Vipaumbele vya Wizara ya Madini kwa Mwaka wa Fedha 2023/2024

benzemah · 2023-04-27T11:07:13+00:00

Nimefuatilia uwasilishwaji wa Bajeti ya Wizara ya Madini uliofanywa leo 27 April 2023 na Waziri Dotto Biteko Bungeni na nimevutiwa na maendeleo makubwa yaliyofikiwa na sekta hiyo hasa katika uendelezaji wa sekta unaofanywa na Serikali ya awamu ya Sita chini ya Mhe. Rais Samia Suluhu Hassan. Kutokana na sera na uongozi thabiti ukuaji wa Sekta ya Madini na mchango wake kwenye Pato la Taifa umeendelea kuimarika. Mchango wa sekta katika Pato la Taifa umeongezeka kutoka asilimia 4.4 mwaka 2017 hadi asilimia 7.2 mwaka 2021. Aidha, katika kipindi cha robo mwaka cha Julai hadi Septemba, 2022, Sekta ya Madini ilikua kwa asilimia 9.8. Aidha, katika kipindi hicho, mchango wa Sekta ya Madini katika Pato la Taifa uliongezeka hadi kufikia asilimia 9.7 ikilinganishwa na asilimia 7.9 kwa kipindi kama hicho mwaka 2021. Katika ya mengi niliyoyasoma hivi ni vipaumbele vya wizara kwa mwaka ujao wa fedha: 1. Kuimarisha Ukusanyaji wa Maduhuli na Kuongeza Mchango wa Sekta ya Madini kwenye Pato la Taifa 2. Kuendeleza Madini Muhimu na Madini Mkakati (critical and strategic minerals) 3. Kuwaendeleza na Kusogeza Huduma za Ugani kwa Wachimbaji Wadogo 4. Kuhamasisha Shughuli za Uongezaji Thamani Madini 5. Kuhamasisha Uwekezaji na Biashara katika Sekta ya Madini, Uanzishwaji wa Minada na Maonesho ya Madini ya Vito 6. Kuzijengea Uwezo Taasisi Zilizo Chini ya Wizara ili ziweze kutekeleza majukumu yake kwa ufanisi Vipi wadau mnaonaje mwelekeo wa Sekta hii muhimu nchini, kwa mwenye kupenda kusoma bajeti nimeambatanisha chini hapo.

Thread starter benzemah
Start date Apr 27, 2023
Tags

fedha madini mwaka mwaka wa fedha vipaumbele wizara wizara ya madini

benzemah

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Vipaumbele vya Wizara ya Madini kwa Mwaka wa Fedha 2023/2024

benzemah

JF-Expert Member

Attachments

Our Community

Regional Communities