Kuna tishio kubwa la baadhi ya wachezaji wa kikosi hicho kutaka kuondoka.

 

[Numbisa]

Winga Leroy Sane anaweza kukamilisha dili lake la kwenda kukipiga Bayern Munich ya Ujerumani huku kiungo Kevin De Bryune naye akisubiri kuona rufani ya klabu hiyo dhidi ya marufuku ya kutoshiriki Ligi ya Mabingwa Ulaya itatoka na uamuzi gani, Pep Guardiola naye hajaweka wazi hatima yake ndani ya klabu hiyo.

 

[Numbisa]

Kocha huyo aliyeiwezesha kubeba mataji kadhaa yakiwamo ya Ligi Kuu England, Carabao na FA, mkataba wake umebaki mwaka mmoja tu na hakuna mazungumzo mapya mpaka sasa.

 

[Numbisa]

Habari za ndani ya klabu hiyo zinadai kuwa Guardiola hana mpango wa kuendelea kuwapo Etihad baada ya msimu ujao huku kukiwa na sintofahamu kuhusu ushiriki wake kwenye Ligi ya Mabingwa Ulaya.

 

[Numbisa]

Nafurahia kuwa sehemu ya mafanikio ndani ya klabu, tumepoteza msimu huu, lakini tunajipanga vyema kuwakabili Liverpool msimu ujao,” alisema alipoulizwa kuhusu mikakati yake ya baadaye.

 

[Numbisa]

Nitafanya kwa uwezo wangu ili kuwa na mafanikio. Lakini, sitaki kufikiria mipango ya mbali zaidi. Kwa sasa nawaza tuna mechi ngumu mbele yetu.”

 

[Numbisa]

Man City inajiandaa kuingia kwa kishindo kwenye soko kutokana na kauli ya De Bruyne huku Sergio Aguero (32), akiwa majeruhi na Raheem Sterling akiwa bado hajasaini mkataba mpya huku Barcelona na Real Madrid wakimsaka.