Anza mazoea ya kutengeneza kachumbari yenye vitu mbali mbali iliyochanganywa na chakula cha protini kama yai la kuchemsha (salad ya mayai ya kuchemsha) au nyama/samaki/maharage yaliyobaki usiku uliopita.
MTINDI unaorodheshwa kuwa miongoni mwa vyakula bora kwa sababu una virutubisho vingi vya aina mbalimbali ambavyo vina faida nyingi katika mwili wa binadamu.
Mtindi una uwezo mkubwa wa kutoa kinga dhidi ya maradhi ya kuambukiza ukeni (vaginal infections). Wanawake wenye magonjwa ya kuambukiza sehemu za siri, wanapaswa kutumia mtindi kiasi cha pakiti moja kila siku kwa muda wa miezi sita. Maambukizi waliyokuwa nayo wanawake hao kabla yatatoweka.
Katika hatua nyingine, mtindi umeonekana kuwa na uwezo wa kupunguza kiwango cha lehemu mbaya mwilini, na wakati huo huo kupandisha kiwango cha lehemu nzuri mwilini. Hii inamaanisha kuwa, ikiwa mtindi unaondoa lehemu mbaya, mtumiaji anajiepusha pia na hatari ya kukumbwa na tatizo la shinikizo la damu.
Kama unapata shida ya kupata choo, basi mtindi unaweza kukusaidia kwa namna moja ama nyingine. Viritubisho vilivyomo kwenye maziwa (probiotics) husaidia sana kupunguza kukosa choo pia huzuia kuharisha.