Uzi maalum wa kupeana Likes: Comment chochote upate "Like"

[D A E M U S H I N]

Zichukie sifa kwasababu baadhi ya wakati usipokuwa mwangalifu hukusababishia maradhi ya kujisahau,zipende lawama kwani hukutahadharisha kujisahau na kukuonesha thamani ya umakinifu.

 

[D A E M U S H I N]

Ataeweza kuwafahamu wanaomfahamu akawafahamu wasiomfahamu huwa ameyafahamu aliokuwa hayafahamu

 

[D A E M U S H I N]

Wenye hekima mara nyingi hawaamini kuwa kufoka ni njia mwafaka ya kuuthibitisha ukweli, bali kwao ni njia nyepesi ya kuuwaminisha uongo.

 

[D A E M U S H I N]

Aliyejichoma mwiba mwenyewe kwa kukusudiya atahadhari sana na wampao POLE.

 

[D A E M U S H I N]

Nitafanya makosa ikiwa ndowa nitaipa sifa ya pepo ,lakini itakuwa dhambi kubwa isiyo mfano kuinasibisha na moto,kwangu ndowa ni Safari iliyobeba maana ya safari,ndio maana waongozao Safari huwataka abiriya wao kufunga mikanda vyema kabla chombo hakijaanza kuondoka ili kukabiliana na yale yatakayojiri safarini .
Mwendo wa safari na yaliyomo ndani yake ndio hutowa matokeo ya mwelekeo wake.
Msafiri hutakiwa kuchaguwa Kwa makini chombo kitakachomfaa kumpeleka Safari yake.

 

[D A E M U S H I N]

Kama furaha yako ni yale maumivu halali ya wengine,yakubidi utambuwe kuwa umetoka katika misingi ya utu na ubinaadamu.

 

[D A E M U S H I N]

Usidhani kwamba huwezi kupata chochote cha kujifunza kwa mjinga,jifunze kwake kiwango cha ujinga wake.

 

[D A E M U S H I N]

Laiti ningelikuja wakati ule
Uliopita wa zama zile
Ningelikutana na watu wale

Waliokuwa wakiogopa vya watu wasile
Watembeapo njiyani kisema simile
Wakichaguwa wa kuula mchele

 

[D A E M U S H I N]

Walikamata shina hawakukimbiliya kilele
Hawakunyoosheana vidole kusema yule
Hawakusibiri vidonda walianza kutibu pele

 

[D A E M U S H I N]

Niletee sahanini
Yenye thamani dhahabu
Hata sijui kwanini
Kuula sitojaribu
Muhogo mwangu kinywani
Hilo halitanisibu

 

[D A E M U S H I N]

Uingiye mapishini
Uogope kuharibu
Uupike kwa makini
Uutimize wajibu
Muhogo mwangu kinywani
Sithubutu kwangu tabu

 

[D A E M U S H I N]

Jamani rai nipeni
Kina Juma na Khatibu
Hata upikiwe nini
Siitikii “karibu “
Muhogo mwangu kinywani
Ninasema mimi sebu
====================
sebu (kipemba) = sitaki (unguja mjini)

 

[D A E M U S H I N]

Pua aliyatamka
Mdomo akimwambiya
"Mwenzetu unapendeka "
"Vinono unajiliya"
Maneno yakajibika
"Choyo unanioneya "
"Wavijuwa vya kunuka "
"Na vile vya kunukiya "
"Uvile vinavyolika "
"Uwache nisumbuliya "

 

[D A E M U S H I N]

Jitibu haraka hayo maradhi ikiwa kila linaloonekana na jicho lako nafsi huijenga dhana mbaya juu yake.

 

[D A E M U S H I N]

Ulikuja mara mbili
Nami hakwambia laa
Pendo ni kitu thakili
Ni kisu chenye balaa
Naiogopa ajali

 

[D A E M U S H I N]

Penzi halina akili
Baba yake ni fadhaa
Halina kamwe rijali
Sifa yake kupumbaa
Waloweza lihimili
Iliwamurika taa

 

[D A E M U S H I N]

Walimwengu huwawezi
Bure sishindane nao
Khasa walokosa kazi
Ulimi silaha yao
Hushindiya simulizi
La yule likawa lao
Hawalali usingizi
Wa radhi nafsi zao

 

[D A E M U S H I N]

Fuga mbuzi
Uujuwe ufugaji
Ana kazi
Rahisi usitaraji
Si mjuzi
Lakini ni mjuaji

 

[D A E M U S H I N]

Ataranda
Ataumaliza mji
Atakwenda
Hata palojaa maji
Ana inda
Kutwa ndani ya ulaji

 

[D A E M U S H I N]

Amezidi
Ni ukweli siporoji
Mkaidi
Huu ni wake mtaji
Na kusudi
Usafi kwake hauji