Spurs wanaweza kutumia kipengele cha kumsajili Kulusevski kwa mkataba wa kudumu kwa pauni milioni 25, badala ya kusubiri hadi mkopo wake umalizike, wakati chaguo hilo linaweza kugharimu pauni milioni 33.5. (Times - subscription required)
Mshambuliaji wa Ujerumani Timo Werner anataka kuondoka Chelsea na 'the Blues' hawatamzuia nyota huyo mwenye miaka 26 ikiwa timu zitafika bei yake ya pauni milioni 33. (Sport1)
Kiungo wa Manchester United na Ufaransa Paul Pogba, 29, itabidi apunguze mshahara wake kwa kiwango kikubwa kama anataka kurejea Juventus msimu huu. (Calciomercato - via Mail)
Mshambuliaji wa Benfica Darwin Nunez, 22, anayewaniwa na Tottenham, ataruhusiwa kuondoka kama dili la pauni milioni 67 litafikiwa msimu huu. (O Jogo - via Sport Witness)
Real Madrid wanamlenga kiungo wa kati wa Borussia Dortmund na Uingereza Jude Bellingham, licha ya mchezaji huyo wa miaka18 kuhusushwa na uhamisho wa Liverpool. (Bild)
Mlinzi wa Manchester United wa miaka 21- Muingereza Brandon Williams - ambaye kwa sasa yuko Norwich kwa mkopo -anasema "hakuna haja" ya yeye kurudi Old Trafford kama mchezaji wa ziada. (Mail)
Barcelona hawajawasilisha ofa ya kumnunua mshambuliaji wa Leeds Raphinha, lakini makubaliano ya kibinafsI yamejadiliwa na wakala wa nyota huyo wa miaka 25. Winga huyo raia wa Brazilia ana kifungu katika mkataba kinachoamua bei yake ikiwa klabu yake itashushwa daraja. (Fabrizio Romano)
Atletico Madrid huenda wakarefusha mkataba wa mkopo wa mshambuliaji Antoine Griezmann,31, kutoka Barcelona lakini hawako tayari kumuachilia mshambuliaji wa Portugal Joao Felix, 22, ajiunge na miamba hao wa Uhispania. (Goal)
Arsenal wako tayari kumuachilia kiungo wa kati wa Uruguay wa miaka 26- Lucas Torreira - ambaye kwa sasa anachezea currently Fiorentina kwa mkopo - kuondoka kabisa msimu huu wa joto, huku kungo wa kati wa miaka 29- Mmisri Mohamed Elneny pia akijiandaa kuondoka. (Fabrizio Romano)
Meneja wa muda wa United Ralf Rangnick anaweza kutumia fursa ya mawasiliano yake na RB Leipzig kumleta kiungo wa kati wa Austria Konrad Laimer, 24, Old Trafford. (Bild, via Express)