Madai
Video inayosambazwa mtandaoni inaonesha makao makuu ya Jeshi la Iran (IRGC) yaliyopo Tehran yakiteketea kwa moto baada ya kushambuliwa na Marekani.
Uhalisia
Ufuatiliaji wa JamiiCheck umebaini kuwa madai hayo si ya kweli. Kupitia reverse image search umebaini taarifa ya
Reuters ya Novemba 26, 2025, inayoonesha tukio hilo likiwa ni moto mkubwa ulioteketeza majengo ya makazi ya Hung Fuk Court, Tai Po, Hong Kong. Video hiyo pia ilichapishwa na chombo cha habari cha Hong Kong,
InMediaHK, kikieleza kuwa moto huo ulienea katika majengo kadhaa na kusababisha milipuko pamoja na miali mikubwa ya moto.
Aidha, vyombo mbalimbali vya habari viliripoti tukio hilo mwezi Novemba 2025, vikithibitisha kuwa video hiyo inahusiana na ajali ya moto kutoka Hong Kong na si mashambulizi dhidi ya makao makuu ya IRGC nchini Iran. rejea
hapa na
hapa.
Hivyo video inayodaiwa kuonesha makao makuu ya IRGC nchini Iran yakiteketea baada ya mashambulizi ya Marekani imepotoshwa. Kiuhalisia, inaonesha moto mkubwa uliotokea katika majengo ya makazi ya Hung Fuk Court huko Hong Kong mwezi Novemba 2025.
